tommi.is

Já það var sko tekið á því um helgina. Á laugardaginn fórum við Jón Frímann, Ellen og familían í Fjölskyldu og Húsdýragarðinn. Þar var rölt um og kíkt á Guttorm gamla sem á víst ekki mikið eftir karlanginn. Í gær fórum við og kíktum á Suðurland, skoðuðum Gullfoss og Geysi og Þingvelli. Þetta var alveg góður 8 tíma rúntur á rútunni hans Jóns. Þræl fínt alveg þar sem að maður var að sjá Gullfoss og Geysi í fyrsta skiptið. Heví gaman. Afraksturinn má sjá á myndasíðunni.

Svo erum við í Vatnsberunum að fara að keppa stórleik í kvöld á móti Jóni Rafni og Halla í Sval. Þetta verður vafalaust stórslagur og hvet ég alla sem vettlingi geta valdið að mæta uppá Leiknisvöll kl 19:30 í kvöld.

Þangað til næst…..

Allt crazy í London. Bara sprengjur og læti marr uuussss.

Ég og Steini Jobba fórum á War of the worlds í gær. Fínasta ræma og olli ekki vonbrigðum hjá okkur. Hápunkturinn var nú samt sýnishornið úr King Kong, sjitt hvað hún verður svöl.

Þangað til næst….

Pjúff, það hellist einhver bloggleti yfir mann á sumrin. Kannski að það sé rigningin eða eitthvað öööösssss.

Eníveis, þá var nú liðin helgi fín. Soffi afmælisbarn kom í heimsókn og við grilluðum voða fínt og fórum svo á Wig Wam á Gauknum. Fínasta stemming þar og eitís fílingurinn í algleymingi. Come on come on come on, love is all over me og allt það. Heví stemming. Á sunnudaginn þegar Soffi vaknaði kl c.a. 7 um kvöldið fórum við í Perluna og keyptum okkur köku og ís. Næse sjæse fýlingur þar á ferðinni. Fyrir utan að kökurnar og ísinn í perlunni er ekkert sérstaklega gott stöff.

Ég hygg á ferð til að sjá war of the worlds ef ég fæ einhvern með mér í það. Svo væri gaman að kíkja á Star Wars aftur áður en hún hættir. Spurning um að plata Hödda með sér í þetta. Sjáum til.

Svo held í að Rutlan eigi afmæli svona á næstu dögum og fær hún þar af leiðandi afmæliskveðju frá mér. Til hamingju með daginn.

Svo á öðlingurinn hann Jón Frímann hinn fagri afmæli í dag 6 júlí. Til hamingju kúturinn minn

Og eitt enn….

Það er stranglega bannað að svína fyrir mótorhjól ok.

Smellið á myndina til að stækka hana

Þangað til næst….

Já, það fór svo að kallinn fékk að fara á Duran Duran á meðan konan beið heima og gætti bús og barna. Ég og Ellen fórum uppeftir og hittum Magga, Dagný og Soffa í höllinni. Dæmið byrjaði þegar Laufin byrjuðu að hita upp fyrir goðin. Þeir voru nú með eitthvað svona coldplay, muse eitthvað jerí jerí, sem betur fer spiluðu þeir nú bara stutt. Það var eins og Soffi sagði… eina skiptið sem er klappað það er þegar þeir minnast á hljómsveitina sem kemur á eftir þeim.
Svo líður tíminn og það er aðeins farið að þrengjast upp við sviðið af misgáfulega útlítandi fólki með túberað hár og ég veit ekki hvað og hvað, held meira að segja að ég hafi séð eina jussuna í nýþröngu silfur pilsi sem hægt var að spegla sig í. Svo voru nokkrir húmoristar með axlapúða og blásið hár. Vængjagreiðslu og allt. Ég skildi nú glossið eftir heima í þetta skiptið en tók samt eftir því að Nick Rhodes vinur minn hafði tekið sitt með.
Svo stigu gömlu jálkarnir á svið og virkuðu í fínu formi. Byrjuðu á einhverju af nýrri lögunum sínum sem maður svona kannaðist við en kveikti ekki alveg á. Þegar fyrsta lagið er búið kemur Símon le Bon og segir…. Are you hungry??? Þá vissi maður nú alveg hvað var að fara að gerast. Hungry like the wolf byrjaði að hljóma og allt ætlaði að tryllast. Svo komu Planet Earth, Union of the snake og öll þessi gömlu góðu lög. Maður var eins og smástelpa þarna þegar þeir spiluðu Save a prayer og A wiew to a kill. Wild Boys var líka töff og svo líka öll uppklöppunarlögin. Reflex, Girls og film og notorious.
Þvílíkt skemmtilegir tónleikar og verð ég nú að þakka henni Ellen fyrir að bjóða mér. Ég skemmti mér konunglega.

Með eitís kveðju…

Þangað til næst…..

Já, kallinn er á leiðinni á Duran Duran. Þannig er mál með vexti að hún Ellen E. bauð annað hvort mér eða Rúnu á DD og þurftum við því að velja hvort okkar færi. Ég sagði Rúnu að hún mætti fara ef að hún gæti nefnt alla gaurana í Duran Duran með nafni. Hún hélt það nú, Simon le Bon og svo einhver sem hún hélt að héti Taylor. Jú jú, hún var nokkuð nærri því en ekki nóg hehehe, Þannig að ég er á leiðinni að sjá þá Simon le Bon, Nick Rhodes, John Taylor, Andy Taylor og Roger Taylor. Takk Ellen.
En svona að öllu gamni slepptu þá má hún Rúna mín ráða hvort hún fer eða ekki, eina krafan sem ég geri er að hún verði búin að mjólka sig í svona eins og einn pela áður en hún fer. Up to her.

En ef ég fæ að fara þá er það bara eftirfarandi tékklisti fyrir kallinn:

– 2 brúsar af hárlakki (tékk)
– silfurgrá jakkaföt sem ég get brett upp ermarnar (tékk)
– bleik skyrta (tékk)
– hárblásari (tékk)
– flock of seagulls greiðsla (græja það í kvöld)
– gloss og augnmálning (tékk)
– grifflur (ath hjá Benna frænda)
– kínaskór (tékk)

Ef þetta reddast allt þá verður stuð hell je

Þangað til næst…..

Jæja fólk. Eitthvað klikkaði þetta með fæðingarorlofið mitt því læknarnir á LSH ákváðu að fara frekar á einhverja ráðstefnu heldur en að gera aðgerð á henni Rúnu minni. Því þurfti að fresta aðgerðinni til 14 júlí og þar af leiðandi þurfti Tommi litli að fresta fæðingarorlofinu til 11 júlí sem er nú bara fínt. Ég verð þá í fríi eitthvað fram yfir verslunarmannahelgi.

Litla fjölskyldan fór upp í sveit um liðna helgi og hitti þar fyrir hin ýmsu ættmenni sem vissu ekki einusinni að kallinn væri búinn að fjölga sér. En það var samt mjög gaman þrátt fyrir leiðinlegt veður.

En nóg í bili

Þangað til næst…..

TIL MINNINGAR UM HJÓLIÐ HANS MAGGA

Fyrir

Eftir

Enn meira eftir

Rust in peace

Maggi minn, þú átt samúð okkar allra.

Þangað til næst….

Gott veður í dag. Ég er náttlega fastur hérna í vinnuni. Guði sé lof fyrir góða loftkælingu. Ég fer aftur í fæðingarorlof eftir helgi. Rúna sæta er að fara í aðgerð og láta laga æðarnar í löppinni eftir þennan bannsetta blóðtappa sem hún fékk í vetur. Eftir það ætti hún nú að geta haldið áfram að lifa eðlilegu lífi. Hætt að vera í þessum 18 þús dyn sokkabuxum og farið að æfa fótbolta aftur. Þá lyftist nú brúnin á henni uuuusssss. ÍR skvísunum veitir ekkert af smá liðsauka. Nema ég gæti dobblað hana í Vatnsberana sem eru búnir að tapa 2 leikjum í röð… hnuss.

Við erum svona að spá í að kíkja til ömmu á Hofstöðum um helgina. Þar á víst að vera ættarmót og ef spáin verður góð þá er aldrei að vita nema maður skelli sér og sýni ömmu litla guttann. Það fer eftir veðri og vindum.

Þangað til næst…..

Já maður er þokkalega búinn eftir þetta mikla ferðalag. Á fimmtudaginn lögðum við Viggi af stað einhverntímann eftir kl fjögur og hjóluðum áleiðis í Borgarnes þar sem Maggi og Ninni biðu eftir okkur. Svo fórum við í Bauluna og fengum okkur að éta hjá Kibba og Sigrúnu. Svo var brunað alla leið í Varmahlíð þar sem við tókum þátt í stærstu hópkeyrslu sem ég hef séð. Það kom meira að segja mynd af kallinum í mogganum á föstudaginn, bls 2 til að vera nákvæmur (fyrir miðju) Þar er kallinn að spóka sig á 35 km/h innan um eintóma hippa. Hinir úr klúbbnum voru þarna aðeins fyrir framan og náðust þar af leiðandi ekki á mynd.

Á föstudeginum 17 júní hjóluðum við til Húsavíkur og hittum öll ættmennin hans Magga. Þar buðu Unnur og Torfi okkur í köku og svo fórum við í kjúlla til Unnar og Trausta. Takk kærlega fyrir okkur segi ég nú bara. Þetta var alveg eðall og vel tekið á móti okkur.

Á laugardeginum hjólaði ég svo bara einn til Grundarfjarðar nánast í einum rikk. Stoppaði örstutt á Blönduósi og tók svo bensín í Baulunni. Ástæðan fyrir því að maður dissaði drengina svona var náttlega að maður saknaði Rúnu og lilla litla svo rosalega mikið. Enda var maður þokkalega lúinn á laugardagskvöldið eftir alla þessa kílómetra. Meikaði ekki einu sinni að skella mér á ball hvað þá meira.

Svo var bara brunaði í bæinn í gær í grenjandi rigningu. Þar fékk nýi mótorhjólagallinn minn sína fyrstu alvöru þolraun og stóðst hann hana með prýði. Hélt öllu vatni og vind frá líkamanum eins og vera ber og rann maður alveg skrjáfaþurr inná bílaplanið við blöndubakkann rétt tæplega sex í gær.

Þá hafði maður nokkrar mínútur til að búa til leikskýrslu og græja sig fyrir leikinn sem byrjaði 19:30 í gærkvöldi.
Leikurinn var mjög skemmtilegur og mikil barátta. Við í Vatnsberunum vorum klaufar að klára ekki dæmið. Þeir skorðuðu kolólöglegt mark í fyrri hálfleik enda sóknarmaðurinn þeirra einhverjum 4-5 metrum fyrir innan vörnina. Í seinni hálfleik jafnaði Hrannar leikinn eftir hornspyrnu frá Arnari. Mínútu síðar gerðum við aulamistök í vörninni sem kostaði okkur mark 2-1. þegar 10 mínútur voru eftir jafnaði Danni leikinn eftir hornspyrnu og staðan orðin 2-2. Allt stefndi í framlengingu en þegar 2 mínútur voru eftir náðu Bundes að skora eftir annað klúður í vörninni hjá okkur. Helvíti svekkjandi en svona er þetta bara.

Jæja, ég held að þetta sé komið nóg af bulli í bili

Þangað til næst……

Ég er farinn norður ásamt fríðu föruneyti úr mótorhjólagenginu skítmóðugir. Skítmóðugir hyggjast hittast í Bgn of death um 17:00 og halda svo í Bauluna og éta hjá Kibbmeisternum.

Bon Voiage

Þangað til næst….