Jæja þá líður að jólum. Væntanlega allir starfsmenn Ikea orðnir vel sjóaðir í þessu enda settu þeir upp jólaskrautið um miðjan ágúst. Hún Rúna mín gat hamið sig þangað til um miðjan nóvember en þá sprakk hún og henti jólastjörnum í gluggana og aðventuljósum í eldhúsgluggann… Mér til mikillar ánægju eða þannig. Ég er kannski af gamla skólanum en í minni sveit var í fyrsta lagi byrjað að skreyta fyrsta sunnudag í aðventu og jólatréð var ekki sett upp fyrr en á þorláksmessu og þá með mikilli viðhöfn. Nú eru menn að sjippa jólatrjám upp hægri vinstri um miðjan nóvember eins og ekkert sé sjálfsagðara… En svona er Ísland í dag. Til hvers að vera að halda í gamlar hefðir þegar að það hefur ekkert uppá sig. Mun sniðugra að vera orðinn geðveikur á jólunum í kringum 20. des og liggja svo í þunglyndi yfir hátíðarnar. Óþarfi er samt að hafa áhyggjur af mér og minni geðheilsu því að væntanlega hef ég þetta af líkt og fyrri ár 😉
Meistaraflokkur Grundarfjarðar dró sig úr keppni fyrir næsta sumar í gær. Frekar leiðinlegt ástand en mikil þreyta var komin í mannskapinn og erfitt að fá fólk með okkur í þetta. Vonandi tekst okkur einhverntímann að endurvekja liðið því að þessi 5 tímabil voru rosalega skemmtileg og mikil stemming í kringum þetta batterý.
Svo tók ég smá skurk í ljósmyndum síðustu daga og var duglegur að henda inn á flickr og 500px.com og þar fóru 2 myndir inn á flickr explore sem að bústar heimsóknir á síðuna umtalsvert. Á venjulegum degi er maður að fá frá 500 – 2000 heimsóknir á síðuna en í gær fór það í rúmlega 24000 heimsóknir. Gaman að því.
Hérna koma nokkur sýnishorn.
Þessi datt inn á flickr explore
Og þessi fór líka inná flickr explore
Grundarfjörðurinn fagri
Fjöruferð með þessari dúllu
Kirkjufellsfoss
Svo að lokum er hérna smá timelapse fikt sem ég er mjög svo sáttur með.
Grundarfjörður from Tomas Kristjansson on Vimeo.
Jæja ætli manni sé ekki hollast að upphefja jólaandann svo að maður verði ekki útundan á Grundargötunni. Hó hó hó og gleðileg f*****g jól
Þangað til næst….
tommi.is 