Svartasta skammdegið í gangi og skaplundin eftir því. Kallinn er að gera allt vitlaust heima þessa dagana. Þræl pirraður yfir öllu, pantaði nýtt vinnsluminni í Dellarann minn í afmælisgjöf frá pabba, reiknaði með því daginn eftir en af einhverjum óskiljanlegum ástæðum ákváðu þessir snillingar að senda minnið til Grundarfjarðar í staðinn fyrir að senda það heim. Þannig að ég gerði allt vitlaust yfir þessu, skammaðist í konunni (eins og það væri henni að kenna) og ég veit ekki hvað og hvað. Verð að fara að hemja mig aðeins.

Leikhúsferð í kvöld. Spurning um að jakkafata sig upp og vera reffilegur á því. Ekki svo oft sem maður fer í leikhús. Enda er það bara fyrir einhverja menningarsinnaða besservissa sem finnst gaman að fara í jakkaföt. Eins og til dæmis hann Jón Frímann. Hann fór nú bara spes ferð í Herragarðinn til að versla sér jakkaföt fyrir þessa leikhúsferð. Ætli hann komi ekki til með að sitja í klefanum sínum úti á sjó í jakkafötunum að horfa á psp tölvuna mína sem hann plataði mig til að selja sér. Djös plebbinn.

Hvað er svo málið með þessa rauðhærðu Idol wannabe í Ástarfleyinu??? Hvert skipti sem hún kemur í mynd þá byrjar hún að gaula eitthvað…. Hvað er málið. Af hverju skráði hún sig ekki bara í Idolið og fékk sína 5 mínútna frægð þar. Svona fólk pirrar mig enda er þetta athyglissýki á háu stigi.

Prump out

Þangað til næst…..