Month: March 2006

Niðurstöður nördakönnunarinnar hennar Rúnu hérna fyrir neðan verða gerðar kunnar hér. Leikar fóru þannig að Rúna er miklu meiri nörd en ég. Og þannig fór það.

Annars hyggur Ninnsterinn á ferð í borg óttans yfir helgina. Ég held ég hafi ekki séð Ninnann síðan fyrir aldamót og ég er búinn að gleyma hvernig hann lítur út. Ég mæti með skilti niður á flugvöll sem á stendur “Ninni” svo að hann finni mig þegar hann er búinn að ná í töskuna sína.

Þessar myndir voru teknar síðast þegar við Ninni hittumst

Þangað til næst….

Ný vél og miklu skemmtilegri græja komin í safnið…

Þangað til næst….

Já það er orðið opinbert… Ég er bansettur letibloggari. 6 dagar síðan ég hripaði eitthvað hérna inn og geri aðrir betur. Ég og Kristján Freyr fórum vestur um helgina. Rúna fór í einhverja æfingaferð með ÍR og kom eins og háöldruð hæna til baka. Ég er alfarið á móti því að mömmur og húsmæður stundi íþróttir, þið ættuð að sjá hana. Hún klöngrast um húsið eins og illa gerður hlutur og getur ekki sinnt húsverkunum. Enda íbúðin í rúst því að ég er nú eins og ég er.

En eins og áður sagði að þá fórum við feðgarnir bara vestur í staðinn. Vorum hjá Önnu ömmu í góðu yfirlæti. Heimsóttum að sjálfsögðu allar hinar ömmurnar og afana enda fékk Kristján sinn skammt af knúsi. Það sem stóð uppúr hjá mér yfir helgina var að ég fékk að sofa út. Kristján svaf bara inni hjá ömmu sinni sem sinnti honum af mikilli kostgæfni. Þetta var mjög ljúft allt saman.

Las einhverja frétt um að par hafi verið handtekið niðrí bæ með barnavagn og eins árs gamalt barn sitt með…. Ég segi nú bara… HVAÐ ER AÐ????
Er ekki í lagi með fólk? Trilla bara mað litla barnið niður í bæ á fyllerí af því að þú fannst ekki barnapíu… jeminn eini. Þetta er örugglega stemmari, ætli þau hafi ekki sett bjór á pelann líka? Fávitar.

Þangað til næst….

Kominn miðvikudagur og kallinn er ekkert búinn að láta í sér heyra… Skelfileg frammistaða alveg hreint.
Ég er búinn að vera að glugga í gamlar bloggfærslur síðan fyrir 2 árum, þegar ég var ennþá í skóla, mér fannst ég sjálfur einhvernveginn vera miklu skemmtilegri þá heldur en nú. Alltaf með eitthvað skemmtilegt blogg og hver færslan á eftir annari sem kitlaði flisstaugarnar.
Núna er maður bara sífellt vælandi um allt og ekkert…
Hvernig ætli standi á þessu??? Ætli þetta sé út af því að það hafði önnur áhrif á mig að vera í skóla heldur en að vera í sömu vinnunni daginn út og daginn inn??? Eða ætli það hafi önnur áhrif á mig að hafa eignast barn og keypt station bíl og íbúð??? Hvað er í gangi???

Hvað hefur breyst???

Tommi þá…

Tommi nú….

Já ég spyr… hvað hefur breyst???

Svör óskast…

Þangað til næst….

Jæja, í tilefni af þessum vota föstudegi hef ég ákveðið að koma með nokkrar krassandi staðreyndir sem ég hef frétt á undanförnum vikum.

Heyrst hefur…

að Soffi hafi á dögunum ákveðið að taka þátt í Mr Muscle keppninni margfrægu.

Árangurinn lét ekki á sér standa og lenti kallinn í 54 sæti af 55 keppendum

að Ungfrú kópasker hafi verið svipt titlinum fyrir að hafa tekið þátt í ólöglegri rjómatertuátskeppni þar sem hún sigraði með yfirburðum

Ungfrú Kópasker á meðan allt lék í lyndi

að Sylvía Nótt, Sylvía Nótt og Sylvía Nótt hafi skellt sér á djammið í miðbæ Grundarfjarðar og málað bæinn rauðan

Eini sem var ánægður með framtakið var Óli Guðmunds sem hafði haft það á stefnuskránni að mála húsið sitt rautt, aðrir voru minna sáttir

að Heisi og Shrek séu orðnir meira en bara vinir

Heisi segir að Shrek kyssi miklu betur en Oddný

að Söngkvartettinn Súpa hafi tekið sig til og frumflutt æðisgenginn 2 sekúndna gjörning við mikinn hrylling viðstaddra.

Sem betur fer voru aðeins 3 að hlusta á Ásgeir og félaga

að Dagný Magga Jobba hafi þótt það gríðarlega flott að vera með laufblað á hausnum.

Laufblaðið vakti gríðarlega lukku hjá félögunum í karateklúbbnum sparkí haus ching sjeiiiiiin

að Ásgeir Ásgeirsson hafi hannað þennan fallega hatt og sett hann í sölu á vefverslun EJS.

Ásgeir náði að selja heila 5 hatta fyrir hádegi en það voru yfirmenn Búnaðarsviðs sem voru hinir lukkulegu kaupendur

að okkar ástkæra Þórhildur sé búin að fá nóg af fréttabissnessnum og hyggi á glymrandi frama sem Celine Dion eftirherma.

Eins og sést hérna hafa staðið yfir þrotlausar æfingar fyrir giggið

að Eva Sleggja sé orðin dauðleið á að láta klípa í afturendann á sér

Hérna er Sleggjan að ausa úr skálum reiði sinnar yfir einhverjum perranum sem á síns einskis ills von

að Jesper, Kasper og Jónatan hafi skellt sér á Ólíver um daginn og verið hent út aftur eftir 6 mínútur

Eins og sést hérna er vel hægt að skilja gremju dyravarðanna sem hentu þeim út

að ónefndur þuklari sé kominn á stjá og sé iðulega að hrella ungar stúlkur á öldurhúsum bæjarins.

Vesalings stúlkan er enn að jafna sig eftir þessa lífsreynslu

að Þuklarinn leiti jafnt á stúlkur sem stráka

Myndirnar tala sínu máli

að Viggi Runn sé alveg sjóðandi heitur þessa dagana.

Viggi skellti sér í dansskóla köru og er hér í trylltri rúmbu að hætti hússins

Þangað til næst….

Ég var plataður í vinnunni til að dúsa niður í Laugardalshöll til átta í kvöld, það er einhver iðnaðarmanna sýning og EJS mun prómóta ofur vélina sína þarna. Allir arkitektar og athafnamenn landsins eiga eftir að kolfalla fyrir þessari ofurgræju. Dell Precision hell je. Það er alveg málið þegar menn eru að brasa við einhvern ofurskít sem venjulega vélin þín ræður ekki við. Precision er málið.

Annars þá rústaði ég gjörsamlega aleinn og óstuddur svefnvenjum barnsins í gær. Málið var að Rúna fór í Trimform þegar hún var búin að sækja mig í vinnuna og þá fær Kristján yfirleitt að leggja sig í svona 10 mín í bílnum. En þar sem að Rúna var búin að setja mér fyrir verkefni á meðan hún var í trimforminu að þá svaf Kristján litli bara allan tímann á meðan ég þeysti bæjarhorna á milli með fisk og annað góðmeti handa hinum og þessum. Litli kúturinn byrjaði að rumska rétt áður en ég sótti Rúnu… semsagt, guttinn svaf í 60 mín í staðin fyrir 10 mín… og viti menn, hann var vakandi kl 23:30 þegar ég kom heim eftir að hafa verið með Magga að setja límmiða á hjólið mitt. En í fullu fjöri og voða stuð. Hann er nefninlega vanur að sofna á milli 20:30 og 21:00

En hann sofnaði nú að lokum og var svo ræstur kl 9 í morgun. Þetta ætti að reddast og vonandi að hann taki nú ekki upp á því að vera vakandi fram að miðnætti á hverju kvöldi.

Þangað til næst…..

Já, ég fór á árshátíð EJS um helgina. Klæddi mig í mitt fínasta púss og hélt ótrauður af stað aleinn, konan lá í flensu heima en ég ákvað að skella mér fyrst að þetta var fríkeypis í boði starfsmannafélagsins.

Þetta var jú ágætt, tillti mér á borð með Ragga og Fríðu og beið glorhungraður eftir matnum. Fljótlega bar þar að ofurölvi manneskju sem hafði líklega fengið sér aðeins og mikið neðan í því. Ofurölvi manneskjan ákvað að tilla sér við hliðina á mér, jú jú það var svo sem í lagi ef hún yrði ekki með læti. Mér varð ekki að ósk minni, fljótlega fóru að berast hin ýmsu tilboð frá ofurölvi manneskjunni um að fara upp á svið að syngja eða að dansa upp á borði osfr, mér til lítillar skemmtunar. Fljótlega uppúr þessu var komið með forréttinn. Ofurölvi manneskjan þurfti mikið að tjá sig um ágæti þessa forrétts og ég held að enginn á borðinu hafi komist þar undan… “Hva ætlaru ekki að borða skelfiskinn þinn???” “Humarinn er æði” og fleiri fleygar setningar fengu að fljóta.
Þá tók við mikil bið eftir aðalréttnum. Þegar hann kom loks á borðið var þegar búið að skenkja ofurölvi manneskjunni 3 sinnum of oft í glasið.
Yfir aðalréttnum héldu fleygu setningarnar áfram að fljúga… “Af hverju er kartaflan ferköntuð??”, “Viltu borða kjötið mitt???” osfr.

Þarna var aðeins farið að fjúka í kallinn enda kominn með hausverk af öllum þessum asnalegu spurningum, það fór nú þannig að maður lét sig bara hverfa áður en eftirrétturinn kom á borðið. Frekar lúmskur á því.

Kíkti svo í afmælið hans Batta eftir þetta og kastaði kveðju á liðið. Fór svo heim í háttinn.

Þangað til næst….

Til hamingju með afmælið í dag mússímússíkrússídúllurnar mínar…

INTER 98 ára í dag

Þangað til næst…..

Ég er þræl pirraður að enginn skildi vilja klukka mig. Allir sem voru eitthvað smá líklegir til þess segjast bara ekki vilja klukka einn né neinn… hnuss, þannig að ég ætla bara að gera þetta sjálfur og svo ekki klukka neinn og hana nú.

Fjögur störf sem ég hef unnið um ævina:

.Frystitækjafræðingur í frystihúsi Grundarfjarðar
.Starfsmaður í húsgagnadeild Rúmfatalagersins
.Háseti á netakoppnum Grundfirðing SH
.Sölufulltrúi í EJS

Fjórar bíómyndir sem ég gæti horft á aftur og aftur:

.Star Wars (allar)
.Highlander
.The Rock
.Ace Ventura pet detective

Fjórir staðir sem ég hef búið á:

.Grundarfjörður
.Söðulsholt Eyjahreppi
.Akureyri
.Reykjavík city of death

Fjórir sjónvarpsþættir sem ég hef dálæti á:

.24
.Prison Break
.Lost
.Fóstbræður

Fjórir staðir sem ég hef heimsótt í fríum:

.Mallorca
.Krít
.London
.Manchester (Old Trafford)

Fjórar (ekki blogg) síður sem ég skoða daglega

.www.fotbolti.net
.www.manutd.is
.www.skysports.com/football
.www.mbl.is

Fernt matarkyns sem mér finnst gott að borða:

.Kjúllinn hennar Rúnu/Ellenar
.Grillað lambakjöt
.Nonnabiti (lambabátur)
.Nr 10 á KFC

Fjórar bækur sem ég les oft:

.Lord of the rings
.Svalur í New York
.Býr Íslendingur hér (Leifur Möller)
.Saga Rauðu djöflanna (saga Man Utd)

Fjórir staðir sem ég vildi vera á núna:

.Grundarfirði
.Old Trafford
.Heitri sólarströnd
.Heima hjá Rúnu og Kristjáni Frey

Fjórir bloggarar:

.geta étið það sem úti frýs

Þangað til næst…..

Þar sem að það virðist vera í tísku að skrifa svona opin bréf á blogginu sínu og rífast við mann og annan að þá verð ég bara að koma með eitt hérna.

Opið bréf til Jóns Frímanns Eiríkssonar.

Kæri herra Jón Frímann

Ég vildi bara benda þér kurteisislega á það að það nennir enginn að lesa blogg um toghlera og botnvörpur til lengdar. Ég held að með tækni google að þá geti hver sá sem hefur áhuga á að fræðast um þessa hluti orðið sér úti um þessar upplýsingar með lítilli fyrirhöfn.
Þér fyrirgefst nú fyrir svona lagað því að ég veit fyrir víst að þú uppgvötvaðir Google fyrir innan við ári síðan.
Ég held að þú ættir að toga þinn þrjóska haus út úr rassgatinu á þér og fara að skrifa eitthvað skemmtilegt… eins og til dæmis að svara þessu bréfi hérna sem undirritaður er að hripa niður og glottir við tönn.
Svo vil ég líka benda þér á að þínar skoðanir eru ekki algildar þó að vissulega eigirðu rétt á að tjá þig eins og hver annar. Skagamenn eru ekki endilega bestir þó svo að þeir hafi unnið einhverja silfurkoppa árið sautjánhundruð og súrkál. Liverpool eru heldur ekki bestir og í guðanna bænum ekki reyna aftur að troðast með eitthvað LFC dót inná mitt heimili þar sem að aðeins eitt fótboltalið frá Englandi er stutt (sjá meðfylgjandi mynd)

Með þessu áframhaldi og þröngsýni þá stefnirðu í að setja íslandsmet í leiðindum þegar þú verður sestur í helgan stein. Ég sé þig fyrir mér sitjandi í ruggustól, japlandi tannlaus á stappaðri kartöflu lemjandi hjúkkur með stafnum þínum fyrir slælega þjónustu og tuðandi um að svona hafi þetta nú ekki verið í þínu ungdæmi.

En batnandi mönnum er best að lifa og ég vona svo innilega að þú hafir það sem allra allra best í framtíðinni því traustari vin er vart að finna fyrir utan ofangreinda galla.

Kveðja, þinn vinur Tómas Freyr Kristjánsson

Þangað til næst…