Er undarlegt að maður sem er að nálgast þrítugt hafi aldrei komið á Þingvelli???

Mér finnst það. Ég skellti mér nefninlega í jómfrúarferð á Þingvelli í gær því ég hafði aldrei á minni lífslöngu ævi komið á þann margfræga stað. Ég og Viggi hjóluðum þangað í gærkveldi og þvílíkt og annað eins. Þvílík yfirþyrmandi náttúrufegurð að það hálfa væri nóg. Svo er þetta bara örstutt frá Reykjavík. Fáránlegt að maður hafi aldrei komið þarna áður. Bara haft c.a. 27 ár til þess en aldrei nennt.
Svo eru líka fullt af öðrum stöðum sem maður hefur aðeins séð á póstkorti. Staðir eins og Gullfoss og Geysir og svoleiðis gút sjitt. Maður þarf að setjast niður næsta sumar og hripa upp einhverri ferðasjeddjúl og bruna um Ísland og skoða sig um. Engin spurning.
Þegar maður aulaði því út úr sér að maður hafði aldrei komið til Þingvalla þá göptu bara allir eins og það væri eitthvað sjálfsagt mál. Hnuss. Big Goj spurði með hneikslunartón hvað ég væri eiginlega gamall. Maður varð bara hálf skömmustulegur hmm ha. En kallinn er búinn að bæta úr því núna og hefur gerst svo frægur að koma á þingvelli og rölt um á slóðum forfeðra okkar og leyst vind í almannagjá og hananú.

….og eitt enn. Ég er EKKI samkynhneigður.

Þangað til næst…..