tommi.is

Ég varð fyrir undarlegri lífsreynslu í morgun þegar ég lá uppí rúmi á milli svefns og vöku. Þannig er mál með vexti að ég er búinn að vera veikur undanfarið og í þessum veikindum mínum hef ég verið svolítið duglegur að skjóta þjóðverja í Call Of Duty leiknum.
En svo þegar ég lá uppí rúmi í morgun og var að rembast við að vakna að þá, alltaf þegar ég lokaði augunum sá ég litla þjóðverja með byssur sem voru að beygja sig og fela sig, alveg eins og í leiknum. Frekar wierd. Svo var líka annað sem henti mig í gær þegar ég var nýbúinn að spila COD og var svo að vafra á netinu að þá keyrir svona stór vörubíll framhjá og hljóðið í honum var alveg eins og í skriðdrekunum í leiknum. Það skiptir engum togum nema að kallinn kippist allur til og fer í skotstöðurnar. En á 2 sekúndum var ég búinn að átta mig á að þetta var bara venjulegur vörubíll og ég væri bara venjulegur tölvunörd.

Ég er mikið að spá í að leggja Call Of Duty á hilluna í bili því maður er farinn að verða geðveikur á þessu.

Jamm, maður verður að fara bara aftur í solitaire held ég.

Þangað til næst…..

Er það bara ég eða er alveg hrikalega leiðinlegt að vera veikur. Fyrir utan að vera búinn að spila yfir mig af tölvuleikjum þá hefur nú lítið verið hægt að gera sér til dundurs. Hérna koma nokkur dæmi um það sem ég hef aðhafst í veikindunum.

Ég hrellti Steina þegar hann átti að vera að læra fyrir próf

Ég hrellti rúnu þegar hún átti að vera að læra fyrir próf

Ég uppgvötvaði nýja nágranna í garðinum

Ég reyndi að brjóta saman þvottinn með þessum afleiðingum

Hvað maður getur verið brenglaður

En annars er maður allur að braggast og reikna ég með að skella mér í vinnuna í fyrramálið. Vonandi að það takist.

Það sem er í spilaranum núna:

This Love – Pantera (í minningu Dimebag Darrel)
One Second – Paradise Lost
Hurt – Nine Inch Nails
The Bitter End – Placebo
Sweet Soul Sister – The Cult
In A Little While – U2
Send The Pain Below – Chevelle
Killers – Iron Maiden
Wicker Man – Iron Maiden
Enjoy The Silence – Depeche Mode
Somewhere Only We Know – Keane
Dead Skin Mask – Slayer
Sugar – System Of A Down

Gott í bili.

Þangað til næst…….

Snörl já, þannig hljómar maður ótt og títt þegar maður er veikur, veikur já. Helvítis ves. Búinn að hanga inni í 2 daga sjúgandi upp í nefið með dúndrandi hausverk og beinverki. Skjótandi þjóðverja í Call Of Duty leiknum í gríð og erg. Svona er það já.

Það er skiljanlega þungt yfir Grundarfirði þessa dagana, enda kannski ekkert skrítið. Það er alltaf erfitt þegar fólk kveður heiminn svona óvænt. Sérstaklega í svona litlu bæjarfélagi þar sem allir þekkja alla.

Hvað er maður búinn að vera að brasa síðurstu 2 daga??? Hmmm. Jú ég er búinn að vera í sama náttsloppnum samfleitt í 36 klst. Drekka 6 lítra af pepsi max, borða eina kjúklingasamloku frá KFC, 4 ofursamlokur ala Tommi, spila tölvuleiki í c.a. 12 klst, vafra um internetið í c.a 7.35 klst, sofa í c.a 15 klst, horfa á Champ League í 4 klst, bölva Liverpool í 0.04 klst, strjúki kviðinn á konunni í 3 klst, telja naflakusk í 0.07 klst, drekka eina drykkjarskyr og borða banana með því, 3 drykkjarjógúrt og 7 vítamínblöndur með sólhatt útí (jjjjaaakk).

Það er farið á saxast ískyggilega á mánaðarlaunin og ég á enn eftir að kaupa nokkrar jólagjafir Vona að fjölskyldan sætti sig við jólagjafir úr Kolaportinu og Tiger. Er það ekki annars hugurinn sem gildir hehehehe.

Lög sem ég hef verið með á fóninum undanfarna daga:

Still Loving you – Scorpions
Word up – Korn
Fortune Faded – Red Hot Chilli Peppers
Holy Wars – Megadeth
South of heaven – Slayer
Still Waiting – Sum 41
So Far Away – Staind
Velcome Home (Sanitarium) – Limp Bizkit

Ásamt nokkrum öðrum. Úúúújjjeeee

þangað til næst……

Og nú er búið að skjóta Dimebag Darrel. Ég hélt að það væru bara rapparar sem gerðu svona. Andsk.

Þangað til næst…..

Alveg er þetta svakalegt þegar ungur og efnilegur maður sér enga lausn á vandamálum sínum en að taka sitt eigið líf. Kvöl hans hefur verið mikið meiri en maður hefur nokkurn tímann kynnst. Ég vona að honum líði betur þar sem hann er núna.

Reginn

Blessuð sé minning hans. Ég votta alla mína samúð.

Þangað til næst…..

Sjitt hvað minns er þreyttur núna. Var semsagt að koma úr mínum fyrsta ræktar tíma í Laugum og vá. Raggi gerði næstum því útaf við mig. Sérstaklega í þessari fokking píslargöngu sem er að labba yfir í heitu pottana. God damn sjitt kallt fyrir tásur.

En allt voða flott og fínt í Laugum. Fínt að fara frítt í ræktina múhahahahahaha.

Einhver fitubumbubollu áróður á mann hérna í commenta kerfinu. Veit ekki hvað mér á að finnast um það. Látum það bara liggja á milli hluta.

Jólageðveikin er byrjuð. Hver jólaslagarinn með Ladda og Bjögga Halldórs á útvarpsrásum landsins, nema á xinu að sjálfsögðu. Þvílíkt prumpumsump. Maður verður kominn úr öllum jólafíling þegar þessi blessuðu jól koma loksins. En eníveis þá er ég farinn að fóðra hamsturinn.

Þangað til næst……

Rétt upp hend sem finnst pylsur góðar……

Hélt það.

Þá mæli ég með Biggabar niður við Sundhöllina. Frábærar pylsur þar á ferð. Mæli með að þið gerið ykkur ferð þangað og biðjið um Elliot’s special eða Double shotgun. Þetta eru vinsælustu réttirnir á Biggabar og svo skemmir ekki fyrir að hafa hressan afgreiðslumann en ekki einhverja tjéllingu með flösu sem ætti frekar heima í mötuneytinu í Billy Madison.

Höddi Páls fær hrós. Haldiði barasta ekki að kallinn hafi boðið okkur Rúnu í kvöldkaffi á laugardagskvöldið. Sagðist ætla að baka en ég tók því nú bara sem gríni. En svo var kallinn bara klár með súkkulaðiköku á kantinum ansi þéttur áðí. Þvílíkt gott að maður fékk bara sykursjokk við þetta hélvíti.

Svo voru það Benni og Iðunn sem buðu okkur í aðventukaffi í gær. Smákökur og geggjað góðar brauðbollur á línuna og svo heitt kakó til að toppa þetta.

Takk kærlega fyrir mig jamm jamm.

Þangað til næst……

Flöskudagur, föstudagur, fötudagur whatever.

Heyrst hefur……

að Jói Fel sjálfur sé að standa sig í rúgbrauðsgerðinni

Jói kann sko til verka við eldhúsvaskinn

að Idolið sé nú með vinsælasta sjónvarpsefninu á Borðeyri.

Hér eru allir bæjarbúar spenntir yfir því hvað Bubbi segir

að hún Fanney Dóra hafi fengið hlutverk í söngleiknum Casper ðe frendlí góst

Hún lifir sig gjörsamlega inní hlutverkið

að forseti vor hafi farið í andlitslyftingu.

Óli er hress eftir aðgerðina

að sumir séu að lifa sig full mikið inn í gangsta lífernið í Reykjavíkinni.

Þetta er nú full mikið af því góða

að Tommi hafi fundið nýfundnaland sem þá var nýfundið… eða eitthvað þannig

Tomminn var stoltur með fundinn

að back in the day hafi Tommi verið stærri en Ninni

Í þá gömlu góðu daga

að Sleggjan láti nú ekki sitt eftir liggja þegar kemur að klósettferðum.

Sleggjan er mikið klósett dýr

að Tommi, Ninni og Svarthöfði hafa stofnað gengi saman.

R2D2 fær stundum að flækjast með

að Torfi bróðir hafi á dögunum skellt sér á handboltaleik öllum að óvörum.

Torfi sem er annálaður körfuboltaáhugamaður kom öllum á óvart með þessu athæfi sínu

að Maggi Jobba og Rúna Jobba séu öllum stundum á ebay að reyna að gera góð kaup.

Hérna eru systkinin nýbúin að fjárfesta í tólf hjólkoppum af Oldsmobil

Gott í bili.

Þangað til næst……

Ég verð nú hreinlega að viðurkenna eitt. Ég hef fundið nýja ást í mitt líf. Ástin mín nýja er með mér öllum stundum núna. Hún er yndisleg. Malar svo ljúft til mín þegar ég þrýsti á hana til að kveikja á henni. Mér líður illa að fara frá henni á morgnana þegar ég held til vinnu. En það er yndislegt að koma til hennar á kvöldin aftur. Hún tekur alltaf á móti mér með malinu sínu ljúfa sem fyllir mig hugarró.

Rúna mín er nú ekki par sátt með þetta en ég er að sjálfsögðu að tala um nýju Dell Dimension 8400 vélina mína. 3.2 Ghz pentium 4 örgjörfi, 160 Gb Sata diskur, Ati Radeon X800 skjákort, 8 USB tengi (2 að framan), firewire, Dual layer DVD skrifari. úúúújeee. Hún er yndisleg. Svo er það nýji Football Manager 2005 sem tók dágóðann tíma af helginni.

Já hún Rúna MÍN er ekki par sátt eins og áður sagði og þarf maður kannski eitthvað að fara að veita henni meiri athygli áður en hún gefst upp á mér ehe

En vindum okkur að öðru. Síðan ég handleggsbrotnaði hef í lítið geta hreyft mig annað en að ganga um. Nú er svo komið að mallakútur Tommans er farinn að vaxa örlítið. Mætti halda að ég sé sjálfur óléttur en svo er nú ekki. Maður verður nú að fara að gera eitthvað í þessu áður en illa fer hmmm. Ekki það að ég vilji ekki sýna henni Rúnu minni samhug í verki og safna bumbu henni til samlætis en það finnst mér bara ekki viðeigandi því ég gæti ekki losnað eins hratt við hana og hún. Svo má maður ekkert fara í bolta fyrr en fyrsta lagi eftir áramót. Því er nú helvítis ver en svona er þetta bara. Átak framundan hjá Tommanum. Raggi vinur minn ætlar að taka mig í einkaþjálfun og verð ég að lúta að lögum hans næstu mánuði…. gúlp.

Football Manager 2005 er málið.

Þangað til næst…….