Month: December 2008

Árið 2009 verður stórmerkilegt fyrir margra hluta sakir…

Þetta verður árið sem…

Jón Frímann ákveður að skella sér í snarpa megrun og tekst svo vel til að hann verður álíka spengilegur og hann var á 19 aldursári, eða rétt rúm 63 kg og 204 cm á hæð.

Viggi Runna ákveður að söðla um og flytja út frá mömmu sinni og pabba. Hann byggir sér hús í garðinum hjá þeim og mun búa þar pattaralegur fram eftir öllu.

Maggi Jobba splæsir í flotta hárþurrku sem kallast HAIRDRYER 3000 og verður svo svakalega montinn af gripnum að hann ákveður að safna hári og fá sér permanett.

Ninni fjárfestir í nýjum bíl, bíll þessi á eftir að reynast alveg svakalega vel og einungis bila 3 sinnum að meðaltali á dag, sem er ýfið lægra en núverandi volkswagen golf grand III turbo intercooler. Nýi bíllinn verður að gerðinni volkswagen golf grand IV turbo intercooler gta supercharged bííatshh árgerð “88.

Grundarfjarðarbær sker niður talsvert mikið í framkvæmdum á árinu og þar af leiðandi verður hætt við að bora göng yfir í Lýsuhólslaug, brú yfir í Melrakkaey, þyrlupall ofan á bæjarskrifstofuna, verslunarmiðstöð uppá Kirkjufelli, 17 þús fermetra íþróttamiðstöð með sundlaugagarði og 8 stjörnu heilsurækt fyrir loðdýr. Og sitthvað fleira sem fellur af dagskrá fyrir niðurskurðahnífnum ógurlega.

Rúna Jobba ákveður að fá sér rúllur í hárið.

Haddi Rutlu mun syrgja það mjög að Liverpool mistekst enn eitt árið að ná topp 3 í ensku og mun niðurlútur byrja að styðja Crewe Alexandra þar sem að Skagamaðurinn Gaui Þórðar ríður rækjum.

Rutla sjálf mun svo fá sér Liverpool 4th place tattú á hægri upphandlegginn manni sínum til halds og trausts.

Kaffi 59 mun byrja á þeim nýjungum að bjóða upp á karókí hindúa á nýju ári en verða frá að hverfa vegna dræmrar þáttöku.

Steini Jobba mun söðla um og opna Jakuxa leigu í Hafnarfirði, það mun verða rífandi bissness hjá kallinum í þessu enda allir bændur hættir að tíma að fjárfesta í traktorum.

Steiktir kattahalar munu ryðja sér til rúms sem hið mesta hnossgæti og leysir humarhala af, sem verða allt of dýrir fyrir almúgann.

Skipt verður tólf sinnum um borgarstjóra í reykjavík árið 2009 og endar það með því að borgarstjóraembættið verður lagt niður mun bæjarstjórinn í Kópavogi verða keisarinn yfir Reykjavík og nágrenni.

Up The Irons munu sigra tippleikinn margfræga með afgerandi yfirburðum árið 2009.

ÍA mun gera 0-0 jafntefli við Víking Ólafsvík árið 2009

Fínt í bili. Gangið hægt um gleðinnar dyr og passið ykkur á rakettunum.

Þangað til næst…. (sem verður á næsta ári)

Kristján í góðum gír að opna pakkana á aðfangadagskvöld

Svo var það pakkinn frá ömmu Dittu…

Svo varð maður að testa gripinn…

Þangað til næst….

Þegar árið er liðið er bara rétt að líta rétt svo yfir hvað maður var að brasa síðastliðna mánuði.

Here goes.

Janúar:
Ný fluttur til Grundarfjarðar og við vorum öll að vinna á fullu í húsinu okkar nýja. Tók þátt í Old boys héraðsmóti í fúzzboll og að sjálfsögðu sneri maður heim klyfjaður af gulli.

Febrúar:
Flytjum loksins inn í húsið okkar að Grundargötu 68. Annars var bara kalt og mikill snjór þessa dagana.

Mars:
Þetta var frekar rólegur mánuður svona eins og gengur og gerist. Liverpool slær Inter út úr Champ Líg og einhver svoleiðis leiðindi. Set í gang könnun á blogginu um hvort að maður eigi að fara á DIO eða Gayvin de Graw tónleika í London. Það þarf svo sem ekkert að taka það fram að DIO rúllaði þessu upp easy.

Apríl:
Fjárfesti í DIO miðum eftir að hafa rústað könnuninni. Mætti á fótboltaæfingu í hólminum og dó næstum því við það.

Maí:
Þetta var massa flottur mánuður. Sérstaklega þar sem að United urðu Englands og Evrópumeistarar eftir einvígi við Chelsea á báðum stöðum. Þvílík og önnur eins hamingja hjá undirrituðum að annað eins hefur ekki sést síðan í Dawson Creek. Jú og ég fór til London… Það var fínt.

Júní:
Blendnar tilfinningar þegar Jose Mourinho er ráðinn knattspyrnustjóri míns heittelskaða Inter liðs. Svo var maður á einhverju tónleika flakki, fór á DIO, Whitesnake og James Blunt. Fórum í miðnæturgöngu uppá Snæfellsjökul um Jónsmessunótt og svo skokkuðum við líka uppá Kirkjufellið fagra.

Júlí:
Ferðaðist um Vestfirði í góðum hóp. Það var rosalega fínt og mikið að sjá fyrir utan smá bleytu á okkur. Röltum svo yfir Arnardalsskarð í frábæru veðri. Það var magnað. Grundarfjarðardagarnir skullu á með skelli og við Jón Frímann slógum í gegn í útvarpinu. Sem og við Gústi líka.

Ágúst:
Fórum norður um verslunarmannahelgina. Tókum einhvern túrista pakka á þetta. Ásbyrgi í frábæru veðri og svo héngum við bara inná Bárðardal í góðu yfirlæti. Svo keypti ég mér Playstation 3 tölvu og risastórt sjónvarp. Þetta var rétt fyrir kreppu og borgað út í hönd að sjálfsögðu 😉 Svo var maður tekinn fyrir of hraðan akstur og alles. Bölvað prump.

September:
Man Utd kaupir DIMITAR BERBATOV og það er Berbalicious. Nett Berbatov æði grípur um sig og karlinn fer og fjárfestir í forláta Berbatov naríum með g-streng fyrir konuna. ÍA fellur um deild og allt verður vitlaust á Skaganum.

Október:
Kreppa kreppa kreppa, fátt er rætt um annað en þessa voluðu kreppu sem allt snýst um. Svo ákveður all time hetjan mín að fara til helvítis AC Milan. Af hverju fór hann ekki bara í West Ham eins og sagði í auglýsingunni??? Æ já það fór að sjálfsögðu á hausinn.
Maggi og Dagný eignast lítinn Jobba sem er algjört krútt.

Nóvember:
Afmæli eins og alltaf. Fór á forsýningu James Bond… Það var kúl. Fékk svo þessa svakalegu magaveiki. Bæði skítandi og ælandi í heila viku. Léttist um 7 kg og ekki af miklu að taka fyrir.

Desember:
Jólin og allt það. Veiiii

Þannig var árið sem er að líða. Vonandi verður 2009 jafn skemmtilegt og 2008.

Það styttist líka í árlega áramótaspá Tomma sem kemur hérna innan þriggja nátta.

Þangað til næst….

Fjölskyldan á Grundargötu 68 óskar öllum þeim sem lesa þetta gleðilegra jóla og farsældar á komandi ári… Vonandi er þetta smá sárabót fyrir jólakortaleysið þetta árið. Spurning um að senda 2 jólakort á mann um næstu jól. Við sjáum til.

Lifið heil og eigiði gleðileg jól.

Þangað til næst….

Þessi maður er snillingur… ekkert annað en snillingur.

Svo eru þessir þættir algjört helvítis snilldarverk.

Og svo besti þátturinn til þessa

I’m on setanta sport… GEÐVEIKT FYNDNIR ÞÆTTIR

þokkalega þess virði að horfa á.

Shut up Sven

Be Champions

Þangað til næst…

Sælinú

Sökum almenns slugsaskaps og sauðahátts undirritaðs, þá verða engin jólakort send frá Grundargötu 68 þetta árið… Reyndar eins og í fyrra en það er önnur saga (þá vorum við ekki flutt inn).

Ástæðan fyrir því að ég er að rita þetta er sú að nú þessa dagana hrúgast inn um hurðina hjá manni hvert jólakortið á fætur öðru og með hverju korti bætist ofaná samviskubitið sem nagar mig yfir því að hafa ekki sent eitt einasta helvítis jólakort.

Maður verður bara að segja eins og stóru fyrirtækin… “Engin jólakort verða send í ár, í staðinn mun allur jólakortasendikostnaðurinn renna til styrktar bágstöddum flamingóum í Úsbekistan. Ég hef fengið kort frá dýramálaráðherra Úsbekistan þar sem hann þakkar fyrir þennan veglega stuðning og segir að allar 348 krónurnar muni koma að góðum notum.”

Ég lofa að bæta úr þessu á næsta ári og senda ykkur öllum veglegt og svakalega flott jólakort.

Þangað til næst….

Á flickrinu mínu eru allar myndir skilmerkilega og skýrlega skráðar eftir kúnstarinnar reglum. Þar get ég séð hversu oft hver mynd hefur verið skoðuð og hverjir merkja hana í favourites og commenta o.s.fr.

Sú mynd sem hafði verið lang vinsælasta myndin frá upphafi var tekin uppá Kirkjufelli í síðasta sumar, hún skartaði litlu systir minni þar sem hún stóð á toppnum.

myndin fræga af henni Hönnu minni

En á laugardaginn skruppum við Kristján Freyr niður í fjöru og smelltum mynd af Kirkjufellinu fræga ásamt tunglinu og það virtist hafa lagst svona líka helvíti vel í flickrarana að hún þaut framúr öllum myndunum á met tíma og fór á toppinn. Hún var ekki búin að vera public nema í c.a. sólarhring þegar hún var búin að slá myndina af Hönnu út. Einnig hrúgaði hún á sig commentum að annað eins hefur ekki sést á flickr síðunni minni. Var komin með 71 comment þegar þetta er ritað. Ég held að næst flestu commentin séu 15 talsins.

Myndin fræga

Það naumast bara að Kirkjufellið mitt virðist alltaf leggjast vel í fólk. Enda ber það svo sem af öðrum hólum ehaggi!!!

Við Kristján erum búnir að vera 2 einir um helgina því að spúsan ákvað að skella sér í kreppuferð til Danaveldis. Þetta er búið að vera voðalega ljúft hjá okkur. Fórum út að renna okkur á laugardaginn og svo aftur í gær. Svaka stuð enda veðrið búið að vera glimrandi fínt.

Svo ein sætumynd af Krissa litla sem hefur fengið fínar viðtökur líka

Þangað til næst….

Ninnmundur er 27 ára í dag. Hann fær að sjálfsögðu kveðju.

Talan 27 er nokkuð merkileg. Þeir eru ófáir rokkararnir sem hafa geispað golunni á þessum aldri. Kurt Cobain, Jimi Hendrix, Janis Joplin, Jim Morrison, Brian Jones og svo einhverjir fleiri óþekktari póstar. Flestir af hinum undarlegustu orsökum eins og að drukkna í eigin ælu, skjóta af sér hausinn svo eitthvað sé nefnt.

Ninni minn, þú lætur gítarinn eiga sig og ferð varlega þangað til að þú verður 28… Svo geturðu byrjað að rokka úr þér garnirnar eftir ár.

Þetta er bara af því að mér þykir vænt um þig kúturinn minn.

Þangað til næst….

Ja hérna hér hvað tíminn líður… Og maður nennir ekkert að skrifa neitt á þessa guðsvoluðu síðu lengur. Er tími bloggsins liðinn? Er þetta ekkert hipp og kúl lengur? Tjah, maður spyr sig.

Annars gerðist svolítið fyndið um daginn…

Tengdamamma mín hún Anna Jobba er alveg voðalega hrifin af allskyns jólaskrauti sem gengur fyrir rafhlöðum. Og ekki skemmir fyrir ef að það eru alveg ferleg læti í því líka. Hún hefur sankað að sér yfir árin, einhverjum óskaplegum fjölda af allskyns syngjandi jólasveinum, jólatrjám, hringekjum og ég veit ekki hvað og hvað. Og ég held að henni líði best þegar hún er með kveikt á þessu öllu í einu og hvert skrapatólið gólandi ofan í hvert annað… Fyrir hinn venjulega mann (undirritaðan meðan annars) þá er þetta alveg óþolandi hávaði. Það er sérstaklega eitt jólatréið sem fer alveg í mínar fínustu. Það er reyndar komið til ára sinna þannig að röddin í því minnir á andsetinn hund með gigt þegar það byrjar að góla jólalögin. Þetta tiltekna jólatré er svo vel búið að það er með einhversskonar skynjara þannig að það kviknar á því þegar einhver hreyfing er í herberginu. Þessi fídus hefur kallað fram fleiri blót og hrakyrði en hjá sjálfum Kolbeini Kaftein.

Svo vorum við í heimsókn hjá tengdó um helgina, ég, Rúna og Kristján Freyr. Og það þarf svo sem ekkert að taka það fram að amman var í jólaskreytingahugleiðingum og var að rífa hvern kassann á fætur öðrum niður af háaloftinu. Uppúr einum kassanum koma svo svona tvö syngjandi, óþolandi jólatré. Amman uppveðrast öll af þessum gríðarlega skemmtilega fundi að hún stekkur til og byrjar að róta í öllum skúffum og skápum eftir rafhlöðum. Því miður fyrir mig þá fann hún rafhlöður í græjurnar og byrjar að sýna Kristjáni þetta gríðarlega skemmtilega, syngjandi jólatré. Kristján verður svaka hrifinn af þessu og heimtar að fá það lánað heim til sín. Ég var nú fljótur að segja að það væri ekki hægt en amma var líka snögg að segja að það væri EKKERT MÁL. DJÖFULL. Nú voru góð ráð dýr, ég varð að gjöra svo vel að fara með þetta bévítans syngjandi jólatré heim og hlusta á það allt kvöldið góla jingle bells og fleiri óþolandi slagara með úrbræddri rödd.

Svo loksins þagnar tréð og Kristján fer uppí rúm að sofa. Hann vill hafa jólatréð uppí hillu inní sínu herbergi sem var að sjálfsögðu leyft.

Kristján sofnar og undirritaður sest úrvinda í sófann. Aaaaaahh kyrrð, verrý næs.
En kyrrðin mín var rofin af gríðarlegu öskri innan úr herberginu hans Kristjáns. Þetta var c.a. 3 klst eftir að hann fór að sofa sæll og glaður. Ég stekk til og hleyp inní herbergi til hans. Kveiki veggljósið hjá honum og sé hvernig hann situr í rúminu, berjandi höndunum frá sér eins og hann sé að slást við einhvern. Ég stekk til hans og byrja að róa hann niður. Hann náði að segja mér í gegnum grátinn að jólatréð væri brjálað (hans orð) og að ég ætti að fjarlægja það úr herberginu hið snarasta. Hann hafði semsagt fengið martröð út af helvítis jólatrénu…. Það hálf hlakkaði í mér þegar ég hélt á þessu helvíti út úr herberginu….

Eftir þetta hefur drengurinn sömu skoðun á syngjandi jólatrjám eins og karl faðir hans. Múhahahahaha.

Réttlætið vinnur og engin syngjandi jólatré á Grundargötu 68 þessi jólin.

Þangað til næst….