Fór á dögunum í hvalaskoðun hér á Grundarfirði. Það er allt krökkt af háhyrningum í firðinum núna enda fjörðurinn kjaftfullur af síld þessa dagana. Háhyrningarnir hafa nóg að éta og hafa því enga ástæðu til að fara. Þetta er alveg stórkostlegt sjónarspil að sjá þetta, bæði úr fjörunni og af sjó. Alveg magnað fyrirbæri.
Fleiri myndir inná flickrinu.
Þangað til næst
Innilega til hamingju með daginn litli minn.
Þann 5 febrúar næstkomandi verður 46 þorrablót Hjónaklúbbs Grundarfjarðar haldið. Mér áskotnaðist sá mikli heiður að fá að skemmta liðinu sem verður slafrandi í sig súrum hrútspungum og slátri. Nú hafa staðið yfir þrotlausar æfingar allan janúar mánuð og maður hefur varla haft tíma til að gera neitt annað. Kristján Freyr er búinn að gleyma hver ég er og er farinn að kalla barnapíuna mömmu. Þetta er algjört rugl. En sem betur fer er þetta alveg að verða búið… Það verður örugglega spennufall í mannskapnum þegar þessu verður lokið á laugardaginn.
En þrátt fyrir að þetta sé tímafrekt þá er þetta ógeðslega gaman. Maður er að vinna með þvílíkum snillingum þarna. Mikið hlegið og mikið grín.
Þangað til næst.
Ég er búinn að vera að hlusta á þessa hljómsveit síðan fyrir jól og ég verð bara hrifnari og hrifnari af henni við hverja hlustun…. Þvílíkur diskur sem þessi stórsveit hefur gefið út. Mér hefur ekki liðið svona síðan maður heyrði Master of Puppets hérna í denn…. ÞETTA ER GEÐVEIKT STÖFF.
Diskurinn er æðislegur, eins og áður kom fram, og er þarna sögð sagan af Baldri Óðinssyni sem verður fyrir árás óvætts og fylgir diskurinn honum eftir í leit að hefnd. Þetta er meistarastykki. Textarnir eru geðveikir, spilið er geðveikt, þetta er epískt. Ég hef ekki orð til að lýsa hrifningu minni á þessu.
Mæli með því að menn tjékki á þessu…. sérstaklega þú Dabbi Wium. (ef þú ert ekki löngu búinn að því)
Lag nr 2 á disknum.
http://www.youtube.com/watch?v=AqZI3fMqF_c
Lag nr 7 á disknum.
Grundarfjörðurinn er smekk fullur af síld þessa dagana og því er gríðarleg veisla fyrir háhyrningana sem lögðu leið sína í fjörðinn í dag. Það voru um 20-30 kvikindi þegar mest lét. Stórfengleg sjón.
Það er bara komið 2011 og enginn hafði fyrir því að láta mann vita… SKANDALL.
Tökum létta yfirferð yfir 2010…
Janúar:
Þar sem að ég hef líklega verið í einhverju konfekt móki og öðrum ólifnaði þá man ég bara ekkert hvað maður gerði merkilegt í janúar… líklega ekki neitt.
Ég náði þó að taka nokkrar myndir…
Febrúar:
Hmmm skv blogginu mínu þá var þetta nú ekki merkilegt í febrúar heldur… er ég orðinn svona latur við að blogga eða?
Svo er engin mynd á flickrinu frá febrúar heldur… er það nú ástand. En Gústi bróðir átti nú afmæli þarna einhverntímann, ég hlýt að hafa knúsað hann eða eitthvað.
Mars:
Þarna fór loksins eitthvað að gerast… Ég keypti mér nýja myndavél. Skipti út 40d fyrir 1d mark III. Góð skipti. Þurfti reyndar að punga út smá aur en það var þess virði. Svo vorum við gríðarlega duglegir í boltanum og æfðum og æfðum.
fyrsta myndin úr nýju vélinni
Apríl:
Í apríl tók Eyþór Gæa sig til og rak mig í meiraprófið. Þetta var námskeið sem stóð í 5 helgar og voru svolítil átök. Þetta þurfti ég að taka til að geta byrjað í nýju starfi hjá HVE. Eldgos byrjaði á Fimmvörðuhálsi og tók ég rölt uppá Þórólfsfell og skoðaði það úr fjarska. Frekar magnað þó svo að maður hafi ekki náð að fara alveg upp að því.
Við fjölskyldan skelltum okkur inní Bárðardal í páskafrí og höfðum það notalegt.
Maí:
Það markverðasta sem ég gerði þennan mánuð var að hefja störf hjá HVE sem sjúkraflutningamaður og svo skellti ég mér uppá Helgrindur með mömmu og Gaua Ella… það var alveg magnaður göngutúr og mjög gefandi.
Júní:
HM í Suður Afríku… þessi mánuður bar þess merki að ég hafði engan tíma til að taka myndir, líklega útaf fótboltaglápi. Frekar dapurt HM hvað skemmtilega leiki varðar og þessi bévítans Vúvúsela lúðrar fóru í mínar fínustu.
Júlí:
Sumarstemmingin í algleymingi… margt bardúsað, nýr pallur tekinn í notkun sem Gústi bróðir smellti upp í rólegheitunum. Grill, frisbie, fótbolti ofl. Tinna og Eva komu í heimsókn, hátíð í Lá og svaka stuð.
Ágúst:
Keypti tvær linsur í safnið á sama tíma og skattmann borgaði vaxtabætur… tilviljun?
Við Rúna og Kristján Freyr fórum í ferðalag á Strandirnar. Vorum í góðu yfirlæti í Ingólfsfirði hjá ömmu og afa þeirra Stebba og Samma… frekar ljúft og frábært veður.
September:
Samkvæmt blogginu mínu þá gerði ég ekki neitt í september en það er nú bölvað bull… ég hlýt að hafa gert eitthvað en amk þá man ég það ekki. Ég var allavena sendur í útlegð til Akureyrar í 3 vikur.
Október:
Í október var ég í Sjúkraflutningaskólanum á Akureyri og kláraði það nám og er því löggiltur Sjúkraflutningamaður. Ég hafði það voðalega fínt á Akureyri hjá Ninna og Dagmar og eru þau hjón miklir höfðingjar heim að sækja.
Ég fór líka með Steina vini mínum á landsleik Íslands og Portúgals á blaðamannapassa til að taka myndir… það var mjög skemmtileg upplifun.
Svo var farið í starfsmannaferð með FSN í siglingu og fjölréttað hlaðborð. mmmmm namm.
Nóvember:
Jú jú ég varð 34, blóm og kransar vinsamlegast afþakkaðir. Teknar voru myndir fyrir dagatal slökkviliðsins og mikið stuð. Olíubornir og sleipir vorum við í nóvember.
Desember:
Jólin og allt það…. Við fórum í bústað í Húsafell í frábæru vetrarveðri. Rúna fór til New York og skemmti sér samkvæmt heimildum bara nokkuð vel.
Svo varðandi áramótaspána þá ætla ég að treysta á áramótaspá Baggalúts…
Völva Baggalúts hefur gefið út Völuspá fyrir árið 2011. Völvan hefur hrist hlautteina, rýnt í kaffibolla, greint innyfli 14 spendýra, fylgst með atferli fugla og spáð í spil. Svo fátt eitt sé nefnt.
Völvan sendi í morgun frá sér eftirfarandi spá:
„Ekkert breytist. Ekki neitt!“
Tók þessa mynd um liðna helgi þegar við vorum að þvælast í Borgarfirðinum. Falleg skammdegismynd af Hraunfossunum fögru. Ofboðslega fallegt þarna.
Önnur mynd úr Sögumiðstöðinni…. Skemmtilegt að taka myndir þarna.
Við Kristján Freyr fórum í Sögumiðstöðina til hans Inga Hans og prófuðum að taka nokkrar myndir. Þetta var stuð.
tommi.is 