tommi.is

Í gær fékk ég mér bjór í fyrsta skipti síðan 2003, það var gaman, en í dag er ég með hausverk í fyrsta skipti síðan 2003… ekki eins gaman

Þangað til næst….

Ég er farinn vestur í páskafrí…

bless

Þangað til næst….

Sit hérna í vinnunni, lítið að gera eins og vanalega á þessum tíma á laugardögum, uppbelgdur af pizzu frá dominos og coke light. Held ég þurfi að létta á mér fyrir leikinn á eftir. Vatnsberar vs Kuhmo Rovers í Safamýrinni kl 17:30. Nokkrir nýir og tilvonandi Vatnsberar mæta. Spurning hvernig þetta fer, margir af fastamönnunum meiddir eða fjarverandi.

Hanna systir er í heimsókn, gott að fá barnapíu á meðan ég er að keppa, Rúna er nebblega að fara í eitthvað bévítans hólívúdd partý hjá Ásdísi Marilyn Monroe, Rúna ætlar að fara sem Kleópatra og var í allt gærkvöld að dreifa nálum um allt gólf og föndra sér búning í leiðinni.
Endalaust djamm á stelpunni alltaf hreint. En við feðgarnir reddum þessu eins og svo oft áður.

Þangað til næst….

Þetta er fótbolta pirr pistill þannig að… varúð.

Ég var í gúddí fíling í gær. Var bara heima með strákinn og hlakkaði til að horfa á champ líg um kvöldið. Svo líður að þessum leikjum og ég sest fyrir framan imbann á meðan Rúna eldar þessar dýrindis lambalundir. Villareal vs Inter og Inter er 2-1 yfir síðan úr fyrri leiknum, þeim nægði semsagt jafntefli… Og það var nákvæmlega það sem þeir ætluðu að fá. Spiluðu varfærnislega og hugsuðu bara um að verjast. Þetta bauð bara uppá eitthvað klúður. Ég var farinn að sjá fyrir mér 1-0 tap (sem þýddi að Villareal færi áfram á marki skoruðu á útivelli) og að Villareal myndi skora á 88 mín. Reyndar skoruðu Villareal menn á 58 mín þannig að Inter hafði góðan tíma til að endurskipuleggja leikinn og fara að sækja… En nei, höldum áfram að verjast og spila eins og fífl. Svo kom Mancini með þessa líka frábæru skiptingu, setjum Sinisa Mihajlovic inná fyrir Luis Figo. Frábært, Sinisa Mihajlovic er 48 ára útbrunnin varnarmaður á meðan Figo hefur verið í hörku formi. Fáránleg skipting sem breytti ekki neinu.

En á meðan var AC Milan að gera 1-1 jafntefli við Lyon og það þýddi að Lyon voru áfram. Þegar dómarinn flautaði Inter leikinn af ákvað ég að skipta yfir á SÝN og sjá AC mennina grenja en neeeeiiii… auðvitað þurftu þeir að “Stela sigrinum” með 2 síðbúnum mörkum sem þeir áttu ekki skilið að skora. Lyon voru miklu betri allan tímann. Fokking týpiskt fyrir þetta ógeðslega AC Milan lið.

Þangað til næst….

Helgin var fín. Ninnsterinn mætti á svæðið og chillaði með okkur. Kristján Freyr var í essinu sínu og svaka stuð. Fórum í bíó, markaðinn í Perlunni og margt fleira.

Ég, Ninni og Maggi fórum á Date movie, mæli eindregið EKKI með henni. Svoleiðis búið að blóðmjólka alla þessa djöfulsins aulabrandara. Ótrúlega fyrirsjáanlegt allt saman. 800 kr og 90 mínútur sem ég fæ aldrei aftur.

Ég gerðist svo ótrúlega harður í gærkvöldi því að ég fór út að skokka… Þar sem að fótboltaæfingin hjá okkur féll niður ákváðum við Dabbi að skokka einn hring í Elliðarárdalnum. Tókum einn hring og vorum komnir heim aftur eftir 40 mínútur. Ég veit ekki hvað það er langt síðan maður hefur farið í útihlaup. Við Dabbi ætlum aftur í kvöld.

Þangað til næst…..

Niðurstöður nördakönnunarinnar hennar Rúnu hérna fyrir neðan verða gerðar kunnar hér. Leikar fóru þannig að Rúna er miklu meiri nörd en ég. Og þannig fór það.

Annars hyggur Ninnsterinn á ferð í borg óttans yfir helgina. Ég held ég hafi ekki séð Ninnann síðan fyrir aldamót og ég er búinn að gleyma hvernig hann lítur út. Ég mæti með skilti niður á flugvöll sem á stendur “Ninni” svo að hann finni mig þegar hann er búinn að ná í töskuna sína.

Þessar myndir voru teknar síðast þegar við Ninni hittumst

Þangað til næst….

Ný vél og miklu skemmtilegri græja komin í safnið…

Þangað til næst….

Já það er orðið opinbert… Ég er bansettur letibloggari. 6 dagar síðan ég hripaði eitthvað hérna inn og geri aðrir betur. Ég og Kristján Freyr fórum vestur um helgina. Rúna fór í einhverja æfingaferð með ÍR og kom eins og háöldruð hæna til baka. Ég er alfarið á móti því að mömmur og húsmæður stundi íþróttir, þið ættuð að sjá hana. Hún klöngrast um húsið eins og illa gerður hlutur og getur ekki sinnt húsverkunum. Enda íbúðin í rúst því að ég er nú eins og ég er.

En eins og áður sagði að þá fórum við feðgarnir bara vestur í staðinn. Vorum hjá Önnu ömmu í góðu yfirlæti. Heimsóttum að sjálfsögðu allar hinar ömmurnar og afana enda fékk Kristján sinn skammt af knúsi. Það sem stóð uppúr hjá mér yfir helgina var að ég fékk að sofa út. Kristján svaf bara inni hjá ömmu sinni sem sinnti honum af mikilli kostgæfni. Þetta var mjög ljúft allt saman.

Las einhverja frétt um að par hafi verið handtekið niðrí bæ með barnavagn og eins árs gamalt barn sitt með…. Ég segi nú bara… HVAÐ ER AÐ????
Er ekki í lagi með fólk? Trilla bara mað litla barnið niður í bæ á fyllerí af því að þú fannst ekki barnapíu… jeminn eini. Þetta er örugglega stemmari, ætli þau hafi ekki sett bjór á pelann líka? Fávitar.

Þangað til næst….

Kominn miðvikudagur og kallinn er ekkert búinn að láta í sér heyra… Skelfileg frammistaða alveg hreint.
Ég er búinn að vera að glugga í gamlar bloggfærslur síðan fyrir 2 árum, þegar ég var ennþá í skóla, mér fannst ég sjálfur einhvernveginn vera miklu skemmtilegri þá heldur en nú. Alltaf með eitthvað skemmtilegt blogg og hver færslan á eftir annari sem kitlaði flisstaugarnar.
Núna er maður bara sífellt vælandi um allt og ekkert…
Hvernig ætli standi á þessu??? Ætli þetta sé út af því að það hafði önnur áhrif á mig að vera í skóla heldur en að vera í sömu vinnunni daginn út og daginn inn??? Eða ætli það hafi önnur áhrif á mig að hafa eignast barn og keypt station bíl og íbúð??? Hvað er í gangi???

Hvað hefur breyst???

Tommi þá…

Tommi nú….

Já ég spyr… hvað hefur breyst???

Svör óskast…

Þangað til næst….

Jæja, í tilefni af þessum vota föstudegi hef ég ákveðið að koma með nokkrar krassandi staðreyndir sem ég hef frétt á undanförnum vikum.

Heyrst hefur…

að Soffi hafi á dögunum ákveðið að taka þátt í Mr Muscle keppninni margfrægu.

Árangurinn lét ekki á sér standa og lenti kallinn í 54 sæti af 55 keppendum

að Ungfrú kópasker hafi verið svipt titlinum fyrir að hafa tekið þátt í ólöglegri rjómatertuátskeppni þar sem hún sigraði með yfirburðum

Ungfrú Kópasker á meðan allt lék í lyndi

að Sylvía Nótt, Sylvía Nótt og Sylvía Nótt hafi skellt sér á djammið í miðbæ Grundarfjarðar og málað bæinn rauðan

Eini sem var ánægður með framtakið var Óli Guðmunds sem hafði haft það á stefnuskránni að mála húsið sitt rautt, aðrir voru minna sáttir

að Heisi og Shrek séu orðnir meira en bara vinir

Heisi segir að Shrek kyssi miklu betur en Oddný

að Söngkvartettinn Súpa hafi tekið sig til og frumflutt æðisgenginn 2 sekúndna gjörning við mikinn hrylling viðstaddra.

Sem betur fer voru aðeins 3 að hlusta á Ásgeir og félaga

að Dagný Magga Jobba hafi þótt það gríðarlega flott að vera með laufblað á hausnum.

Laufblaðið vakti gríðarlega lukku hjá félögunum í karateklúbbnum sparkí haus ching sjeiiiiiin

að Ásgeir Ásgeirsson hafi hannað þennan fallega hatt og sett hann í sölu á vefverslun EJS.

Ásgeir náði að selja heila 5 hatta fyrir hádegi en það voru yfirmenn Búnaðarsviðs sem voru hinir lukkulegu kaupendur

að okkar ástkæra Þórhildur sé búin að fá nóg af fréttabissnessnum og hyggi á glymrandi frama sem Celine Dion eftirherma.

Eins og sést hérna hafa staðið yfir þrotlausar æfingar fyrir giggið

að Eva Sleggja sé orðin dauðleið á að láta klípa í afturendann á sér

Hérna er Sleggjan að ausa úr skálum reiði sinnar yfir einhverjum perranum sem á síns einskis ills von

að Jesper, Kasper og Jónatan hafi skellt sér á Ólíver um daginn og verið hent út aftur eftir 6 mínútur

Eins og sést hérna er vel hægt að skilja gremju dyravarðanna sem hentu þeim út

að ónefndur þuklari sé kominn á stjá og sé iðulega að hrella ungar stúlkur á öldurhúsum bæjarins.

Vesalings stúlkan er enn að jafna sig eftir þessa lífsreynslu

að Þuklarinn leiti jafnt á stúlkur sem stráka

Myndirnar tala sínu máli

að Viggi Runn sé alveg sjóðandi heitur þessa dagana.

Viggi skellti sér í dansskóla köru og er hér í trylltri rúmbu að hætti hússins

Þangað til næst….