Nú er enn eitt árið liðið og afskaplega lítið um að vera á þessari blessuðu heimasíðu tommi.is. En það þýðir samt ekki að maður geti ekki hent í eins og eina áramótayfirferð…
Janúar:
Árið byrjaði á heimsókn til Ara tannlæknis og þar var fyrsta ferðin hjá Ellen sem stóð sig eins og hetja.
Leikskólinn 40 ára og þá var partý í Samkomuhúsinu
Leikskólinn Sólvellir fagnaði 40 ára afmæli og þar rakst ég á þessa mynd af undirrituðum.
Við strákarnir skruppum til Manchester og Burnley og tókum tvo leiki. Æðislega gaman.
Við Rúna stóðum í ströngu með hópi af snillingum í þorrablótsnefndinni. Það var alveg hrikalega gaman og þótti heppnast með þokkalegasta móti.
Febrúar:
Þessi mánuður byrjaði á smá spennufalli eftir þorrablótið enda mikið búið að vera í gangi. Toggi og Maggi Jobba sönsuðu því svona afslöppunarplanka fyrir Rúnu mína.
Mjög kósý.
112 dagurinn var haldinn hátíðlegur.
Svo var það dagur leikskólans.
Skruppum svo í bústað upp í Munaðarnes og höfðum það kósý.
Kíktum svo á geiturnar á Háafelli
Það var yndislegt.
Skíðasvæðið opnaði svo loksins í nokkra daga.
Svo var smellt í smá norðurljós.
Mars:
Það var mikið fjör í skíðalyftunni þessa fyrstu daga í mars.
Svo var líka mikið um norðurljós.
Og bara bongó blíða.
Krakkarnir voru náttúrlega áfram í essinu sínu. Mjög gaman.
Svo voru meiri norðurljós.
Fékk svo þennan brettasnilling í fermingarmyndatöku. Það var gaman.
Svo var farið á nokkrar æfingar svona eins og gengur og gerist.
Svo var smá viðtal við mig í þættinum Að Vestan á N4 stöðinni. Byrjar eftir 8 mínútur og 47 sekúndur.
Við Rúna skruppum svo í rómantíska ferð á hótel á Suðurlandinu. Það var yndislegt.
Apríl:
Fórum norður á Akureyri í skíðaferð. Kristján Freyr datt á snjóbretti og endaði á slysó. Gipsi á kappann og skíðaferðin hans búin. Við hin reyndum að gera gott úr þessu.
Svo var haldið í Klapparhús í afslöppun yfir páskana. Fórum á rúntinn upp í Námaskarð meðal annars.
Svo komu Ninni og Dagmar vestur og þá var að sjálfsögðu hent í fjölskyldumynd.
Svo var líka bílvelta er bíll fauk útaf. Ökumaður og farþegi sluppu án teljandi meiðsla en þessi mynd vekur mann til umhugsunar.
Maí:
Vorið komið og allt í blóma. Strandveiðin byrjuð og sumarið á næsta leiti.
Siggi minn kíkti í heimsókn. Alltaf gaman að hitta þennan meistara.
Aðalsteinn og Unnsteinn buðu mér með út í Melrakkaey. Það var æðislegt.
Við félagarnir í Slökkviliði Grundarfjarðar fórum og aðstoðuðum kollega okkar úr Borgarnesi með sinubruna við Vegamót.
Smakkaði svartbaksegg í fyrsta skipti á ævinni. Sérstakt bragð en ekki slæmt.
Fórum aðeins og kíktum á lömbin hjá Dóru og Bárði á Hömrum.
Fjárfesti í nýjum dróna sem var töluverð uppfærsla frá þeim gamla… sem hafði þó þjónað sínum tilgangi vel.
Bæði Rúna og Kristján Freyr urðu árinu eldri þennan mánuðinn. Rúna þann 19 og Kristján þann 20. Við skelltum okkur á Rammstein í tilefni dagsins.
Fótboltinn fór af stað hjá 5. flokk þar sem Kristján Freyr og strákarnir stóðu sig vel.
Svo var einstaka góðviðrisdagur líka.
Svo voru 25 ár frá útskrift úr Laugagerðisskóla og vorum við bekkjarsystkinin sérstakir heiðursgestir. Það er alltaf gaman að hitta þetta lið.
Júní:
Júní mánuður byrjaði á heljar miklu ættarmóti sem var haldið í Laugagerði. Þar var ansi gaman að hitta allt liðið. Byrjað var við Rauðamelskirkju, matur í Laugagerði og svo kaffi í Dalsmynni. Alveg frábært.
Svo fljótlega eftir ættarmótið var 40 ára afmælisgjöfin frá systkinum mínum innleist og haldið á Download festival 2017. Þetta var ógeðslega gaman og þá sérstaklega System of a down, Prophets of rage, Biffy Clyro, Aerosmith og Slayer. Alveg magnað stuð með miklum snillingum.
Á meðan ég var að þvælast í þessu tónleikabrölti fóru Rúna, Arndís, Kristján Freyr og Ellen Alexandra í Color Run og þótti stuð.
Ellen tók 17 júní með trompi og fór all in í andlitsmálningunni.
Svo var heilmikið fjör á 17. júní
Eitthvað um sólsetursmyndatökur.
Ellen og Kristján voru í stuði
Svo er hérna loftmynd úr drónanum
Júlí:
Júlí mánuður var annasamur hjá fjölskyldunni. Byrjuðum í afmælisveislu hjá Arndísi Jenný sem varð 25 ára í byrjun júlí.
Fórum upp á Jökul með Hjalta á sjálfan afmælisdaginn. Það var æði.
Ég bjó svo til glæsilegt myndband fyrir Snæfellsnes Excursions af jöklaferðinni.
Svo var það N1 mótið hjá Kristjáni Frey og félögum í 5 flokk. Þeir stóðu sig með mikilli prýði. Unnu riðilinn sinn og töpuðu aðeins 2 leikjum allt mótið. Lokuðu því með því að vinna leikinn um 5. sætið.
Eftir N1 mótið lögðum við land undir fót og fórum í smá ferðalag. Við byrjuðum í Klapparhúsi í almennu chilli. Fórum í myndarúnta hingað og þangað og þar stóð upp úr frábær sólsetursferð með Sigurbirni á Range Rover tröllinu upp í Suðurárbotna. Ótrúlegt svæði. Við leyfum myndunum að tala.
Steini snillingur kom með okkur í Klapparhús og við skiluðum honum svo á Ærlæk og fengum að njóta þess að vera þar í nokkra daga. Þar var heyskapur í fullum gangi og svaka stuð. Skruppum í Ásbyrgi, Dettifoss, Hljóðakletta svo eitthvað sé nefnt.
Ellen Alexandra fagnaði 4 ára afmælinu sínu á Ærlæk þann 16. júlí og var skellt í skúffuköku af því tilefni.
Duttum svo á Mugison tónleika á Kópaskeri til að fullkomna ferðina.
Hérna eru svo nokkrar sólsetursmyndir og ljósmyndir úr stóru vélinni.
Svo er hérna smá myndband frá Norðurlandinu
Suðurárbotnar.
Þegar heim var komið þá skruppum við með Gústa og Diljá upp á Kirkjufellið.
Svo var það bæjarhátíðin Á Góðri Stund með tilheyrandi látum.
Jú og svo var bannað að tjalda í vatninu 😉
Ágúst:
Vegna anna í vinnu þá var að sjálfsögðu ekkert farið neitt um verslunarmannahelgina en í staðinn var farið á Halló Halló Grundó sem er að verða rótgróin útihátíð á Sæbólinu. Rúna og krakkarnir fóru í Klapparhús um verslunarmannahelgina og stóðu í framkvæmdum þar.
Kristján Freyr var duglegur að hoppa í fossa og plataði pabba sinn með sér þegar við hoppuðum aðeins í Brynjudalsá.
Ellen Alexandra
Helgina eftir verslunarmannahelgina fórum við til Reykjavíkur og tókum þátt í Gung Ho hoppukastalahlaupinu. Það var fínasta skemmtun. Svo var það almennt chill í höfuðborginni.
Ellen Alexandra hélt svo upp á 4 ára afmælið sitt með pompi og pragt þegar að leikskólinn byrjaði aftur.
Kristján Freyr og félagar voru sáttir með uppskeru sumarsins í fótboltanum.
Fórum í rafting með Hirti og Hinna í Hvítá. Það var geggjað.
Svo fórum við Kristján Freyr og séra Aðalsteinn að sulla smá. Vorum að leita að fossum til að hoppa í en fundum ekkert árennilegt.
Kristján Freyr og Jón Björgvin gerðust fyrisætur fyrir skólablað Skessuhorns.
Skellti svo í annað myndband fyrir Snæfellsnes Excursions sem að fór víða og var vel tekið.
Svo var svaðaleg veisla hjá Kótilettuklúbbnum þegar við vorum með grillaðar T-bone steikur.
September:
Byrjuðum mánuðinn á að fagna afmæli pabba. Út að borða á Bjargarsteini í tilefni dagsins.
Ellen Alexandra byrjaði að æfa fótbolta í stubbaboltanum og stóð sig vel. Hérna eru þær vinkonurnar í góðum gír.
Fór smá myndarúnt að Selvallavatni og Berserkjahrauni og tók mynd af falda fossinum sem allir vita um núna enda ófáar rúturnar sem stoppa þarna.
Svo var haldið norður í Klapparhús þar sem fyrsta steypa var fyrir nýja bústaðinn sem mun rísa einhverntíma í framtíðinni.
Svo fékk litli prinsinn minn gleraugu. Hann á nú ekki langt að sækja það enda báðir foreldrar hans fyrrverandi gleraugnaglámar.
Október:
Eftir vsk í byrjun október fórum við í bústað í Húsafelli og nutum lífsins. Það var æðislegt.
Kíktum líka á Selhaga sem langafi minn byggði fyrir nokkrum árum.
Svo var mikið fagnað þegar að Ísland tryggði sæti sitt á HM í Rússlandi. Hrikalega flott lið.
Svo fórum við til Danmerkur með Fjölbrautaskóla Snæfellinga þar sem gengnir voru ófáir kílómetrarnir. Kíktum í Kristjaníu, tívolíið og sitthvað fleira. Skruppum meira að segja yfir til Malmö.
Ellen setti upp andlit af tilefni Halloween.
Svo voru smá norðurljós þegar við komum heim.
Ellen hitti Íþróttaálfinn í Grundarfirði.
Nóvember:
Þessi mánuður byrjar alltaf á því að ég verð árinu eldri. Kristján Freyr færði pabba sínum köku í tilefni dagsins.
Svo fórum við í ferð til Ukraínu með Helenu og Smára til að finna smá innvols í eldhúsið. Það var ævintýri útaf fyrir sig.
Þegar heim var komið byrjaði Rúna strax að undirbúa jólin mér til mikillar armæðu. Hér eru þær mæðgur að baka lakkrístoppa.
Ellen Alexandra tók þátt í sínu fyrsta fótboltamóti og stóð sig með prýði. Óx með hverjum leik.
Svo var veðrið hreint með ágætum annað slagið.
Desember:
Þá er það mánuður jóla, innkaupa og stress. En hún Rúna mín er snillingur og var eiginlega búin að ganga frá öllum jólagjöfum í lok ágúst þannig að við fórum nokkuð stresslaus inn í mánuðinn.
Reyndar ákvað Kristján Freyr að stanga vegg svona uppúr þurru… eða næstum því. Pabbi hans var eitthvað að bregða honum og því fór sem fór… Áfram gakk.
Skruppum líka út að leika í góða en kalda veðrinu.
Skruppum á tónleika í desember. Bæði á Baggalút og Sigurrós sem var nokkuð sérstakt en magnað.
Jólakveðja fjölskyldunnar var með náttfatastíl.
Skruppum svo í bjöllur á aðfangadag og á gamlársdag og tókum aðeins á því. Við Rúna erum búin að vera í bjöllum í vetur og höfum bara staðið okkur vel. Rúna er reyndar á fullu í blaki líka þannig að hún tekur rúmlega helmingi meira á því en ég enda mikill jaxl.
Svo voru það bara áramótin þannig að þetta er allt búið að vera í topp standi.
Þangað til næst…
tommi.is 