Í dag er eitt ár síðan við Sumarliði vorum að þvælast uppi á hálendi Íslands að mynda eldgosið í Holuhrauni. Nánar má lesa um það hér.
Í sumar var mikið um að vera. Við Rúna fórum til Glasgow ásamt góðum hópi fólks úr Fjölbrautarskóla Snæfellinga. Þar var ýmislegt brallað eins og gönguferð um hálendið, skólar heimsóttir og smakkað á nokkrum öl.
Fljótlega eftir heimkomuna frá Glasgow þá skelltum við Rúna og Kristján Freyr okkur í The Color Run í Reykjavík. Það var alveg hrikalega gaman og Kristján lék á alls oddi.
Color Run from Tomas Kristjansson on Vimeo.
Svo var það Download festival í júní. Við Gústi, Ninni og Erling skruppum til Englands og komum okkur fyrir í smábænum Loughbrough. Tilefnið var hin stórkostlega rokkhátíð Download Festival. Þar rættist gamall draumur þegar ég sá Kiss stíga á stokk á lokakvöldinu. Annars var þetta frábær hátíð en hæst bar að nefna headline böndin Muse, Slipknot og Kiss en það voru fleiri stórkostleg bönd þarna eins og Clutch, The Darkness, Mötley Crue, At The Gates, Parkway Drive og svo mætti lengi telja. Þetta var ótrúlega gaman.
Fljótlega eftir komuna frá Englandi tók hið hefðbundna íslenska sumar við sem var með ágætasta móti. Falleg sólsetur, Fótboltamót, ferðalög og þess háttar. Leyfi myndunum að tala sínu máli.
Kristján Freyr hitti Birki Bjarnason
Við Kristján fórum á Orkumótið í Eyjum og annar okkar þurfti smá aðhlynningu
Orkumótið var samt rosalega skemmtilegt
Við Rúna og Gústi fórum upp á Kirkjufell
Kíkti á fossinn Skínanda
Í júlí fórum við svo austur í ferðalag. Fórum á Eistnaflug þar sem að Kvelertak stóð algerlega uppúr. Líklega eitt svalasta live band sem ég hef séð að öðrum ólöstuðum á þessari frábæru hátíð.
Við Gústi að bíða eftir Kvelertak
Mæðgur gera rock on með misjöfnum árangri
Hér má svo sjá smá myndband sem ég sullaði saman eftir ferðalagið.
Ferðalag 2015 from Tomas Kristjansson on Vimeo.
Fórum líka í nafnaveislu hjá litlum prins.
Rúna fékk annan nafna
Svo kom önnur gullfalleg jobbalína í heiminn sem síðar fékk nafnið Kristín María
Svona er sumarið búið að vera og nú styttist í Tyrklandsför fjölskyldunnar en í tilefni 60 afmæli múttu gömlu var ákveðið að kíkja á sólarströnd. Nánar um það síðar.
Þangað til næst….
tommi.is 