Fimmtudagur í dag og allir í góðum gír. Júnæted þrumaðist áfram inn í riðlakeppnina í champ líg. Dregið verður í riðla rétt á eftir og mun Tomminn fylgjast spenntur með því. Líddsara rídjektið hann Alan Smith er að finna sig á nýja heimavellinum sínum á gömlu torfunni því kallinn setti tvö í gær og heldur einn uppi sóknarleik júnæted. En nóg um það.

Tomminn var eins og áður kom fram að keppa síðasta sunnudag sem væri ekki frásögum færandi nema það að dómaraófétið fór helvíti illa með kallinn. Tomminn var hörkuseigur í leiknum og náði sér í gult spjald fyrir mjög svo grófa og tilgangslausa tæklingu. Svo var kallinn heppinn að láta ekki reka sig útaf eftir að hafa sparkað í fésið á einum varnarmanni ningsara. Svo þegar leikskýrslan er uppfærð á netinu þá er bara ekkert minnst á þetta gula spjald… hnuuuussss andskotans vitleysa. Nú þarf ég líka að rembast við að ná mér í gult spjald í næsta leik ha. Ekki er nú öll vitleysan eins.

Helgin að koma og Tomminn verður í fríi um helgina. Svo eitthvað verður gert sér til gamans. Ætli maður verði ekki að hjálpa Rúnu litlu að flytja því nú er íbúðin þeirra Steina að verða klár. Enda Steini búinn að vera sveittur að mála kofann síðustu daga. Svo er það náttúrlega Júnæted leikur í beinni á S1 á laugardaginn og ekki vill maður missa af honum hmmmm.

Þangað til næst…..