Áramótayfirferð 2018

Þá er árið 2018 liðið og því ágætis tilefni til að henda í eins og einn áramótapistil.

Janúar:

Árið hófst á svipuðum nótum eins og önnur ár eða með árlegu 1. janúar letikasti.

First light
Kolgrafafjörðurinn þann 3. janúar 2018

Tók nokkrar myndir og gerði nokkur video svona eins og gengur og gerist.

Bjarnarhafnarfjall
Bjarnarhafnarfjall 3. janúar 2018

Svo var smá systkinahittingur líka sem er alltaf ljúft…

0001systkini

Dróninn fór aðeins á loft líka…

Grundarfjörður
Grundarfjörður 5. janúar 2018

Gerði loksins video frá sumarfríinu, þrettándabrennu og svo video frá Grundarfirði í byrjun janúar.

Rúna fór með krakkana í Bláfjöll og svo var eitthvað meira brasað svona eins og gengur og gerist.

Febrúar:

Hápunktur febrúar mánaðar var jólögjöfin hans Kristjáns Freys sem var innleyst. Þar var haldið til Manchester til að sjá leik Manchester United og Huddersfield.

Þetta var alveg frábær ferð þar sem hápunkturinn var klárlega 2-0 sigur Manchester United. Við hittum líka Daley Blind í miðbæ Manchester þar sem hann var mjög almennilegur og kurteis og leyfði okkur að taka mynd af sér með Kristjáni Frey. Fórum á Imperial War Museum og nutum okkar vel þarna.

Eldhúsframkvæmdir voru komnar á fullt og því var mikið af 1944 réttum á boðstólnum ásamt því að við vorum dugleg að bjóða okkur í mat hingað og þangað.

Svo var aðeins myndað líka svona eins og gengur og gerist.

The power

Skálasnagaviti

Öndverðarnes

Skíðalyftan í Grundarfirði opnaði í smá stund og þá var tækifærið gripið.

Mars:

Kristján Freyr tók þátt í upplestrarkeppni fyrir bekkinn sinn ásamt bekkjarsystkinum sínum.

0004kft

Við skelltum okkur norður á skíði og það var frábært.

0004kft20004runaskidi

Svo var farið á Sólstafi í Bæjarbíó Hafnarfirði… geggjaðir tónleikar.

0004solstafir

Svo var einstaka pabbaknús líka… alltaf ljúft.

Og Ellen Alexandra hitti Ara tannlækni og stóð sig vel.

0004eat

Svo voru teknar nokkrar myndir líka… Fórum meðal annars í frábæra ferð með Hjalta uppá Snæfellsjökul.

Winter sunset Sólsetur og Kirkjufell
Við Hraunsfjörð
Norðurljós í Hraunsfirði
The road home Leiðin heim
Snæfellsnes Peninsula
Snæfellsnes
Arrived Fjallatrukkurinn hans Hjalta
Moonrise
Tunglið séð af Jöklinum

Og svo video úr ferðinni

Apríl:

Ellen tók að sér fyrirsætustörf fyrir Varma

0005varmaeat

Og undirritaður braut á sér olnbogann eins og lesa má um á þessari ágætu síðu…

Ellen tók rugludaginn í skólanum alla leið…

0005eatbrok

Ég tók að mér að búa til myndband og taka myndir fyrir kayakleiguna Vestur Adventures sem Gæi og Una komu á koppinn…

Vestur Adventure

Kayaking in Iceland

Svo var frábært fótboltamót á Stjörnuvellinum.

This slideshow requires JavaScript.

Svo var ýmislegt annað brallað.

Maí:

Það var ýmislegt sem var á döfinni í maí. Eldhúsframkvæmdirnar voru enn á fullu og þann 11. maí var blásið til vorgleði í Samkomuhúsinu þar sem undirritaður var búinn að taka að sér veislustjórn.

Ellen fór aftur á fótboltamót og nú var það Cheerios mótið á Víkingsvellinum. Þar var mikið stuð. Kristján Freyr hélt áfram að standa sig í boltanum og nú á yngra ári í 4 flokk.

0006cheriosmot

Svo kíkti Ellen Alexandra aðeins í heimsókn á slökkvistöðina og fannst það ekki leiðinlegt.

0006eat

Ellen
Ellen Alexandra í sveitaferð á Kverná.

Svo fengum við 2 franska drengi til okkar frá Paimpol sem dvöldu hjá okkur í vikutíma. Það var ótrúlega gaman og lærdómsríkt.

Kristján Freyr og Rúna mín fögnuðu afmælum sínum. Rúna þann 19. maí og Kristján Freyr þann 20. maí.

0006kft

Sumarliði smellti mynd af okkur Hauki á útskrift í FSN. Annar okkar var að útskrifast sko…

0006haukurtommi

Við Gæi Kæjak á góðri stund í maí. Frábærar ferðir hjá þeim.

0006frakkar6

Ellen Alexandra er afskaplega ljúf og góð… þegar hún er sofandi þessi elska.

0006eat2

Svo fórum við Kristján Freyr og kíktum á nýjasta prinsinn hjá Ellen og Sveini.

0006styrmirhrafn

Júní:

Byrjuðum júní á að endurheimta mömmuna úr viku gönguferð um Skosku hálöndin og það var afskaplega ljúft.

0007family

Svo fékk Ellen Alexandra líka að hitta nýjasta prinsinn hjá Ellen og Sveini sem síðar hlaut nafnið Styrmir Hrafn.

0007eatshs

Svo var aðeins myndað í Grundarfirði…

Night at the beach

A little bit og green

The last light

Leikhópurinn Lotta kom og hélt sýningu í þríhyrningnum í Grundarfirði… Alltaf jafn skemmtilegt.

0007lotta

0007lotta1

Júlli Jobba bauð okkur strákunum á landsleik á móti Gana í laugadalnum þar sem landsliðið var að undirbúa sig fyrir HM.

Svo var að sjálfsögðu farið í hið margfræga litahlaup en Ellen Alexandra vill alls ekki missa af því.

0007litahlaup1

Svo var gríðarlega mikið fjör á 17. júní þar sem froðurennibrautin sló í gegn eins og svo oft áður.

Svo var mikil landsliðsstemmning í kringum HM að sjálfsögðu. Mæðgurnar misstu ekki af því.

0007ellenruna

Svo var farið í Bárðardalinn þar sem að Aðalsteinn Þórólfsson fagnaði 90 ára afmæli sínu. Það var mikið fjör og mjög gaman. Við Rúna hjóluðum þarna í sveitinni og það var krefjandi túr.

Svartá sunset Svartá í Bárðardal
The narrow pass
Svartá
Midsummer sunset
Sólsetur í Bárðardal

Svo var haldið af landi brott þann 30. júní í langþráð frí og keppnisferð hjá Kristjáni. Ellen var ansi spennt á flugvellinum.

0007flug

Júlí:

Í þessum mánuði var haldið erlendis. Fyrst til Salou rétt hjá Barcelona þar sem Kristján Freyr og strákarnir í 4. flokk fóru í langþráð keppnisferðalag. Við vorum vikutíma í Salou í góðu yfirlæti. Þegar keppnisferðinni lauk héldum við áfram á ferðalagi. Leigðum okkur bílaleigubíl og keyrðum yfir Frakkland, yfir til Ítalíu og svo aftur til Spánar þar sem við flugum heim 15. júlí.

Barcelona Cup 2018 í Salou var mikið ævintýri. Kristján Freyr náði að slasa sig í fyrsta leik og endaði það með sjúkrabílaferð upp á slysó. Þar reyndist allt óbrotið og óslitið en hann gat lítið keppt það sem eftir var. Náði nokkrum mínútum í síðustu 2 leikjunum.

0008barcelona4

Þann 1. júlí stungum við Rúna af frá hópnum og skildum Ellen eftir í pössun hjá Örnu og Árna. Við fórum yfir til Barcelona þar sem við hittum Beggu og Sigurbjörn og fórum á Guns’n Roses tónleika. Geggjað show.

0008barcelona5

Fyrsta vikan einkenndist af Barcelona Cup. Svo var farið í frábæran skemmtigarð með strákana og leikið sér á ströndinni. Síðasta daginn var svo farið á Nou Camp og heimavöllur Barcelona skoðaður.

Þegar við vorum búin að kveðja hópinn á flugvellinum í Barcelona fórum við á bílaleiguna að sækja þennan…

0008barcelona23

Einu skilyrðin sem sett voru þegar leitað var að bílaleigubíl var rúmgóður, sjálfskiptur og með loftkælingu… BMW 520d var það… geggjaður bíll í alla staði sem var kannski ágætt því að fyrsti leggurinn af ferðinni var að keyra frá flugvellinum í Barcelona yfir til Cannes í Frakklandi. Við lögðum af stað um fjögur leitið og vorum að detta inn rétt fyrir miðnætti í Airbnb íbúðina okkar. Þar var sett í þvottavél og slakað á í 3 daga. Við vorum 3 nætur þarna í Cannes… frábær borg.

Við fórum í dagsferð yfir til Mónakó og til Éze sem er magnaður staður… reyndar Mónakó líka bara á annan hátt.

Þegar við vorum búin að njóta lífsins í þrjá daga í Cannes var ákveðið að halda af stað til Ítalíu. Við byrjuðum reyndar á að stoppa í skemmtigarði í Nice og leyfa krökkunum að busla aðeins.

0008barcelona20

Þá var keyrt yfir landamærin og komið í lítinn bæ sem heitir Imperia. Þar gistum við á litlu snotru fjölskylduhóteli og höfðum það gott… Reyndar var einn frekar stór galli en á þessu litla hóteli var ekki loftkæling á herberginu okkar. Maður vaknaði í svitabaði á nóttunni enda alveg svakalega heitt… en það slapp til þessar 2 nætur og þessi hluti ferðarinnar var yndislegur. Reyndar var svakalegur munur á umferðarmenningu Frakka og Ítala en ég er á því að maður þurfi að vera geðsjúklingur til að ná bílprófinu á Ítalíu.

Þegar við vorum búin að gista 2 nætur á Ítalíu var ferðinni heitið aftur yfir landamærin til Frakklands og stefnan sett á Vitrolles sem er rétt utan við Marseille. Við stoppuðum þó í einhversskonar þjóðgarði til að sjá hina tignarlegu flamíngó fugla… það var nokkuð skemmtilegur útúrdúr.  Við vorum 2 nætur í Vitrolles og nýttum fyrsta daginn til að kíkja aðeins í búðir en seinni daginn fórum við á rúntinn og enduðum í litlum glæsilegum bæ rétt fyrir utan Marseille þar sem voru klettóttar strendur. Kristján Freyr nýtti tækifærið og hoppaði nokkrum sinnum í sjóinn af einum klettinum þarna. Mjög skemmtilegt.

Þá var ferðinni heitið yfir til Spánar þar sem við eyddum síðustu nóttini fyrir heimferð en við bókuðum eina nótt á hóteli í Girona sem er æðislegur bær í klukkustundar fjarðlægð frá Barcelona. Þarna fór hitinn hátt í 40 stig og við vorum gjörsamlega að kafna úr hita. Nýttum eina daginn þarna til að skoða borgina en það er engin strönd í þessum bæ. Þarna er samt glæsilegur miðbær og mikið af fornum byggingum og mikið hægt að skoða. Frábærir veitingastaðir.

Seinnipartinn þann 15. júlí var svo haldið af stað úr hitanum í Girona á flugvöllinn í Barcelona þar sem við áttum kvöldflug heim. Ellen Alexandra fagnaði svo 5 ára afmælinu í háloftunum en hún á að sjálfsögðu afmæli 16 júlí eins og allir eiga að vita… að hennar sögn.

0008barcelona31
Afmælisprinsessan fékk kórónu frá flugfreyjunum.

Svo var prinsessupakki sem tók á móti henni á Íslandi hjá ömmu Röggu.

0008barcelona32
Roggin afmælisstelpa

Það var ansi gott að komast heim í rigninguna eftir 2 vikna ferðalag í Evrópu. Ég henti í nokkrar sólsetursmyndir þegar ég kom heim og svo smá video fikt.

The last light

Brimlárhöfði sunset

Brimlárhöfði

Kirkjufell sunset

Kirkjufell

Pan Orama

Svo var bæjarhátíðin Á Góðri Stund að sjálfsögðu á sínum stað og það var að sjálfsögðu heilmikið fjör. Systkinin unnu sitthvorn fótboltann í fótboltaþraut Arion banka.

0008agodristund1

Svo var það hátíðin sjálf… mikið fjör.

Við hjónin tókum svo að okkur gæslustörf á laugardagskvöldinu…

0008agodristund2

Ágúst:

Það var nóg um að vera í ágúst líka en ég var að sjálfsögðu heima um verslunarmannahelgina vegna virðisaukavinnu eins og alltaf. Það stoppaði okkur þó ekki í að skella okkur í miðnætursiglingu með Vestur Adventures í magnaða ferð. Rerum um Grundarfjörð á meðan sólin var að setjast. Þetta var æðislegt.

Kristján Freyr notaði sumarlaunin í að fjárfesta í krossara og þótti það ekki leiðinlegt.

0009krossari

Ellen Alexandra byrjaði á Eldhömrum sem er 5 ára deild uppi í Grunnskóla og var mjög upp með sér enda komin upp í stóra skólann.

0009eateldhamrar

Kolgrafafjörður fylltist af grindhvölum sem voru eitthvað að villast.

In the water

The wolfpack

Saving the whale Vargurinn tók sig til og reddaði þessum.

With the whales

Herding whales

Hérna er svo smá myndband af þessu ævintýri.

Skálmöld hélt magnaða tónleika í Hörpunni með Sinfoníuhljómsveit Íslands.

0009skalmold10009skalmold2

Tók að mér nokkur myndaverkefni og eitt þeirra var hinumegin við fjallgarðinn þar sem við notuðum tækifærið og skelltum okkur á ströndina og kíktum aðeins í Rauðfeldargjá og fleira.

Myndaði líka þessa glæsilegu fermingarstúlku í Ólafsvík.

Inga Sóley
Inga Sóley

September:

Það var ýmislegt brallað í september… Eldhúsið var loksins orðið nothæft og geggjað. Í framhaldi af því kynntist ég Sansa… Gamechanger. Ég var farinn að geta kokkað fram snilldar rétti í nýja eldhúsinu þökk sé Sansa. Þrjár heitar máltíðir í viku. September var Sansa mánuður… reyndar urðu allir mánuðir á eftir þessum líka Sansa mánuðir en það er önnur saga.

Bubbi og Dimma voru með gigg í Frystiklefanum Rifi… geggjaðir.

0010bubbiogdimma

Ellen Alexandra fór aaaaðeins og geyst á hlaupahjólinu sínu og faceplantaði á malbikið… og jú hún var með hjálm.

0010ellenklaufi

Við fórum í bústað upp í Borgarfjörð og dvöldum í Munaðarnesi á meðan Rúna tók námstörn á Bifröst en sú gamla skráði sig í háskólanám. Það var yndislegt í Borgarfirðinum… kíktum upp á Grábrók, Hraunfossa og Háafell svo eitthvað sé nefnt.

Above Hraunfossar
Hraunfossar

Og já ég fjárfesti í nýjum dróna þegar DJI Mavic 2 pro kom út. Geggjuð græja.

Grundarfjörður Grundarfjörður úr nýja drónanum.
Home
Panorama loftmynd af firðinum fagra síðasta dag september mánaðar.

Slökkviliðið kom svo saman til æfinga eftir sumarfrí. Alltaf stuð með þessum meisturum.

0010slokkvilid1

Skellti svo saman klysjulegu Kirkjufellsmyndbandi.

Október:

Þessi mánuður var bara sæmilegur… smá norðurljós.

Aurora hunting

Smá sólsetur… Sunset

Rútínan er góð… hérna erum við Ellen að bíða eftir Rúnu fyrir utan FSN eins og við gerum yfirleitt um fjögur leitið á hverjum virkum degi.

0011ellenpabbi

Ellen var ansi roggin með fótboltaskjöldinn sem maður fær fyrir að vera góður liðsfélagi.

0011ellen

Við skruppum nokkra daga til Akureyrar til að heiðra Þuru með nærveru okkar. Mikið fjör.

0011ellenmagni

Ellen aðstoðaði ömmu sína við sviðaveislu eldri borgara.

0011ellenamma

Svo var líka Halloween partý á Eldhömrum og mín var all in.

0011ellenhalloween

Fínasti mánuður alveg hreint.

Nóvember:

Þessi mánuður byrjar yfirleitt alltaf á svipuðum nótum… að gamli verður árinu eldri. Það breyttist ekkert þetta árið þegar 2. nóvember rann upp.

Það kom einn og einn góðviðrisdagur í nóvember
At the beach Kirkjufell

Það var massa slökkviliðsæfing hérna í Grundarfirði þegar Gústi og félagar komu úr Reykjavík til að kenna okkur.

Ellen og Magni fóru á Nettó mótið og það var hörku fjör.

Svo fórum við á hótel Borealis og á jólahlaðborð í Grímsborgum… það var geggjað.

Kristján Freyr og krakkarnir í bekknum fóru og prófuðu klifurvegginn hjá Björgunarsveitinni Klakki.

0012klifur

Svo fór minn maður í magaspeglun á LSH þar sem hann hefur verið eitthvað slæmur í maganum undanfarið… það fannst ekkert óeðlilegt þar sem betur fer.

0012magaspeglun

Desember:

Þessi mánuður er alltaf sami unaðurinn… jólastress, át, feelgood stemmning og þess háttar. Þann 1. des fékk ég samt að mynda brúðkaupið hjá Atla frænda og Guðnýju Lindu. Það var yndislegt og skemmtilegt.

0013brudkaup

Við fjölskyldan fórum svo í menningarferð til Reykjavíkur og byrjuðum á að hoppa aðeins í Rush.

Svo var farið á Nova svellið og rennt sér aðeins á skautum.

Og endað í jólahlaðborði og svo á Baggalútstónleikum.

0013jolahladbord

Svo var útskrift hjá FSN og þar smellti Sumarliði þessari glæsilegu mynd af okkur hjónunum.

0013utskrift

Og svo smellti ég þessari mynd af betri helmingnum.

0013utskrift2

Svo var dróninn aðeins brúkaður.

Winter solstice Kirkjufell Grundarfjörður
Grundarfjörður

Slökkviliðið lenti í smá hasar þegar Kvíabryggjumenn voru aðeins of grimmir í að reykja bjúgu… en enginn slasaðist sem betur fer.

0013eldur

Arndís Jenný hélt útskriftarveislu á Kaffi 59.

Svo komu jólin með allir sinni afslöppun og konfektáti.

Simbi fékk líka að vera með á mynd þó að hann virki ekkert alltof ánægður með það.

0013jol6

Svo var það á milli jóla og nýárs þegar hin árlega fjöruferð Jobbana var farin og að sjálfsögðu meira át.

0013jol50013jol7

Svo að sjálfsögðu var árið endað með góðu áramótateiti og sprengjuvitleysu.

0013jol8

Þetta er orðið ágætt ef þú nenntir að scrolla alla leið hingað niður… Vel gert hjá þér… Stiklað á stóru yfir árið.

Þangað til næst…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s