tommi.is

Proud owner

Canon EOS 400 D

Já ég er geðveikur og nei ég hef ekki efni á þessu og nei ég kann ekkert á þetta.

Spurning um að skella sér á námskeið í ljósmyndun.

Þangað til næst….

Um páskana lá öll Jobba ættin með skitu uppí rúmi og kveinaði og kvartaði af afli. Allir nema ég að sjálfsögðu, Kristján Freyr, Rúna, Jobbi, Anna Jobba, Begga og Steini fengu öll vott af skitu með meðfylgjandi daun og verkjum.
Ég taldi bara að þau þyrftu að hækka prótín og járn magn í fæðinu því að ég var stálsleginn alla páskana… Svo líður og bíður og ég fer í bæinn til að vinna og þá gerist það… bara sí sonna, BÚMM
Í gær þurfti ég nánast að hlaupa á klósettið í vinnunni (þið vitið hvað það er óþægilegt að brúka skítelsi á vinnustaðnum) því að náttúran kallaði af lífs og sálar kröftum. Þetta þoldi enga bið og ég þakka mínum sæla bara að hafa náð að setjast á helvítis dolluna í tæka tíð því að það sem fylgdi á eftir hefði allt eins getað endað niður buxnaskálmina hjá mér.
Það skipti engum togum nema að það var eins og það væri verið að losa úr haugsugu niður í klósettið. Þetta var svakalegt. Þessi losun tók c.a. 20 mín með tilheyrandi lykt og svitakasti.
Eftir þennan gjörning sá ég mig knúinn til að staulast heim því að ekki vildi ég eiga á hættu að lenda í þessu aftur, Vera kannski að selja Dimension 520 E í góðum fýling og þurfa svo að hlaupa inná lager og skilja kúnnan eftir á gólfinu klórandi sér í hausnum ó nei takk.
Restin af deginum fór í vítiskvalir heima með óteljandi kamarsferðum. Ég held ég sé kominn niður í 3 rúllur af skeinara á einum og hálfum sólarhring og geri aðrir betur.
Vona að ég geti álpast í vinnuna á morgun á skárra ástandi en ég var í dag…. plíííís ég er orðinn þokkalega þreyttur á að pissa með rassgatinu endalaust.
En nóg af skít í bili.

Man Jú álpuðust til að SLÁTRA Róma með 7 mörkum gegn 1 Dabba frænda til mikilliar gleði. Ég hef held ég bara aldrei orðið vitni að öðru eins… Jú bíddu, einu sinni tapaði ég fótboltaleik með FC Fist 8-2 eftir að hafa verið 2-1 yfir í hálfleik, Það var frekar svekkjandi, Maður sá það svona á svipnum á þessum pastaætum að þeir voru meira til í að vera að vaska upp heima hjá sér heldur en að láta Darren Fletcher skrattast á görninni á sér.

En nóg af skít og rugli í bili…

Þangað til næst….

Páskarnir voru næs. Fórum vestur, Rúna dró mig uppá jökul á föstudaginn langa þar sem að maður þeyttist um hvítar grundir á snjósleða eða á slöngu.
Reyndar voru allir með pípandi drullu yfir páskana nema undirritaður hehehehe. Svo fékk Kristján Freyr sykursjokk á páskadag af súkkulaðiáti. Hann var hress eftir það. Hann var reyndar ekki svo mjög hress um nóttina þegar hann vaknaði, reis upp og ældi yfir sængina hennar mömmu sinnar.

Nú eru Rúna og Kristján Freyr ennþá í Grundó og ég aleinn í bænum, reyndar er Torfi hérna líka.
Man USA vs Rjóma í kvöld. Eins gott að United skeini sér hressilega fyrir kvöldið því 2 tapleikir í röð er frekar pirrandi ástand.

Þetta er með svalari lögum í öllum heiminum…

Þangað til næst….

Það er nú búið að vera meiri hasarinn hérna í Blöndubakkanum… Löggubílar á hverju kvöldi og svaka hasar. En það er komið núna, leigjandinn farinn og allt fallið í ljúfa löð væntanlega.

Var að henda inn slatta af myndum á myndasíðuna, misgóðar að sjálfsögðu.

Rúna er að missa sig út af nýju Nintendo Wii tölvunni minni. Hún er að fýla þetta í ræmur, enda er þetta ógeðslega skemmtilegt.

Sjitt hvað það verður ljúft að komast í smá páskafrí. Stefnan er tekin vestur á fimmtudaginn. Við Dabbi frændi þurfum að skreppa með bunka af félagaskiptablöðum fyrir hana Eygló að kvitta á. Þetta er fyrir leikinn mikla í Visa bikarnum þann 11 maí næstkomandi. Þá fyllist Grundarfjarðarvöllur af kaffihúsaliði úr Reykjavík eins og Gæi nokkur Hadda orðaði það svo pent. Þetta kemur í ljós alltsaman og málið bara að hafa gaman að þessu.

Við í Vatnsberunum vorum að fjárfesta í nýju búningasetti fyrir tímabilið og munum vígja það sett 11 maí á Grundarfjarðarvelli ef allt fer eins og það á að fara. Þ.e. ef Grundarfjarðarvöllur verður klár í þetta. Það er ekkert víst að mönnum eins og Jón Frímann og Steina Jobba verði hleypt inná völlinn enda erum við að tala um hálft tonn hvað þá varðar. Spurning hvort okkur hinum fjaðurvigtarmönnunum verði gert að klára dæmið… hehehe.

Nýji og geðveikt svali búningurinn okkar

Hérna kemur svo svalasta lag í heimi enda Dave Grohl með svalari mönnum EVER:

Þangað til næst….

Jæja, nú eru góð ráð dýr, ég veit ekkert hvað ég á að skrifa um. Ég sit hérna og er að hlusta á master of puppets í góðum gír. Gerðist svo djarfur í dag að fjárfesta í 2 DVD myndum. Þær voru nú báðar nokkurskonar skyldukaup.
Ég að sjálfsögðu varð að kaupa Casino Royale þar sem að ég á allar hinar James Bond myndirnar og er þar af leiðandi DÆMDUR til að kaupa hverja eina og einustu James Bond mynd sem kemur út á meðan ég lifi. Svo keypti ég Borat myndina, hún er nú líka skyldueign kviss bamm búmm.

Þangað til næst…..

Um síðustu jól fékk ég forláta náttbuxur frá Ellen og Jónasi. Síðan þá hef ég varla farið úr þeim… nema svona rétt þegar mauðr skreppur í vinnuna.

Þetta er ekkert smá þægilegt system.

Í vikunni komumst við BigGoj loksins í bíó. Skelltum okkur á 300 og ekki varð ég fyrir vonbrigðum. Þvílíkt svöl mynd, maður verður bara að horfa á hana með því hugarfari að þetta er gert eftir teiknimyndasögu en ekki mannkynssögu.
Reyndar var maður ógeðslega fyndinn í bíóinu…

Tommi: Ég ætla að fá einn miða á þrjúhundruð.
Afgreiðslustelpa: Það eru níuhundruð…
Tommi: Ha?? Er hann ekki á þrjúhundruð???

Um leið og ég sleppti orðinu þá áttaði ég mig á því að hún var líklega að heyra þetta í þrjúþúsundasta skiptið en ég gat ekki að þessu gert. Þetta kom bara ósjálfrátt, eins og líklega hjá flestum sem kaupa miða á þessa mynd. BigGoj kom strax á eftir og var næstum því búinn að sleppa þessum óborganlega brandara út fyrir sínar varir en sem betur fer sleppti hann því. Okkur hefði líklega verið hent út ef hann hefði sagt þetta líka… hehehe.

Ég var nokkuð duglegur í vikunni. Á sunnudaginn kepptum við í Vatnsberunum leik, á mánudaginn fór ég í spinning í hádeginu og svo á fótboltaæfingu um kvöldið. Á þriðjudaginn var pása. Á miðvikudaginn fór ég í spinning í hádeginu og svo útihlaup og bolta um kvöldið. Á morgun er svo fótboltaleikur og svo annar leikur á sunnudaginn. Spinning og æfing á mánudaginn osfr. Heví prógramm á kallinum enda stefnan á að geta amk spilað 20 mínútur á Grundarfjarðarvelli þann 11 maí næstkomandi. Þá mætast Grundarfjörður og Höfrungur frá Þingeyri í Visabikar KSÍ. Grundarfjarðarliðið verður að öllu leyti skipað leikmönnum Vatnsbera og þetta verður væntanlega hörku leikur.

En best að fara að sinna litla grísnum mínum en við erum bara 2 einir heima núna enda Rúna á kvöldvakt þessa dagana.

Þangað til næst….

Er maður alveg hættur að nenna að skrifa inná þessa blessuðu síðu? Tjah, maður spyr sig.

Það var mjög lítið sofið um þessa helgi sökum handrukkara en það er önnur saga.

Við Rúna kíktum í afmæli til Steinku á laugardaginn. Gunna kom með okkur og var hin hressasta. Þetta var bara fínt. Reyndar hefði ég vilja stoppa aðeins lengur en það var frekar óráðlegt þar sem að Rúna átti að mæta í vinnu kl 8 og ég að vakna með litla apakettinum honum Krstjáni Frey.

Man Jú heldur sínu striki og heldur Chelski 6 stigum frá sér. Það er eins gott að ekkert klikki því annars verð ég brjálaður, og það viljum við ekki. En það eru ennþá 8 umferðir eftir og leikur við Chelsea á brúnni. Það getur allt gerst. Þetta verður rosalegt.

Keppti í fótbolta í gær. Unnum 7-0… vei. Svo vorum við Jón Frímann með 11 rétta í tippinu og erum á fljúgandi siglingu í tippleiknum góða hjá Gumma á Grundarfirði.
Eftir leikinn kom ég heim og lét Beggu Jobba steikja kótilettur. Enda geðveikt svangur eftir þennan leik, þó að ég hafi nú oft hlaupið meira en þarna. Þegar maður var búinn að éta kom BigGoj því við höfðum hug á að kíkja í bíó að sjá 300… but noooooooo ekki varð okkur kápan úr því klæðinu. Keyrðum niður í Mjódd, fengum stæði hjá Smáralind og löbbuðum í mjóddina, komum svo í miðasöluna aðeins til að komast að því að það var bara einn miði eftir… EINN. Hver fer einn í bíó??? Þannig að við slógum þessari bíóferð á frest þangað til síðar í vikunni.

Svo í dag var maður bara öflugur og kíkti í spinning í hádeginu… úff. Svo er það fótboltaæfing í kvöld… Harkan sex.

Þangað til næst….

Þetta var athyglisverð helgi í alla staði…

Á föstudaginn buðu Ellen og Jónas okkur í mat og við skelltum okkur til þeirra. Þar var Ellen búin að elda dýrindis kjúlla með einhverjum grasstöngli inní… mjög gott sko. Beikonvafið og fínt. Jónas bauð uppá bjór og þetta var helvíti fínt. Svo kom Soffi og hitti okkur og við skelltum okkur á tónleika með hinni mögnuðu sveit, Hvanndalsbræðrum.. Þetta voru alveg edilons fínir tónleikar enda miklir snillingar þarna á ferð. Eftir tónleikana skelltum við okkur á Celtic Cross í vafasaman fíling og svo hentum við okkur heim.

Á laugardeginum var maður í svona þynku fýling. Soffi kom til mín til að skutla mér að sækja bílinn… Þessi ferð ílengdist aðeins og endaði með að undirritaður fór og keypti sér forláta gítar til að glamra á. Það hafði blundað í mér í þónokkurn tíma að fjárfesta í svona apparati og eftir að hafa séð Rögnvald gáfaða hamra á gítarinn sinn kvöldið áður þá stóðst ég ekki mátið og skellti mér á einn Washburn kassagítar í Tónabúðinni… Rúnu til mikillar gleði… NOT.

Á laugardagskvöldið þá var okkur boðið í útskriftarpartý hjá Sollu og Viktori. Ég nennti ómögulega að fara og var bara heima til að byrja með. Svo þegar að ég var búinn að horfa á fyrri hálfleikinn hjá Barca og Real þá var maður dottinn í gír. Soffi kom og sótti mig og við skelltum okkur á kaffihús með Hödda og Hrefnu. Cafe Deco við hliðina á (S)óðal. Fínasta pleis. Þar sötraði maður 2 kollur og fór svo á samkynhneigðan skemmtistað að hætti hússins. Semsagt í útskriftarveisluna sem var haldin á Qbar. Þetta var fínasta skrall alveg.

Á sunnudeginum var haldið á Tækni og Vit sýninguna þar sem að maður þurfti að skila 3 tíma vakt af sér. Eftir það var farið í panickasti heim og græjað sig í fyrsta æfingaleik Vatnsberana.. sem að því miður tapaðist 2-1, frekar ósanngjörn úrslit miðað við að við áttum seinni hálfleikinn. Vorum klaufar að vinna ekki, en það kemur bara næst.

Til að summa þessu upp þá fór helgin í fyllerí, gítarkaup og fótbolta.

Kristján Freyr kom svo aftur í dag til Reykjavíkur en sá hafði verið í Grundarfirði hjá ömmum sínum og öfum alla helgina.

Þetta er orðið nóg af röfli í bili. Ég hendi inn myndum fljótlega… kominn tími til.

Þangað til næst…..

Æi fokkitt… Við erum barnlaus og við hjónin erum farin saman á djammið…

Sjáumst hress

Þangað til næst….

Eitt orð um úrslit kvöldsins… JEEIIIII

Þangað til næst….