Þetta er nú meira fjölmiðlafárið sem fylgir honum Sigurerni vini okkar allra eins og lesa má —HÉR—

Tókum skrepp til Grundó city í gær. Bara rétt svona til að fá okkur að borða og svoleiðis. Reyndar voru Ninni og Dagmar í heimsókn líka og það var nú gaman að hitta þau líka. Gústi bróðir á hækjum eins og einhver gorkúla, var víst eitthvað að leika sér á krossaranum sínum með þessum afleiðingum.

Svo var Sylvía systir að skíra litla kútinn sinn á laugardaginn og fékk hann nafnið Sebastian Óli.

Svo var kella að koma með dagskrá vikunnar fyrir mig… úff.
Á miðvikudaginn verður allsherjar tiltekt fyrir jólin hjá okkur. Svo á fimmtudaginn ætlum við að kíkja á rockstar tónleikana. Og á föstudaginn á að skreyta allt hátt og lágt. Ég fór eitthvað að malda í móinn því mér líst ekkert á að hafa allt húsið rauðglóandi í skærum ljósum í tvo mánuði. En þá kom hún með þessi snilldar rök… En við eigum barn… Skák og mát. Kallinn verður sveittur að skreyta allt á föstudaginn með gulum, rauðum og grænum músastigum um allt hús.

Þangað til næst….