Árið sem leið…

Jæja þá er best að rúlla aðeins yfir nýliðið ár og sjá hvað á daga manns hefur drifið.

Janúar:

Þetta ár byrjaði á frekar súrum nótum. Strax á gamlárskvöld þegar að við vorum að sprengja burt 2011 var Kristján Freyr orðinn eitthvað skrítinn. Þegar við komum heim var hann kominn með 39 stiga hita og daginn eftir var farið að örla fyrir sýkingu í munninum á honum. Við förum með hann suður og þar tók við vikudvöl á barnaspítala Hringsins á meðan óteljandi læknar tóku óteljandi prufur og eftir margar rannsóknir kom nákvæmlega ekkert í ljós nema að þeir héldu að þetta væri einhver ólæknandi sjúkdómur. Nú er liðið ár síðan þetta var og ekkert örlað á svona munnsýkingu aftur sem betur fer og maður vonar bara það besta.

KFT

Annars voru háhyrningarnir hérna og einstaklega mikið fuglalíf í Kolgrafafirði eins og áður.

Diving

Febrúar:

Í febrúar var lífið að komast í fastar skorður. Kristján var á einhverjum sterakúr sem gerði hann ansi þéttvaxinn eins og gengur og gerist. Grútarblautir fuglar settu svip sinn á mánuðinn og ég fór mikinn í almennum sauðshætti þegar að ég náði á einhvern óskiljanlegan hátt að læsa ipadinum mínum með því að skipta um lykilorð og muna svo ekki hvaða lykilorð ég setti upp. (hægt að lesa nánar um það á febrúarbloggi síðasta árs)

Gústi, Gústi, Gústi og Kristján Freyr

Ég tók líka smá myndarölt í Kolgrafafirði…

Kolgrafafjörður

Mars:

Mars byrjaði á að erninum óheppna Sigurerni var sleppt við Berg. Hann var frelsinu feginn og maður þurfti að hafa hröð handtök til að ná mynd af kvikindinu þegar að skaust í átt til frelsis. Náði þessari mynd í hamaganginum.

Take off

Einnig fjárfesti ég í fyrsta Nikon dótinu mínu þegar á keypti mér forláta Nikon kíki sem hefur reynst vel. Einnig varð heljarinnar hvalóféti strandaglópur hérna á Snæfellsnesi.

Family

Kristján Freyr stóð sig með prýði á árshátíð grunnskólans.

Thinking

Apríl:

Við byrjuðum apríl á að skella okkur í páskafrí norður í land. Vorum hjá Ninna og Dagmar á meðan við stunduðum skíðin og snjóbretti í gríð og erg. Fórum svo í afslöppun í Bárðardalinn.

bretti

gleraugu

Kristján Freyr

Einnig var haldið með miklum meisturum í ljósmyndaferð hérna á nesinu. Það var mjög gaman og þyrfti að endurtaka þá ferð hið fyrsta.

Reflection

Kolbeinsstaðahreppur

Maí:

Í maí var mikið um að vera. Bæði Rúna og Kristján urðu árinu eldri og mikið var um fermingar og útskriftarmyndatökur. Vorið var komið, sumarið lá í loftinu og lífið var yndislegt. Fótboltinn byrjaði af krafti og allt í gangi. Ég splæsti í mína fyrstu Carl Zeiss linsu og er enn helsáttur með hana. Frábær linsa í alla staði.

Arndís Jenný

Harpa Lilja

Sonurinn

Júní:

Í júní var einnig mjög mikið um að vera. Sjómannadagurinn með sínu havaríi. Fjárfest í nýjum bíl og sagt skilið við Subaruinn eftir 5 ára farsælt samband. Nýji bíllinn var Kia Sorento jeppi. Kristján tók þátt í sínu fyrsta fótboltamóti þegar að hann fór á Blönduósmótið. Hann stóð sig vel eins og allir hinir krakkarnir.

Hífa

Proud goalscorer

Júlí:

Í endaðann júní lögðum við af stað í árlegt sumarfrí. Við skröttuðumst um Suðurlandið og alla leið austur að Jökulsárlóni. Fórum svo yfir Sprengisand á Kíunni og enduðum í Bárðardalnum. Veðurblíðan var með eindæmum góð og frábært frí í alla staði.

seljavellir

giljagaur

ibv

Jökulsárlón

Svo komu Grundarfjarðardagarnir með pompi og pragt. Kristján var í skemmtiatriði Rauða hverfisins og mikið fjör var hérna í firðinum.

Balloons

rautt

Ágúst:

Í ágúst keypti ég mér nýja myndavél… Fjölgaði EOS vélum heimilisins um helming. Canon EOS 5d mark II var það og nota ég báðar vélarnar álíka mikið. Við sjálf vorum í rólegheitunum í ágúst. Kristján fór á Atlantismótið og skemmti sér vel.

Medallion

Svo er hérna mynd úr fimmunni.

The harbour

September:

Ben Stiller var mikið á ferðinni hérna. Norðurljósin létu sjá sig. Við fórum á ættarmót og svo í réttir. Skólinn byrjaður og lífið að komast í fastar skorður eftir sumarið.

Ben Stiller

I got it

Kirkjufell Aurora Borealis

Einnig skrapp ég í haustlitaferð upp í Borgarfjörð aleinn með myndavélarnar mínar. Það var gaman og gefandi.

Paradísarlaut

Við Hraunfossa

Október:

Síldarskipin voru farin að láta á sér kræla hér í Grundarfirði. Við hjónin skelltum okkur bæði í lazer aðgerð á augunum og sögðum bless við gleraugu og linsur. Við tókum okkur til og steyptum bílaplanið eftir langþráða bið.

lazer

Aurora Borealis

Reflection

Vilhelm Þorsteinsson EA 11

Nóvember:

Í byrjun nóvember fórum við Rúna og pabbi til Denver Colorado. Þar nutum við lífsins í viku og höfðum það gott. Einnig fagnaði ég afmælinu í Denver með steik á Cheesecake Factory. þá byrjaði ég í Neyðarflutningsnámi hjá Sjúkraflutningaskólanum. Er því búinn að vera mikið í burtu því að hálfa vikuna þarf ég að vera á Akranesi og stunda námið.

emt

Tvær pútur

nba

Við Kristján Freyr skelltum okkur einnig í hvalaskoðun með Láka. Það var einstaklega gaman.

Grundarfjörður

Desember:

Desember hefur liðið með sínu jólafári og vitleysu. Við vorum svo forsjál að klára nánast allar jólagjafir í USA og vorum því tiltölulega stresslaus hvað það varðar. Svo var líka brjálað að gera á milli þess að ég var að þeytast á milli vinnu og skóla. Sé ekki fram á að því ljúki fyrr en í febrúar á nýja árinu. Það verður ljúft. Við í slökkviliðinu gáfum út árlegt dagatal okkar og var það með óhefðbundnari sniði nú en áður. Þ.e. minna um nekt og meira af fíflalátum. Það er í lagi að breyta aðeins til er það ekki.

Mr November

Ég sigraði í ljósmyndakeppni Grundarfjarðar með líklega skrítnustu ljósmyndafyrirsætu sem sögur fara af… Þessi mynd virtist falla vel í kramið á dómnefndinni.

Eyþór

Nú er ég nokkurnveginn búinn að stikla á stóru yfir árið. Megi 2013 vera viðburðarríkt og skemmtilegt ár.

jolin

Þangað til næst….

One thought on “Árið sem leið…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s