Æ em bonghúlíjó

Hvað er títt? Vorið er loksins komið með stæl. Styttist í sumarið. Sumardagurinn fyrsti á fimmtudaginn. Veit ekkert hvað maður á að bulla.

Ég gæti svo sem sagt ykkur frá hinum gríðarlegu tilþrifum sem fótboltaliðið mitt sýndi í síðasta leik en miðað við undirtektirnar í commentunum hér fyrir neðan þá væri það nú til lítils.

Ég gæti líka sagt ykkur frá því að ég var að festa upp ljós í barnaherberginu í gærkvöldi og ég gjörsamlega missti mig úr pirring yfir þessu djöfuls drasli, enda enginn iðnaðarmaður í mér. En það tókst nú samt á endanum. Svo komu þeir Jón Frímann og Blobbi og hjálpuðu mér með restina. Sem betur fer, annars væri ég á hæli núna.

Hún Rúna mín var hjá lækni í dag og þar frétti hún nú bara að hún væri á síðustu metrunum í þessari meðgöngu sinni. Kannski þarf hún að eiga fyrir tímann því líkaminn hennar þolir ekki þetta álag sem þessi bölvaði blóðtappi olli.

En þetta er orðið gott í bili held ég.

Þangað til næst…..