Month: December 2009

Janúar…

Ekkert merkilegt sem gerðist hér fyrir utan að Man Utd skellti Chelsea 3-0, ég skráði mig í bókhaldsnám næstu 2 mánuði.

Febrúar…

Róleg stemming á Grundargötu 68 þennan mánuðinn… Ég keyrði 2 í viku til Reykjavíkur til að mennta mig í Bókhaldsfræðum.

Mars…

Man Utd voru rasskelltir á Old Trafford af Liverpoop 1-4. Svartur dagur og ég er ekki viss um hvort ég sé enn búinn að jafna mig á þessum horbjóði. Jú og svo rakaði ég mig sköllóttan til að jafna út kollvikin.

Apríl…

Fjölskyldan fór í vetrarævintýraferð inní Bárðardal til að éta páskaegg.

Maí…

Brúðkaupspælingar á háu stigi… Man Utd Englandsmeistari 3 árið í röð og jafna þar með titlafjölda Liverpool (sem hafa ekki unnið síðan einhverntímann á síðustu öld).

Júní…

Hef greinilega haft nóg annað að gera en að blogga þennan mánuðinn… líklega vegna brúðkaupsplana og brúðkaupsheimsókna til Jóns Frímanns og Láru sem giftu sig í þessum mánuði. Kallinn var steggjaður í drasl og skotinn í rusl með litboltabyssu. Einnig var Ninni bróðir steggjaður, sendur í stúdíó og látinn perrast með samkynhneigðum ljósmyndara í Öskjuhlíðinni… Banani kom við sögu en maður er samt bundinn þagnareið.

Júlí…

Giftum okkur 4 júlí með pompi og pragt. Fórum svo í ferðalag um norðausturland og blíðskapar veðri. Mega fínt stöff þar á ferð. Hátíðin á góðri stund var haldin og fór vel fram. Við Gústi bróðir mössuðum útvarpið þar sem að við spiluðum lagið með Ninna í gríð og erg.

Ágúst…

Ninni og Dagmar giftu sig á Egilsstöðum og héldu svo frábæra veislu í Jökuldalnum… Ég var veislustjóri ásamt einni vinkonu Dagmarar og fór þetta allt saman gríðarlega vel fram. Frumflutningur á Is it true með Ninna fyrir Dagmar vakti gríðarlega lukku.

September…

Skráði mig í skóla og stefndi á stúdentinn í lok annar.

Október…

Lífið gengur sinn vanagang. Er í skólanum, vinnunni, formaður UMFG, slökkviliðið og eitthvað fleira…

Nóvember…

Þessi mánuður byrjar alltaf eins… eitt ár enn. Skólinn orðinn þyngri… tek til við að undirbúa útgáfu dagatals fyrir slökkviliðið. Hneikslast enn og aftur á einstaklega snemmbúnum jólalagaflutningi á öldum ljósvakans.

Desember…

Mikið að gerast í desember. Gáfum út dagatal Slökkviliðsins þar sem að hr nóvember fer á kostum ásamt hr febrúar. Jólin koma, útskrifast sem stúdent og ég veit ekki hvað og hvað. Eflaust eitthvað fleira en þetta dugar í bili…

Áramótaspá Tommans kemur strax á morgun 1 jan þannig að þangað til gangiði hægt um gleðinnar dyr og eigiði góð áramót og gleðilegt nýtt ár.

Þangað til næst….

Jæja… þá er aðfangadagsgeðveikin og matarsukkið sem því fylgir liðið og áramótin á næsta leiti. Við erum búin að hafa það ansi fínt hérna í firðinum. Við vorum hjá mömmu á aðfangadagskvöld þar sem að Kristján Freyr fór á yfirsnúning við að hjálpa Gústa Alex við að lesa á pakkana. Það er nú nokkuð nett að segja frá því að drengurinn er farinn að lesa eins og herforingi aðeins 4 ára að aldri… Hann hlýtur að hafa erft heilastarfsemina frá móður sinni.

Svo eru það áramótin næst og 2010 á næsta leiti… árleg yfirferð yfir 2009 og árleg áramótaspá Tomma eru yfirvofandi… stay tuned

Þangað til næst….

Það er ýmislegt í gangi hjá okkur. Fyrir utan allan venjulegan og hefbundinn jólaundirbúning að þá er kallinn að útskrifast sem stúdent þann 18. desember næstkomandi. Aðeins 33. ára að aldri sem verður nú bara að teljast nokkuð gott. Fyrstur af Dittulingunum sem það gerir. Reikna með að það verði smá kaffisamsæti á sunnudaginn næsta fyrir nánustu ættingja af þessu tilefni.

Svo var Slökkvilið Grundarfjarðar að gefa út heitt dagatal fyrir árið 2010… þar ber af hr nóvember… reyndar er hr febrúar líka nokkuð kræfur enda eingöngu klæddur í stígvél. Sjón er sögu ríkari og ég hvet alla til að fjárfesta í þessu dagatali fyrir 2500 kr. Allur ágóði rennur til Slökkviliðsins.

smá preview af hr nóvember

Annars er maður orðinn svo hrikalega latur við að blogga að það hálfa væri miklu meira en nóg. Spurning hvort að einhver lesi þetta ennþá….

Þangað til næst….