Category: Uncategorized

I’m on setanta sports hætt… DJÖÖÖÖÖÖÖÖÖ

Síðasti þátturinn er samt snilld eins og allir hinir.

Þangað til næst….

Man Utd tók sig til að rassskellti puntdúkkurnar í Chelsea all hrikalega í gær 3-0. Ég verð að viðurkenna að mér leist ekkert á blikuna þegar ég sá byrjunarliðið, Darren Fletcher og Ryan Giggs inná miðjunni á móti Lampard, Ballack og Obi Mikel. En áhyggjur mínar voru óþarfar því að Fletcher og Giggs áttu miðjuna skuldlaust og léku eins og meistarar. Chelsea sáu aldrei til sólar í þessum leik og þetta voru nokkuð skýr skilaboð til hins taugaveiklaða Benitez sem hefur eflaust setið sveittur yfir sjónvarpinu og nagað sig í handarbökin yfir því að hafa drullað svona hressilega uppá bak.

Sigurvegari helgarinnar var klárlega Sir Alex Ferguson.

Bjáni helgarinnar var að sjálfsögðu Rafa Benitez fyrir að láta plata sig í eitthvað sálfræði stríð við meistarann sjálfan. Ég hugsa að það hafi hlakkað í Fergie gamla þegar hann sá yfirhraunið hjá spænska kleinuhringnum á föstudaginn. Svo toppar hann þessa vitleysu með því að gera 0-0 jafntefli við Stoke (þessi taktíski snillingur sem hann er) og þarf svo að horfa uppá United slátra Chelsea á Old Trafford.

Þetta verður spennandi barátta um titilinn það sem eftir er. Skjálfti uppá 5,3 á Richter mældist í Liverpool borg um sex leytið í gær enda Liverpool menn farnir að titra. Enda skemmti ég mér í gærkvöldi við að lesa spjallborðið á liverpool.is og kop.is Gott stöff…

Það er hægt að ræða þennan leik og allt það fram og til baka.
Eitt stendur upp úr, Rafa niðurlægði sjálfan sig með þessari vandræðalegu upplesningu um Ferguson, sérstaklega eftir að Man.Utd. valtaði yfir Chelsea. Tekið af http://www.kop.is

Nú er meistari Mourinho að tala um hversu mikill as.ni Rafa var. Wenger er einnig hissa. Vonandi fer Rafa að gera eitthvað að viti. Tekið af liverpool.is

jæja nú virðist Rafa hafa gert sig af ****i. Jafntefli við Stoke eftir að hafa verið borubrattur. EF eða þegar Man Utd vinna sína leiki verða þeir á toppnum en Liverpool EKKI. Liverpool eiga samt eftir að fara á Old Trafford. Man Utd eru í betri málum en við og þetta viðtal hjá Rafa virkaði ekki betur en þetta því hann var skriðinn inn í skelina og tapaði fyrir okkur 2 stigum í dag. Tekið af liverpool.is

Fínasta helgi… Hefði verið Frábær ef Inter hefði drullast til að vinna Cagliari á laugardaginn.

Svo er hérna ein snilldarmynd í lokin.

Þangað til næst….

Já fyrsti pistill ársins er við það að fæðast hérna í hausnum á mér…. 8 janúar 2009 verður fokking sögulegur fyrir þessar sakir.

Annars er maður búinn að vera í hálfgerðu móki síðan um áramótin. Erfitt að byrja þessa rútínu aftur. En þetta mjakast áfram eins og alltaf. Ég hef voðalega lítið að segja þannig að ég hef ákveðið að koma með myndasýningu. Hér fyrir neðan birtast uppáhalds myndirnar mínar sem ég tók árið 2008…

Þessi mynd er tekin í janúar 2008 inn Kolgrafarfjörðinn í afskaplega fallegu veðri. Eitthvað við hana sem heillaði mig þó svo að enginn sé skyldugur til að vera sammála mér. Smellið á hana til að stækka

Síldarævintýrið á Grundarfirði. Tekin 13 jan 2008. Mér finnst himininn afskaplega fallegur á þessari mynd og hann setur einhvern rómantískan blæ yfir myndina. Smelltu á til að stækka

Þessi mynd finnst mér líka afskaplega heillandi. Þetta eru Ninni og Dagmar að draga Kristján Frey á fögrum febrúardegi. Veifan hjá Ninna setur punktinn yfir i-ið hvað þessa varðar. Smelltu til að stækka

Afskaplega falleg mynd af Kirkjufellinu. Þessi mynd var lengi uppáhalds myndin mín í öllum heiminum. Hún er samsett úr þrem myndum teknum á mismunandi lýsingu. Smelltu til að stækka

Þessi finnst mér líka mjög skemmtileg. Gústi bróðir á flugi. Það sem heillaði mig við þessa var hvernig umhverfið er smá á hreifingu og Gústi og krossarinn í fókus. Smelltu til að stækka

Þetta hljómar asnalega en það er eitthvað við þessa mynd sem grípur mig. Þetta er kannski mynd af ómerkilegu og ryðguðu vegasalti en það er samt eitthvað við hana. Veit ekki alveg hvað það er. Litirnir kannski. Veit það bara ekki. Smelltu á til að stækka

Mistur og sólstafir yfir Snæfellsjökli. Þessi finnst mér vel heppnuð hjá mér þó ég segi sjálfur frá 😉 Smelltu á til að stækka

Rúna mín að blása sápukúlur í Kensingtongarði í London. Skemmtilegt myndefni og almenn góð stemming í þessu. Smelltu til að stækka

Þreyttir göngugarpar á toppi Snæfellsjökuls í Jónsmessugöngu síðasta sumar. Þessi mynd finnst mér vera óendanega kúl. Minnir mig alltaf á byrjunina í Band of Brothers þáttunum. Svona nett silouette stemming. Smelltu til að stækka

Tekin uppá Kirkjufellinu. Það er eitthvað við þessa sem er svona stórbrotið. Litlar mannverur horfa yfir himin og haf. Smelltu til að stækka

Skemmtileg mynd af Kristjáni Frey vera að leika sér í garðúðaranum hjá Gaua Ella. Smelltu til að stækka

Kristján Freyr á ströndinni og virkar eitthvað efins hvort hann eigi að láta sig vaða í ölduna. Smelltu til að stækka

Kristján Freyr og Rúna mín að vaða öldurnar fyrir neðan Garða í Staðarsveit. Fallegt skýjafar toppar þessa mynd. Smelltu til að stækka

Kirkjufellið í allri sinni sólarlags dýrð. Smelltu til að stækka

Mér finnst þessi nú bara skemmtileg því að ég var að prófa að fikta í multiplicity. Svaka stuð. Smelltu til að stækka

Þessi finnst mér vera ansi skemmtileg. Þetta er Maggi Jobba frá sniðugu sjónarhorni. Svo er þetta líka ein af fyrstu HDR myndunum mínum. Smelltu til að stækka

Maggi Jobba á flugi. Mér finnst þessi rosalega flott. Smelltu til að stækka

Rúna og Kristján Freyr hvíla sig við Dynjanda. Smelltu til að stækka

Selhagi í Borgarfirði. Bær sem að langafi minn byggði. Þessi er í svolitlu uppáhaldi hjá mér af persónulegum ástæðum. Smelltu til að stækka

Gústi og félagar í Draugabönum. Mér finnst þessi skemmtileg. Við vorum að reyna að ná Flags of our fathers stemmingu og tókst bara bærilega held ég. Smelltu til að stækka

Þetta er uppáhalds myndin mín þessa dagana. Ég held að ástæðan fyrir því sé þetta Lord of the rings útlit. Þetta minnir mig á Rivendale einhvernveginn. Smelltu til að stækka

Töff skýjafar yfir Kirkjufelli. Þessi mynd heillar mig. Kuldaleg og töff. Smelltu til að stækka

Þetta er lang vinsælasta myndin mín by far og ég skil það svo sem enda er ég frekar montinn af henni. Smelltu til að stækka

Grafan nálgast. Þessi mynd er tekin uppí skíðalyftu nú fyrir jólin. Mér finnst hún úber töff. Smelltu til að stækka

Þetta voru mínar uppáhalds myndir frá árinu 2008. Nú er spurningin hvað árið 2009 færir manni.

Þangað til næst….

Árið 2009 verður stórmerkilegt fyrir margra hluta sakir…

Þetta verður árið sem…

Jón Frímann ákveður að skella sér í snarpa megrun og tekst svo vel til að hann verður álíka spengilegur og hann var á 19 aldursári, eða rétt rúm 63 kg og 204 cm á hæð.

Viggi Runna ákveður að söðla um og flytja út frá mömmu sinni og pabba. Hann byggir sér hús í garðinum hjá þeim og mun búa þar pattaralegur fram eftir öllu.

Maggi Jobba splæsir í flotta hárþurrku sem kallast HAIRDRYER 3000 og verður svo svakalega montinn af gripnum að hann ákveður að safna hári og fá sér permanett.

Ninni fjárfestir í nýjum bíl, bíll þessi á eftir að reynast alveg svakalega vel og einungis bila 3 sinnum að meðaltali á dag, sem er ýfið lægra en núverandi volkswagen golf grand III turbo intercooler. Nýi bíllinn verður að gerðinni volkswagen golf grand IV turbo intercooler gta supercharged bííatshh árgerð “88.

Grundarfjarðarbær sker niður talsvert mikið í framkvæmdum á árinu og þar af leiðandi verður hætt við að bora göng yfir í Lýsuhólslaug, brú yfir í Melrakkaey, þyrlupall ofan á bæjarskrifstofuna, verslunarmiðstöð uppá Kirkjufelli, 17 þús fermetra íþróttamiðstöð með sundlaugagarði og 8 stjörnu heilsurækt fyrir loðdýr. Og sitthvað fleira sem fellur af dagskrá fyrir niðurskurðahnífnum ógurlega.

Rúna Jobba ákveður að fá sér rúllur í hárið.

Haddi Rutlu mun syrgja það mjög að Liverpool mistekst enn eitt árið að ná topp 3 í ensku og mun niðurlútur byrja að styðja Crewe Alexandra þar sem að Skagamaðurinn Gaui Þórðar ríður rækjum.

Rutla sjálf mun svo fá sér Liverpool 4th place tattú á hægri upphandlegginn manni sínum til halds og trausts.

Kaffi 59 mun byrja á þeim nýjungum að bjóða upp á karókí hindúa á nýju ári en verða frá að hverfa vegna dræmrar þáttöku.

Steini Jobba mun söðla um og opna Jakuxa leigu í Hafnarfirði, það mun verða rífandi bissness hjá kallinum í þessu enda allir bændur hættir að tíma að fjárfesta í traktorum.

Steiktir kattahalar munu ryðja sér til rúms sem hið mesta hnossgæti og leysir humarhala af, sem verða allt of dýrir fyrir almúgann.

Skipt verður tólf sinnum um borgarstjóra í reykjavík árið 2009 og endar það með því að borgarstjóraembættið verður lagt niður mun bæjarstjórinn í Kópavogi verða keisarinn yfir Reykjavík og nágrenni.

Up The Irons munu sigra tippleikinn margfræga með afgerandi yfirburðum árið 2009.

ÍA mun gera 0-0 jafntefli við Víking Ólafsvík árið 2009

Fínt í bili. Gangið hægt um gleðinnar dyr og passið ykkur á rakettunum.

Þangað til næst…. (sem verður á næsta ári)

Kristján í góðum gír að opna pakkana á aðfangadagskvöld

Svo var það pakkinn frá ömmu Dittu…

Svo varð maður að testa gripinn…

Þangað til næst….

Þegar árið er liðið er bara rétt að líta rétt svo yfir hvað maður var að brasa síðastliðna mánuði.

Here goes.

Janúar:
Ný fluttur til Grundarfjarðar og við vorum öll að vinna á fullu í húsinu okkar nýja. Tók þátt í Old boys héraðsmóti í fúzzboll og að sjálfsögðu sneri maður heim klyfjaður af gulli.

Febrúar:
Flytjum loksins inn í húsið okkar að Grundargötu 68. Annars var bara kalt og mikill snjór þessa dagana.

Mars:
Þetta var frekar rólegur mánuður svona eins og gengur og gerist. Liverpool slær Inter út úr Champ Líg og einhver svoleiðis leiðindi. Set í gang könnun á blogginu um hvort að maður eigi að fara á DIO eða Gayvin de Graw tónleika í London. Það þarf svo sem ekkert að taka það fram að DIO rúllaði þessu upp easy.

Apríl:
Fjárfesti í DIO miðum eftir að hafa rústað könnuninni. Mætti á fótboltaæfingu í hólminum og dó næstum því við það.

Maí:
Þetta var massa flottur mánuður. Sérstaklega þar sem að United urðu Englands og Evrópumeistarar eftir einvígi við Chelsea á báðum stöðum. Þvílík og önnur eins hamingja hjá undirrituðum að annað eins hefur ekki sést síðan í Dawson Creek. Jú og ég fór til London… Það var fínt.

Júní:
Blendnar tilfinningar þegar Jose Mourinho er ráðinn knattspyrnustjóri míns heittelskaða Inter liðs. Svo var maður á einhverju tónleika flakki, fór á DIO, Whitesnake og James Blunt. Fórum í miðnæturgöngu uppá Snæfellsjökul um Jónsmessunótt og svo skokkuðum við líka uppá Kirkjufellið fagra.

Júlí:
Ferðaðist um Vestfirði í góðum hóp. Það var rosalega fínt og mikið að sjá fyrir utan smá bleytu á okkur. Röltum svo yfir Arnardalsskarð í frábæru veðri. Það var magnað. Grundarfjarðardagarnir skullu á með skelli og við Jón Frímann slógum í gegn í útvarpinu. Sem og við Gústi líka.

Ágúst:
Fórum norður um verslunarmannahelgina. Tókum einhvern túrista pakka á þetta. Ásbyrgi í frábæru veðri og svo héngum við bara inná Bárðardal í góðu yfirlæti. Svo keypti ég mér Playstation 3 tölvu og risastórt sjónvarp. Þetta var rétt fyrir kreppu og borgað út í hönd að sjálfsögðu 😉 Svo var maður tekinn fyrir of hraðan akstur og alles. Bölvað prump.

September:
Man Utd kaupir DIMITAR BERBATOV og það er Berbalicious. Nett Berbatov æði grípur um sig og karlinn fer og fjárfestir í forláta Berbatov naríum með g-streng fyrir konuna. ÍA fellur um deild og allt verður vitlaust á Skaganum.

Október:
Kreppa kreppa kreppa, fátt er rætt um annað en þessa voluðu kreppu sem allt snýst um. Svo ákveður all time hetjan mín að fara til helvítis AC Milan. Af hverju fór hann ekki bara í West Ham eins og sagði í auglýsingunni??? Æ já það fór að sjálfsögðu á hausinn.
Maggi og Dagný eignast lítinn Jobba sem er algjört krútt.

Nóvember:
Afmæli eins og alltaf. Fór á forsýningu James Bond… Það var kúl. Fékk svo þessa svakalegu magaveiki. Bæði skítandi og ælandi í heila viku. Léttist um 7 kg og ekki af miklu að taka fyrir.

Desember:
Jólin og allt það. Veiiii

Þannig var árið sem er að líða. Vonandi verður 2009 jafn skemmtilegt og 2008.

Það styttist líka í árlega áramótaspá Tomma sem kemur hérna innan þriggja nátta.

Þangað til næst….

Fjölskyldan á Grundargötu 68 óskar öllum þeim sem lesa þetta gleðilegra jóla og farsældar á komandi ári… Vonandi er þetta smá sárabót fyrir jólakortaleysið þetta árið. Spurning um að senda 2 jólakort á mann um næstu jól. Við sjáum til.

Lifið heil og eigiði gleðileg jól.

Þangað til næst….

Þessi maður er snillingur… ekkert annað en snillingur.

Svo eru þessir þættir algjört helvítis snilldarverk.

Og svo besti þátturinn til þessa

I’m on setanta sport… GEÐVEIKT FYNDNIR ÞÆTTIR

þokkalega þess virði að horfa á.

Shut up Sven

Be Champions

Þangað til næst…

Sælinú

Sökum almenns slugsaskaps og sauðahátts undirritaðs, þá verða engin jólakort send frá Grundargötu 68 þetta árið… Reyndar eins og í fyrra en það er önnur saga (þá vorum við ekki flutt inn).

Ástæðan fyrir því að ég er að rita þetta er sú að nú þessa dagana hrúgast inn um hurðina hjá manni hvert jólakortið á fætur öðru og með hverju korti bætist ofaná samviskubitið sem nagar mig yfir því að hafa ekki sent eitt einasta helvítis jólakort.

Maður verður bara að segja eins og stóru fyrirtækin… “Engin jólakort verða send í ár, í staðinn mun allur jólakortasendikostnaðurinn renna til styrktar bágstöddum flamingóum í Úsbekistan. Ég hef fengið kort frá dýramálaráðherra Úsbekistan þar sem hann þakkar fyrir þennan veglega stuðning og segir að allar 348 krónurnar muni koma að góðum notum.”

Ég lofa að bæta úr þessu á næsta ári og senda ykkur öllum veglegt og svakalega flott jólakort.

Þangað til næst….

Á flickrinu mínu eru allar myndir skilmerkilega og skýrlega skráðar eftir kúnstarinnar reglum. Þar get ég séð hversu oft hver mynd hefur verið skoðuð og hverjir merkja hana í favourites og commenta o.s.fr.

Sú mynd sem hafði verið lang vinsælasta myndin frá upphafi var tekin uppá Kirkjufelli í síðasta sumar, hún skartaði litlu systir minni þar sem hún stóð á toppnum.

myndin fræga af henni Hönnu minni

En á laugardaginn skruppum við Kristján Freyr niður í fjöru og smelltum mynd af Kirkjufellinu fræga ásamt tunglinu og það virtist hafa lagst svona líka helvíti vel í flickrarana að hún þaut framúr öllum myndunum á met tíma og fór á toppinn. Hún var ekki búin að vera public nema í c.a. sólarhring þegar hún var búin að slá myndina af Hönnu út. Einnig hrúgaði hún á sig commentum að annað eins hefur ekki sést á flickr síðunni minni. Var komin með 71 comment þegar þetta er ritað. Ég held að næst flestu commentin séu 15 talsins.

Myndin fræga

Það naumast bara að Kirkjufellið mitt virðist alltaf leggjast vel í fólk. Enda ber það svo sem af öðrum hólum ehaggi!!!

Við Kristján erum búnir að vera 2 einir um helgina því að spúsan ákvað að skella sér í kreppuferð til Danaveldis. Þetta er búið að vera voðalega ljúft hjá okkur. Fórum út að renna okkur á laugardaginn og svo aftur í gær. Svaka stuð enda veðrið búið að vera glimrandi fínt.

Svo ein sætumynd af Krissa litla sem hefur fengið fínar viðtökur líka

Þangað til næst….