Rugl dagsins er: Út á sjónum er mitt líf

Já, Tomminn var að ljúka símtali við aflakónginn Rúnar Magg sem er skipstjóri á Sóley SH 124 og þar var Tomminn að lofa sér út á sjó næsta fimmtudag. Skólinn verður bara að sitja á hakanum því að Tommanum sárvantar peninga.

Í gærkvöldi skrapp Tomminn í heimsókn til Hrottans þar sem að kallinn var að setja upp einhverjar gríðarlegar græjur í íbúðinni sinni. Þetta var ekkert smáræði, skjávarpi sem vegur 53 kg og er á stærð við þotuhreyfil. DVD spilari sem kostar á annað hundrað þúsund og heimabíó sem ég vil ekki einusinni vita hvað kostaði. Þegar snúrurnar í þetta dót kosta marga tugi þúsunda þá vill maður ekki vita hvað græjurnar sjálfar kosta. Hjá Hrottanum drakk Tomminn of marga kaffibolla og úðaði í sig harðfisk með bestu list hehehe. Annars eru það bara rólegheit hjá kallinum. Þarf reyndar að vinna upp fyrir skólann áður en ég fer út á sjó, en þetta hlýtur að reddast.

Þangað til næst…….