Rúúúúússst

Man Utd tók sig til að rassskellti puntdúkkurnar í Chelsea all hrikalega í gær 3-0. Ég verð að viðurkenna að mér leist ekkert á blikuna þegar ég sá byrjunarliðið, Darren Fletcher og Ryan Giggs inná miðjunni á móti Lampard, Ballack og Obi Mikel. En áhyggjur mínar voru óþarfar því að Fletcher og Giggs áttu miðjuna skuldlaust og léku eins og meistarar. Chelsea sáu aldrei til sólar í þessum leik og þetta voru nokkuð skýr skilaboð til hins taugaveiklaða Benitez sem hefur eflaust setið sveittur yfir sjónvarpinu og nagað sig í handarbökin yfir því að hafa drullað svona hressilega uppá bak.

Sigurvegari helgarinnar var klárlega Sir Alex Ferguson.

Bjáni helgarinnar var að sjálfsögðu Rafa Benitez fyrir að láta plata sig í eitthvað sálfræði stríð við meistarann sjálfan. Ég hugsa að það hafi hlakkað í Fergie gamla þegar hann sá yfirhraunið hjá spænska kleinuhringnum á föstudaginn. Svo toppar hann þessa vitleysu með því að gera 0-0 jafntefli við Stoke (þessi taktíski snillingur sem hann er) og þarf svo að horfa uppá United slátra Chelsea á Old Trafford.

Þetta verður spennandi barátta um titilinn það sem eftir er. Skjálfti uppá 5,3 á Richter mældist í Liverpool borg um sex leytið í gær enda Liverpool menn farnir að titra. Enda skemmti ég mér í gærkvöldi við að lesa spjallborðið á liverpool.is og kop.is Gott stöff…

Það er hægt að ræða þennan leik og allt það fram og til baka.
Eitt stendur upp úr, Rafa niðurlægði sjálfan sig með þessari vandræðalegu upplesningu um Ferguson, sérstaklega eftir að Man.Utd. valtaði yfir Chelsea.
Tekið af http://www.kop.is

Nú er meistari Mourinho að tala um hversu mikill as.ni Rafa var. Wenger er einnig hissa. Vonandi fer Rafa að gera eitthvað að viti. Tekið af liverpool.is

jæja nú virðist Rafa hafa gert sig af ****i. Jafntefli við Stoke eftir að hafa verið borubrattur. EF eða þegar Man Utd vinna sína leiki verða þeir á toppnum en Liverpool EKKI. Liverpool eiga samt eftir að fara á Old Trafford. Man Utd eru í betri málum en við og þetta viðtal hjá Rafa virkaði ekki betur en þetta því hann var skriðinn inn í skelina og tapaði fyrir okkur 2 stigum í dag. Tekið af liverpool.is

Fínasta helgi… Hefði verið Frábær ef Inter hefði drullast til að vinna Cagliari á laugardaginn.

Svo er hérna ein snilldarmynd í lokin.

Þangað til næst….

3 thoughts on “Rúúúúússst

  1. Sæll elsku kútur og gamli vinur!

    Mikið óskaplega samgleðst ég þér yfir sigrinum í gær… og mikið svakalega hafið þið united menn mikinn rétt á því að öskra og garga í dag… Því vissulega erum við Púllarar að drulla í buxurnar yfir því að EF united vinnur þessa tvo leiki sem þeir eiga inni, þá ná þeir EINS stigs forystu í bestu deild í heimi….

    Ég hef heyrt og lesið svo mikið í dag af því hvað Benni Tess er óskeyndur og vitlaus og að gamli sörinn sé það besta sem komið hefur frá Skotlandi fyrir utan haggis að mér flökrar….

    Varðandi þessar spjallborðsumræður þá held ég að þetta séu engar mannvitsbrekkur sem séu þarna að tjá sig – frekar en við kanski….;)

    Ég hefði viljað að spænski nautabaninn með kleinuhringinn hefði sleppt því að fara í orðaskak við þennan elliæra, en svona er þetta bara.

    Ég á von á hækkandi blóðþrýstingi á næstu mánuðum – og frá og með núna er ég hættur að lesa blogg united manna:D Ég verð bara pirraður…

    Hvernig gengur annars í FM….?;)

    ps. Ætli það hafi verið transari að blása í rörið á ronaldo þegar hann skemmdi Ferrari-inn…..?

    Með kærri kveðju til allra skrollara!

  2. Já það er gríðarleg spenna framundan í þessu. Og það má ekki afskrifa einn né neinn. Chelsea á fullt inni með “The Gene Hackman” í broddi fylkingar. Öll liðin eiga eftir að tapa stigum á ólíklegustu stöðum… En eitt er víst að þann 14 mars næstkomandi verður svakalegur leikur á gömlu torfunni.

    En Gaui minn. Þú ert klárlega búinn að vinna þér inn titilinn “Lengsta commentið” því þetta er held ég það allra lengsta comment sem hefur ratað inná þessa blessuðu síðu… Well done lad. Ég sendi þér viðurkenningarskjal við tækifæri, eða þú getur bara kíkt til mín hérna í fjörðinn í helgarheimsókn. Ég skal elda fyrir þig steik… eða Haggis ef að það kveikir eitthvað í þér😉

  3. Ég er alvarlega að íhuga það að slíta öllum samskiptum við þig í sambandi við tippleikinn, allavega þangað til að þessi mynd af neville er farinn af síðunni. Ef ekki þá tökum við upp gamla kerfið þar sem að við tippum til skiptis. kær kveðja af hlíðarveginum

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s