Jójójó, ekki það að mig langi í jójó þá vissi ég bara ekki hvernig ég átti að byrja þennan guðsvolaða pistil.

Tímabilið hjá FC Fist er að byrja. Það er talað um að skipta um nafn á liðinu sem er gott. Allar ábendingar um nýtt nafn á þetta merkilega fótboltalið eru vel þegnar í commentakerfið hér að neðan.

Ég og Auðunn erum búnir að sníkja út styrki hjá góðum fyrirtækjum fyrir staðfestingargjaldinu sem þarf að borga í síðasta lagi á morgun. Við gengum frá því nú í dag þannig að allt er komið á fullt. Svo erum við líka búnir að fá æfingarvöll hjá Fram kl 22:00 á þriðjudagskvöldum. Þar höfum við hálfann völlinn í eina klst. Þannig að það er æfing næsta þriðjudag aight.

En nóg um það. Rúna mín er orðin huge. Ég veit hreinlega ekkert hvað ég á að gera í þessu. Það er varla að maður komist fyrir í rúminu lengur. Svo er hún alltaf bröltandi um allar nætur og maður fær engann svefnfrið ofan á allt saman. En þessi elska er nú líka búin að ganga í gegnum ýmislegt og á skilið verðlaun fyrir allt harkið. Þannig að hún kemst nú líka upp með ýmislegt í mínum augum. Ég reyni að láta allt eftir henni 😉

Maður er nú orðinn veikur aftur ofan á allt saman. Kominn með einhvern hálsbólguhitahóstaskít. Ég stóð í þeirri meiningu að ef maður er veikur að þá styrkist ónæmiskerfið þannig að maður yrði ekkert veikur aftur í bráð. Eeeen neeeei að sjálfsögðu þegar Tomminn er að braggast af ensku veikinni að þá kemur bara önnur veiki í staðinn. Hvur andskotinn gengur eiginlega á með þessu?

Mínir menn í Inter rúlluðu upp Porto í gær sem betur fer. Það er allavena eitt af mínum uppáhaldsliðum sem komst áfram. Adriano sá um að skora mörkin í gær. Nokkuð nettur á því kallinn.

Jæja, nóg af röfli í bili. Kannski og bara kannski kemur slúður fyrir helgi. Sjáum til. En endilega komið með tillögur um nýtt nafn á fótboltaliðið mitt í commentakerfið aight.

Þangað til næst……