tommi.is

Þar sem að það hefur verið afskaplega lítð í gangi á þessari síðu fannst mér tilvalið að henda inn smá yfirferð fyrir árið 2019. Sem er eiginlega rökrétt framhald af síðasta pósti sem var einmitt yfirferð fyrir 2018.

Janúar:

Ég byrjaði árið að henda í þetta video af flugeldunum sem sprengdu árið inn.

Svo gekk lífið sinn vanagang… Tókum netta slökkiliðsæfinu þar sem nýjar hitamyndavélar slökkviliðsins vor skoðaðar og brúkaðar.

Við Rúna fórum til London með FSN og það var líf og fjör. Fórum meðal annars á Arsenal – Man Utd í FA cup þar sem United vann í frábærum leik.

Svo var smá myndað svona eins og gengur og gerist.

Ágætis mánuður bara.

Febrúar:

Þessi mánuður byrjaði á þorrablóti Hjónaklúbbsins eins og svo oft áður. Mikið fjör.

Svo var Sigga Hall draumurinn minn brotinn í einni svipan þegar Sansa lagði upp laupana.

Svo var farið í Grundfirsku alpana sem voru eitthvað aðeins opnir þessa daga.

Svo var myndað og bardúsast eins og venjulega.

Mars:

Kláraði þetta skemmtilega hestavideo fyrir Lýsuhólshesta… Mjög skemmtilegt verkefni.

Svo var mikið um að vera á höfninni enda framkvæmdir að hefjast á fullu…

Fór á Dylan Moran í Háskólabíó… mjög skemmtilegt

Við feðgarnir fórum að leita að norðurljósum með nýju Ray.is ljósin… geggjað flott ljós.

Kristján Freyr fór aðeins að leika sér í fjörunni við Kirkjufell á krossaranum sínum.

Ellen Alexandra hélt áfram að standa sig og var dugleg að æfa sig fyrir skólann.

Svo var einhver slatti af myndum teknar…

Apríl:

Þessi mánuður byrjaði með smá loftskiptum hérna í firðinum… Það gustaði ansi hressilega á okkur.

En að sjálfsögðu lægði aftur eins og gengur og gerist.

Við fórum norður og skelltum okkur á skíði.

Hansi og Ellen nutu sín á Akureyri.

Kíktum á nýjasta Jobbalinginn hana Hrafntinnu bjútíbínu.

Svo var haldin massa hópslysaæfing hérna á nesinu, nánar tiltekið á Kaldármelum, þar sem viðbragðsaðilar af Vesturlandi komu og æfðu viðbrögð við rútuslysi.

Við Ellen æfðum okkur í að taka myndir.

Svo eru nokkrar ljósmyndir frá apríl þar sem dagarnir voru orðnir lengri og sólin farin að dansa við sjóndeildarhringinn.

Maí:

Kristján Freyr fermdist þann 8. maí og það var yndislegur dagur í alla staði.

Eftir ferminguna var svo haldið norður í land og upp á hálendið í leit að ævintýrum.

Við Rúna tilkynntum komu nýja erfingjans sem væntanlegur var seinna sama ár.

Svo fór Ellen á fótboltamót og stóð sig frábærlega.

Svo var myndað aðeins.

Og sólin var farin að hækka á lofti og veðurblíða farin að láta á sér kræla.

Júní:

Mánuðurinn byrjaði að sjálfsögðu á sjómannadeginum og það var mikið fjör.

Leikhópurinn Lotta var með sína árlegu leiksýningu.

Við Rúna fögnuðum fermingarafmælum okkar en við eigum sama fermingarafmælisdag…

Ellen Alexandra útskrifaðist af Eldhömrum og fékk þessa fallegu birkiplöntu í útskriftargjöf.

Þá var fjárfest í nýjum bíl og 120 cruisernum skipt út fyrir 7 manna 200 cruiser.

Rúna mín var trítuð annað slagið enda glæsileg og ólétt.

Svo var farið á Ísland-Tyrkland og var það fyrsti landsleikurinn sem Ellen fór á. Leikurinn frábær og úrslitin líka.

Næst á dagskrá var svo Download festival 2019 en það var þriðja hátíðin sem ég fór á. Að þessu sinni voru það við bræður og Maggi minn Jobba og var þetta alveg geggjað.

Svo fóru snillingarnir mínir á fótboltanámskeið í Ólafsvík og fengu leiðsögn hjá Ejub.

Svo var haldið í sumarfrí á Suðurlandið til að rannsaka áhrif lúsmý á samfélag sunnlendinga.

Fórum meðal annars í Zipline sem var alveg geggjað.

Svo eru hérna nokkrar myndir frá júní og þá aðallega frá sumarsólstöðuferð á jökulinn með Hjalta og Lísu.

Júlí:

Við Rúna mín fögnuðum 10 ára brúðkaupsafmæli… var mikill skellur þegar ég komst að því að þetta héti Tin brúðkaup… Tin brúðkaup??? Come on.

Svo var haldið í Bárðardalinn í alvöru sveitabrúðkaup þar sem Steini og Heiðrún gengu í það heilaga.

Ellen Alexandra fagnaði 6 ára afmælinu með stæl.

Fór með nýja bílinn í Autocenter og lakkyfirhalningu. Mikill munur á lakki og óhætt að mæla með svona.

Græjaði smá video fyrir nýja hátækni fiskvinnslu G.Run.

Svo voru þessir meistarar duglegir að leika sér.

Svo var það bæjarhátíðin Á góðri stund…

Svo kom Siggi minn í heimsókn… Gull af manni.

Svo nokkrar myndir frá júlí…

Ágúst:

Tókum rólega verslunarmannahelgi eins og yfirleitt tíðkast… Sendi þó drónann niður á höfn til að taka myndir fyrir mig.

Steini Jobba mætti á svæðið og fjarlægði svalirnar af húsinu enda voru þær farnar að síga ansi mikið.

Við tókum smá rúnt og kíktum á Klofning og Langeyjanes.

Magni Rúnar og Ellen Alexandra tóku þátt í enn einu fótboltamótinu og stóðu sig vel.

Ellen byrjaði svo í fyrsta bekk.

Rúna mín dafnaði vel enda stutt í komu þriðja erfingjans.

Svo eru nokkrar myndir…

September:

Þessi mánuður byrjaði á að pabbi fagnaði 67 ára afmælinu sínu. Við fögnuðum með honum á Sker.

Skellti í video fyrir Grundarfjarðarhöfn..

Svo var bara fátt annað sem komst að en fæðing nýjasta töffarans en hann fæddist á Akranesi þann 17. september.

Lífið var bæði gleði og barátta en hún Begga okkar var að berjast við illvígt krabbamein þessa mánuði.

Svo eru hérna nokkrar myndir en það var ansi merkilegt að þrír nýir togarar komu í Grundarfjörð.

Október:

Fyrsta dag þessa mánaðar sigldi nýr Runólfur inn í höfnina en nokkrum dögum áður sigldu nýr Farsæll og ný Sigurborg inn fjörðinn. Alveg magnað.

Ellen missti fyrstu tönnina sína.

Svo var ansi mikið sem snerist um litla manninn.

Fór á snilldar show með Bill Bailey.

Svo komu Guðni Th Jóhannesson og Eliza Reid í opinbera heimsókn til Grundarfjarðar síðasta dag október mánaðar.

Nóvember:

Þessi mánuður byrjaði á að ég tók töluna 43 inn í líf mitt og núvitund. Við fórum norður og áttum notalega stund í Bárðardal og á Húsavík.

Fengum góða gesti í heimsókn til að kíkja á prinsinn.

Svo var hlaðið í skírn 16. dag mánaðarins.

Prinsinn fékk nafnið Breki Berg í höfuðið á fallegu frænku sinni.

Þann 23. nóvember var heljarmikil söfnun fyrir Beggu sem stóð í ströngu. Margir sem lögðu hönd á plóg til styrktar góðu málefni.

Ég fylgdist svo með snillingunum í Lions sem græjuðu jólatré bæjarins.

Desember:

Það var rosalega mikið í gangi í desember… sumt gott en rosalega mikið ekki svo gott… eiginlega bara yfirþyrmandi slæmt. Af þessum sökum leið desember eiginlega í einhverskonar móðu og þegar ég hugsa tilbaka núna þá er þetta afskaplega þokukennt enda mikið af áföllum sem dundu á okkur. Við fórum þó á Baggalút samkvæmt facebook.

Svo var einu skautasvelli skellt upp þegar veðrið bauð upp á slíkt. Mjög flott.

Svo var eitthvað verið að bardúsa við jólaundirbúning og jólastúss.

Dagarnir fyrir og eftir aðfangadag voru svo bara eitthvað rugl. Begga var flutt suður fyrir jól þar sem henni hafði hrakað mikið. Hún fékk að koma heim yfir jólin og fórum við á sjúkrabílnum og náðum í hana á aðfangadag svo að hún gæti verið heima. Annan í jólum er hún svo flutt aftur með sjúkrabíl suður og hún kom ekkert heim eftir það. Hún og Sigurbjörn giftu sig 28. desember og hún lést svo 30. desember í faðmi fjölskyldunnar. Elsku Begga… hennar er svo sárt saknað og lífið svo undarlegt á svona stundum.

Þetta súra ár var svo sprengt í loft upp á gamlárs þar sem við vorum öll saman í undarlegri stemningu.

Þangað til næst…

Þá er árið 2018 liðið og því ágætis tilefni til að henda í eins og einn áramótapistil.

Janúar:

Árið hófst á svipuðum nótum eins og önnur ár eða með árlegu 1. janúar letikasti.

Kolgrafafjörðurinn þann 3. janúar 2018

Tók nokkrar myndir og gerði nokkur video svona eins og gengur og gerist.

Bjarnarhafnarfjall 3. janúar 2018

Svo var smá systkinahittingur líka sem er alltaf ljúft…

Dróninn fór aðeins á loft líka…

Grundarfjörður 5. janúar 2018

Gerði loksins video frá sumarfríinu, þrettándabrennu og svo video frá Grundarfirði í byrjun janúar.

Rúna fór með krakkana í Bláfjöll og svo var eitthvað meira brasað svona eins og gengur og gerist.

Febrúar:

Hápunktur febrúar mánaðar var jólögjöfin hans Kristjáns Freys sem var innleyst. Þar var haldið til Manchester til að sjá leik Manchester United og Huddersfield.

Þetta var alveg frábær ferð þar sem hápunkturinn var klárlega 2-0 sigur Manchester United. Við hittum líka Daley Blind í miðbæ Manchester þar sem hann var mjög almennilegur og kurteis og leyfði okkur að taka mynd af sér með Kristjáni Frey. Fórum á Imperial War Museum og nutum okkar vel þarna.

Eldhúsframkvæmdir voru komnar á fullt og því var mikið af 1944 réttum á boðstólnum ásamt því að við vorum dugleg að bjóða okkur í mat hingað og þangað.

Svo var aðeins myndað líka svona eins og gengur og gerist.

Skíðalyftan í Grundarfirði opnaði í smá stund og þá var tækifærið gripið.

Mars:

Kristján Freyr tók þátt í upplestrarkeppni fyrir bekkinn sinn ásamt bekkjarsystkinum sínum.

Við skelltum okkur norður á skíði og það var frábært.

Svo var farið á Sólstafi í Bæjarbíó Hafnarfirði… geggjaðir tónleikar.

Svo var einstaka pabbaknús líka… alltaf ljúft.

Og Ellen Alexandra hitti Ara tannlækni og stóð sig vel.

Svo voru teknar nokkrar myndir líka… Fórum meðal annars í frábæra ferð með Hjalta uppá Snæfellsjökul.

Sólsetur og Kirkjufell

Norðurljós í Hraunsfirði

Leiðin heim

Snæfellsnes

Fjallatrukkurinn hans Hjalta

Tunglið séð af Jöklinum

Og svo video úr ferðinni

Apríl:

Ellen tók að sér fyrirsætustörf fyrir Varma

Og undirritaður braut á sér olnbogann eins og lesa má um á þessari ágætu síðu…

Ellen tók rugludaginn í skólanum alla leið…

Ég tók að mér að búa til myndband og taka myndir fyrir kayakleiguna Vestur Adventures sem Gæi og Una komu á koppinn…

Svo var frábært fótboltamót á Stjörnuvellinum.

This slideshow requires JavaScript.

Svo var ýmislegt annað brallað.

Maí:

Það var ýmislegt sem var á döfinni í maí. Eldhúsframkvæmdirnar voru enn á fullu og þann 11. maí var blásið til vorgleði í Samkomuhúsinu þar sem undirritaður var búinn að taka að sér veislustjórn.

Ellen fór aftur á fótboltamót og nú var það Cheerios mótið á Víkingsvellinum. Þar var mikið stuð. Kristján Freyr hélt áfram að standa sig í boltanum og nú á yngra ári í 4 flokk.

Svo kíkti Ellen Alexandra aðeins í heimsókn á slökkvistöðina og fannst það ekki leiðinlegt.

Ellen Alexandra í sveitaferð á Kverná.

Svo fengum við 2 franska drengi til okkar frá Paimpol sem dvöldu hjá okkur í vikutíma. Það var ótrúlega gaman og lærdómsríkt.

Kristján Freyr og Rúna mín fögnuðu afmælum sínum. Rúna þann 19. maí og Kristján Freyr þann 20. maí.

Sumarliði smellti mynd af okkur Hauki á útskrift í FSN. Annar okkar var að útskrifast sko…

Við Gæi Kæjak á góðri stund í maí. Frábærar ferðir hjá þeim.

Ellen Alexandra er afskaplega ljúf og góð… þegar hún er sofandi þessi elska.

Svo fórum við Kristján Freyr og kíktum á nýjasta prinsinn hjá Ellen og Sveini.

Júní:

Byrjuðum júní á að endurheimta mömmuna úr viku gönguferð um Skosku hálöndin og það var afskaplega ljúft.

Svo fékk Ellen Alexandra líka að hitta nýjasta prinsinn hjá Ellen og Sveini sem síðar hlaut nafnið Styrmir Hrafn.

Svo var aðeins myndað í Grundarfirði…

Leikhópurinn Lotta kom og hélt sýningu í þríhyrningnum í Grundarfirði… Alltaf jafn skemmtilegt.

Júlli Jobba bauð okkur strákunum á landsleik á móti Gana í laugadalnum þar sem landsliðið var að undirbúa sig fyrir HM.

Svo var að sjálfsögðu farið í hið margfræga litahlaup en Ellen Alexandra vill alls ekki missa af því.

Svo var gríðarlega mikið fjör á 17. júní þar sem froðurennibrautin sló í gegn eins og svo oft áður.

Svo var mikil landsliðsstemmning í kringum HM að sjálfsögðu. Mæðgurnar misstu ekki af því.

Svo var farið í Bárðardalinn þar sem að Aðalsteinn Þórólfsson fagnaði 90 ára afmæli sínu. Það var mikið fjör og mjög gaman. Við Rúna hjóluðum þarna í sveitinni og það var krefjandi túr.

Svartá í Bárðardal

Svartá

Sólsetur í Bárðardal

Svo var haldið af landi brott þann 30. júní í langþráð frí og keppnisferð hjá Kristjáni. Ellen var ansi spennt á flugvellinum.

Júlí:

Í þessum mánuði var haldið erlendis. Fyrst til Salou rétt hjá Barcelona þar sem Kristján Freyr og strákarnir í 4. flokk fóru í langþráð keppnisferðalag. Við vorum vikutíma í Salou í góðu yfirlæti. Þegar keppnisferðinni lauk héldum við áfram á ferðalagi. Leigðum okkur bílaleigubíl og keyrðum yfir Frakkland, yfir til Ítalíu og svo aftur til Spánar þar sem við flugum heim 15. júlí.

Barcelona Cup 2018 í Salou var mikið ævintýri. Kristján Freyr náði að slasa sig í fyrsta leik og endaði það með sjúkrabílaferð upp á slysó. Þar reyndist allt óbrotið og óslitið en hann gat lítið keppt það sem eftir var. Náði nokkrum mínútum í síðustu 2 leikjunum.

Þann 1. júlí stungum við Rúna af frá hópnum og skildum Ellen eftir í pössun hjá Örnu og Árna. Við fórum yfir til Barcelona þar sem við hittum Beggu og Sigurbjörn og fórum á Guns’n Roses tónleika. Geggjað show.

Fyrsta vikan einkenndist af Barcelona Cup. Svo var farið í frábæran skemmtigarð með strákana og leikið sér á ströndinni. Síðasta daginn var svo farið á Nou Camp og heimavöllur Barcelona skoðaður.

Þegar við vorum búin að kveðja hópinn á flugvellinum í Barcelona fórum við á bílaleiguna að sækja þennan…

Einu skilyrðin sem sett voru þegar leitað var að bílaleigubíl var rúmgóður, sjálfskiptur og með loftkælingu… BMW 520d var það… geggjaður bíll í alla staði sem var kannski ágætt því að fyrsti leggurinn af ferðinni var að keyra frá flugvellinum í Barcelona yfir til Cannes í Frakklandi. Við lögðum af stað um fjögur leitið og vorum að detta inn rétt fyrir miðnætti í Airbnb íbúðina okkar. Þar var sett í þvottavél og slakað á í 3 daga. Við vorum 3 nætur þarna í Cannes… frábær borg.

Við fórum í dagsferð yfir til Mónakó og til Éze sem er magnaður staður… reyndar Mónakó líka bara á annan hátt.

Þegar við vorum búin að njóta lífsins í þrjá daga í Cannes var ákveðið að halda af stað til Ítalíu. Við byrjuðum reyndar á að stoppa í skemmtigarði í Nice og leyfa krökkunum að busla aðeins.

Þá var keyrt yfir landamærin og komið í lítinn bæ sem heitir Imperia. Þar gistum við á litlu snotru fjölskylduhóteli og höfðum það gott… Reyndar var einn frekar stór galli en á þessu litla hóteli var ekki loftkæling á herberginu okkar. Maður vaknaði í svitabaði á nóttunni enda alveg svakalega heitt… en það slapp til þessar 2 nætur og þessi hluti ferðarinnar var yndislegur. Reyndar var svakalegur munur á umferðarmenningu Frakka og Ítala en ég er á því að maður þurfi að vera geðsjúklingur til að ná bílprófinu á Ítalíu.

Þegar við vorum búin að gista 2 nætur á Ítalíu var ferðinni heitið aftur yfir landamærin til Frakklands og stefnan sett á Vitrolles sem er rétt utan við Marseille. Við stoppuðum þó í einhversskonar þjóðgarði til að sjá hina tignarlegu flamíngó fugla… það var nokkuð skemmtilegur útúrdúr.  Við vorum 2 nætur í Vitrolles og nýttum fyrsta daginn til að kíkja aðeins í búðir en seinni daginn fórum við á rúntinn og enduðum í litlum glæsilegum bæ rétt fyrir utan Marseille þar sem voru klettóttar strendur. Kristján Freyr nýtti tækifærið og hoppaði nokkrum sinnum í sjóinn af einum klettinum þarna. Mjög skemmtilegt.

Þá var ferðinni heitið yfir til Spánar þar sem við eyddum síðustu nóttini fyrir heimferð en við bókuðum eina nótt á hóteli í Girona sem er æðislegur bær í klukkustundar fjarðlægð frá Barcelona. Þarna fór hitinn hátt í 40 stig og við vorum gjörsamlega að kafna úr hita. Nýttum eina daginn þarna til að skoða borgina en það er engin strönd í þessum bæ. Þarna er samt glæsilegur miðbær og mikið af fornum byggingum og mikið hægt að skoða. Frábærir veitingastaðir.

Seinnipartinn þann 15. júlí var svo haldið af stað úr hitanum í Girona á flugvöllinn í Barcelona þar sem við áttum kvöldflug heim. Ellen Alexandra fagnaði svo 5 ára afmælinu í háloftunum en hún á að sjálfsögðu afmæli 16 júlí eins og allir eiga að vita… að hennar sögn.

Afmælisprinsessan fékk kórónu frá flugfreyjunum.

Svo var prinsessupakki sem tók á móti henni á Íslandi hjá ömmu Röggu.

Roggin afmælisstelpa

Það var ansi gott að komast heim í rigninguna eftir 2 vikna ferðalag í Evrópu. Ég henti í nokkrar sólsetursmyndir þegar ég kom heim og svo smá video fikt.

Svo var bæjarhátíðin Á Góðri Stund að sjálfsögðu á sínum stað og það var að sjálfsögðu heilmikið fjör. Systkinin unnu sitthvorn fótboltann í fótboltaþraut Arion banka.

Svo var það hátíðin sjálf… mikið fjör.

Við hjónin tókum svo að okkur gæslustörf á laugardagskvöldinu…

Ágúst:

Það var nóg um að vera í ágúst líka en ég var að sjálfsögðu heima um verslunarmannahelgina vegna virðisaukavinnu eins og alltaf. Það stoppaði okkur þó ekki í að skella okkur í miðnætursiglingu með Vestur Adventures í magnaða ferð. Rerum um Grundarfjörð á meðan sólin var að setjast. Þetta var æðislegt.

Kristján Freyr notaði sumarlaunin í að fjárfesta í krossara og þótti það ekki leiðinlegt.

Ellen Alexandra byrjaði á Eldhömrum sem er 5 ára deild uppi í Grunnskóla og var mjög upp með sér enda komin upp í stóra skólann.

Kolgrafafjörður fylltist af grindhvölum sem voru eitthvað að villast.

Vargurinn tók sig til og reddaði þessum.

Hérna er svo smá myndband af þessu ævintýri.

Skálmöld hélt magnaða tónleika í Hörpunni með Sinfoníuhljómsveit Íslands.

Tók að mér nokkur myndaverkefni og eitt þeirra var hinumegin við fjallgarðinn þar sem við notuðum tækifærið og skelltum okkur á ströndina og kíktum aðeins í Rauðfeldargjá og fleira.

Myndaði líka þessa glæsilegu fermingarstúlku í Ólafsvík.

Inga Sóley

September:

Það var ýmislegt brallað í september… Eldhúsið var loksins orðið nothæft og geggjað. Í framhaldi af því kynntist ég Sansa… Gamechanger. Ég var farinn að geta kokkað fram snilldar rétti í nýja eldhúsinu þökk sé Sansa. Þrjár heitar máltíðir í viku. September var Sansa mánuður… reyndar urðu allir mánuðir á eftir þessum líka Sansa mánuðir en það er önnur saga.

Bubbi og Dimma voru með gigg í Frystiklefanum Rifi… geggjaðir.

Ellen Alexandra fór aaaaðeins og geyst á hlaupahjólinu sínu og faceplantaði á malbikið… og jú hún var með hjálm.

Við fórum í bústað upp í Borgarfjörð og dvöldum í Munaðarnesi á meðan Rúna tók námstörn á Bifröst en sú gamla skráði sig í háskólanám. Það var yndislegt í Borgarfirðinum… kíktum upp á Grábrók, Hraunfossa og Háafell svo eitthvað sé nefnt.

Hraunfossar

Og já ég fjárfesti í nýjum dróna þegar DJI Mavic 2 pro kom út. Geggjuð græja.

Grundarfjörður úr nýja drónanum.

Panorama loftmynd af firðinum fagra síðasta dag september mánaðar.

Slökkviliðið kom svo saman til æfinga eftir sumarfrí. Alltaf stuð með þessum meisturum.

Skellti svo saman klysjulegu Kirkjufellsmyndbandi.

Október:

Þessi mánuður var bara sæmilegur… smá norðurljós.

Smá sólsetur…

Rútínan er góð… hérna erum við Ellen að bíða eftir Rúnu fyrir utan FSN eins og við gerum yfirleitt um fjögur leitið á hverjum virkum degi.

Ellen var ansi roggin með fótboltaskjöldinn sem maður fær fyrir að vera góður liðsfélagi.

Við skruppum nokkra daga til Akureyrar til að heiðra Þuru með nærveru okkar. Mikið fjör.

Ellen aðstoðaði ömmu sína við sviðaveislu eldri borgara.

Svo var líka Halloween partý á Eldhömrum og mín var all in.

Fínasti mánuður alveg hreint.

Nóvember:

Þessi mánuður byrjar yfirleitt alltaf á svipuðum nótum… að gamli verður árinu eldri. Það breyttist ekkert þetta árið þegar 2. nóvember rann upp.

Það kom einn og einn góðviðrisdagur í nóvember

Það var massa slökkviliðsæfing hérna í Grundarfirði þegar Gústi og félagar komu úr Reykjavík til að kenna okkur.

Ellen og Magni fóru á Nettó mótið og það var hörku fjör.

Svo fórum við á hótel Borealis og á jólahlaðborð í Grímsborgum… það var geggjað.

Kristján Freyr og krakkarnir í bekknum fóru og prófuðu klifurvegginn hjá Björgunarsveitinni Klakki.

Svo fór minn maður í magaspeglun á LSH þar sem hann hefur verið eitthvað slæmur í maganum undanfarið… það fannst ekkert óeðlilegt þar sem betur fer.

Desember:

Þessi mánuður er alltaf sami unaðurinn… jólastress, át, feelgood stemmning og þess háttar. Þann 1. des fékk ég samt að mynda brúðkaupið hjá Atla frænda og Guðnýju Lindu. Það var yndislegt og skemmtilegt.

Við fjölskyldan fórum svo í menningarferð til Reykjavíkur og byrjuðum á að hoppa aðeins í Rush.

Svo var farið á Nova svellið og rennt sér aðeins á skautum.

Og endað í jólahlaðborði og svo á Baggalútstónleikum.

Svo var útskrift hjá FSN og þar smellti Sumarliði þessari glæsilegu mynd af okkur hjónunum.

Og svo smellti ég þessari mynd af betri helmingnum.

Svo var dróninn aðeins brúkaður.

Kirkjufell
Grundarfjörður

Slökkviliðið lenti í smá hasar þegar Kvíabryggjumenn voru aðeins of grimmir í að reykja bjúgu… en enginn slasaðist sem betur fer.

Arndís Jenný hélt útskriftarveislu á Kaffi 59.

Svo komu jólin með allir sinni afslöppun og konfektáti.

Simbi fékk líka að vera með á mynd þó að hann virki ekkert alltof ánægður með það.

Svo var það á milli jóla og nýárs þegar hin árlega fjöruferð Jobbana var farin og að sjálfsögðu meira át.

Svo að sjálfsögðu var árið endað með góðu áramótateiti og sprengjuvitleysu.

Þetta er orðið ágætt ef þú nenntir að scrolla alla leið hingað niður… Vel gert hjá þér… Stiklað á stóru yfir árið.

Þangað til næst…

Það er alveg magnað hvernig aldurinn færist yfir hægt og rólega. Nú er maður kominn á hinn virðulega fimmtugsaldur en hausinn er kannski ekki alveg að átta sig á því. Nú á dögunum ákvað unglingurinn ég að prófa svokallað hoverboard sem að sonur minn á og þeysist um eins og ekkert sé sjálfsagðara.

Hér gefur að líta svokallað hoverboard.

Hér má svo sjá virðulegan mann á besta aldri brúka slíkt tæki.

Ég ætlaði nú aldeilis að prófa þetta enda leit þetta út fyrir að vera leikur einn þegar maður horfði á soninn þeysast um á þessu.

Ég hafði frekar mikið rangt fyrir mér hvað þetta varðaði… Eftir að hafa farið upp á þetta manndrápstæki og látið Kristján leiða mig áleiðis eftir götunni ákvað ég að reyna að fara um einn og óstuddur. Það fór einhvernveginn svona….

Og afleiðingarnar eru brotinn olnbogi og frekar bágborið ástand á gamla og risið frekar lágt. Hef svolítið verið að hugleiða aldurinn undanfarna daga og þarf eiginlega að átta mig á því að maður er kannski enginn unglingur lengur.

Nú eru liðnar næstum 2 vikur frá þessari aldursuppgvötvun og ég get nánast ekkert notað hendina. Maður er víst ekki alveg eins léttur á sér eins og maður var og á þessum aldri er maður í talsvert meiri hættu á að brjóta eitthvað ef maður álpast til að detta á hausinn. Maður er ekkert að yngjast…

Ef maður horfir á björtu hliðarnar þá er ég að minnsta kosti heppinn að vera rétthentur.

Þangað til næst….

 

Nú er enn eitt árið liðið og afskaplega lítið um að vera á þessari blessuðu heimasíðu tommi.is. En það þýðir samt ekki að maður geti ekki hent í eins og eina áramótayfirferð…

Janúar:

Árið byrjaði á heimsókn til Ara tannlæknis og þar var fyrsta ferðin hjá Ellen sem stóð sig eins og hetja.

Leikskólinn 40 ára og þá var partý í Samkomuhúsinu

Leikskólinn Sólvellir fagnaði 40 ára afmæli og þar rakst ég á þessa mynd af undirrituðum.

Við strákarnir skruppum til Manchester og Burnley og tókum tvo leiki. Æðislega gaman.

Við Rúna stóðum í ströngu með hópi af snillingum í þorrablótsnefndinni. Það var alveg hrikalega gaman og þótti heppnast með þokkalegasta móti.

Febrúar:

Þessi mánuður byrjaði á smá spennufalli eftir þorrablótið enda mikið búið að vera í gangi. Toggi og Maggi Jobba sönsuðu því svona afslöppunarplanka fyrir Rúnu mína.

Mjög kósý.

112 dagurinn var haldinn hátíðlegur.

Svo var það dagur leikskólans.

Skruppum svo í bústað upp í Munaðarnes og höfðum það kósý.

Kíktum svo á geiturnar á Háafelli

Það var yndislegt.

Skíðasvæðið opnaði svo loksins í nokkra daga.

Svo var smellt í smá norðurljós.

Mars:

Það var mikið fjör í skíðalyftunni þessa fyrstu daga í mars.

Svo var líka mikið um norðurljós.

Og bara bongó blíða.

Krakkarnir voru náttúrlega áfram í essinu sínu. Mjög gaman.

Svo voru meiri norðurljós.

Fékk svo þennan brettasnilling í fermingarmyndatöku. Það var gaman.

Svo var farið á nokkrar æfingar svona eins og gengur og gerist.

Svo var smá viðtal við mig í þættinum Að Vestan á N4 stöðinni. Byrjar eftir 8 mínútur og 47 sekúndur.

Við Rúna skruppum svo í rómantíska ferð á hótel á Suðurlandinu. Það var yndislegt.

Apríl:

Fórum norður á Akureyri í skíðaferð. Kristján Freyr datt á snjóbretti og endaði á slysó. Gipsi á kappann og skíðaferðin hans búin. Við hin reyndum að gera gott úr þessu.

Svo var haldið í Klapparhús í afslöppun yfir páskana. Fórum á rúntinn upp í Námaskarð meðal annars.

Svo komu Ninni og Dagmar vestur og þá var að sjálfsögðu hent í fjölskyldumynd.

Svo var líka bílvelta er bíll fauk útaf. Ökumaður og farþegi sluppu án teljandi meiðsla en þessi mynd vekur mann til umhugsunar.

Maí:

Vorið komið og allt í blóma. Strandveiðin byrjuð og sumarið á næsta leiti.

Siggi minn kíkti í heimsókn. Alltaf gaman að hitta þennan meistara.

Aðalsteinn og Unnsteinn buðu mér með út í Melrakkaey. Það var æðislegt.

This slideshow requires JavaScript.

Við félagarnir í Slökkviliði Grundarfjarðar fórum og aðstoðuðum kollega okkar úr Borgarnesi með sinubruna við Vegamót.

Smakkaði svartbaksegg í fyrsta skipti á ævinni. Sérstakt bragð en ekki slæmt.

Fórum aðeins og kíktum á lömbin hjá Dóru og Bárði á Hömrum.

Fjárfesti í nýjum dróna sem var töluverð uppfærsla frá þeim gamla… sem hafði þó þjónað sínum tilgangi vel.

Bæði Rúna og Kristján Freyr urðu árinu eldri þennan mánuðinn. Rúna þann 19 og Kristján þann 20. Við skelltum okkur á Rammstein í tilefni dagsins.

Fótboltinn fór af stað hjá 5. flokk þar sem Kristján Freyr og strákarnir stóðu sig vel.

Svo var einstaka góðviðrisdagur líka.

Svo voru 25 ár frá útskrift úr Laugagerðisskóla og vorum við bekkjarsystkinin sérstakir heiðursgestir. Það er alltaf gaman að hitta þetta lið.

Júní:

Júní mánuður byrjaði á heljar miklu ættarmóti sem var haldið í Laugagerði. Þar var ansi gaman að hitta allt liðið. Byrjað var við Rauðamelskirkju, matur í Laugagerði og svo kaffi í Dalsmynni. Alveg frábært.

This slideshow requires JavaScript.

Svo fljótlega eftir ættarmótið var 40 ára afmælisgjöfin frá systkinum mínum innleist og haldið á Download festival 2017. Þetta var ógeðslega gaman og þá sérstaklega System of a down, Prophets of rage, Biffy Clyro, Aerosmith og Slayer. Alveg magnað stuð með miklum snillingum.

This slideshow requires JavaScript.

Á meðan ég var að þvælast í þessu tónleikabrölti fóru Rúna, Arndís, Kristján Freyr og Ellen Alexandra í Color Run og þótti stuð.

Ellen tók 17 júní með trompi og fór all in í andlitsmálningunni.

Svo var heilmikið fjör á 17. júní

Eitthvað um sólsetursmyndatökur.

This slideshow requires JavaScript.

Ellen og Kristján voru í stuði

This slideshow requires JavaScript.

Svo er hérna loftmynd úr drónanum

Júlí:

Júlí mánuður var annasamur hjá fjölskyldunni. Byrjuðum í afmælisveislu hjá Arndísi Jenný sem varð 25 ára í byrjun júlí.

Fórum upp á Jökul með Hjalta á sjálfan afmælisdaginn. Það var æði.

Ég bjó svo til glæsilegt myndband fyrir Snæfellsnes Excursions af jöklaferðinni.

Snæfellsnes Excursion promo 4 from Tomas Kristjansson on Vimeo.

Svo var það N1 mótið hjá Kristjáni Frey og félögum í 5 flokk. Þeir stóðu sig með mikilli prýði. Unnu riðilinn sinn og töpuðu aðeins 2 leikjum allt mótið. Lokuðu því með því að vinna leikinn um 5. sætið.

This slideshow requires JavaScript.

Eftir N1 mótið lögðum við land undir fót og fórum í smá ferðalag. Við byrjuðum í Klapparhúsi í almennu chilli. Fórum í myndarúnta hingað og þangað og þar stóð upp úr frábær sólsetursferð með Sigurbirni á Range Rover tröllinu upp í Suðurárbotna. Ótrúlegt svæði. Við leyfum myndunum að tala.

Steini snillingur kom með okkur í Klapparhús og við skiluðum honum svo á Ærlæk og fengum að njóta þess að vera þar í nokkra daga. Þar var heyskapur í fullum gangi og svaka stuð. Skruppum í Ásbyrgi, Dettifoss, Hljóðakletta svo eitthvað sé nefnt.

This slideshow requires JavaScript.

Ellen Alexandra fagnaði 4 ára afmælinu sínu á Ærlæk þann 16. júlí og var skellt í skúffuköku af því tilefni.

Duttum svo á Mugison tónleika á Kópaskeri til að fullkomna ferðina.

Hérna eru svo nokkrar sólsetursmyndir og ljósmyndir úr stóru vélinni.

Svo er hérna smá myndband frá Norðurlandinu

North Iceland from Tomas Kristjansson on Vimeo.

Suðurárbotnar.

Ágúst:

Vegna anna í vinnu þá var að sjálfsögðu ekkert farið neitt um verslunarmannahelgina en í staðinn var farið á Halló Halló Grundó sem er að verða rótgróin útihátíð á Sæbólinu. Rúna og krakkarnir fóru í Klapparhús um verslunarmannahelgina og stóðu í framkvæmdum þar.

Kristján Freyr var duglegur að hoppa í fossa og plataði pabba sinn með sér þegar við hoppuðum aðeins í Brynjudalsá.

Ellen Alexandra

Helgina eftir verslunarmannahelgina fórum við til Reykjavíkur og tókum þátt í Gung Ho hoppukastalahlaupinu. Það var fínasta skemmtun. Svo var það almennt chill í höfuðborginni.

This slideshow requires JavaScript.

Ellen Alexandra hélt svo upp á 4 ára afmælið sitt með pompi og pragt þegar að leikskólinn byrjaði aftur.

Kristján Freyr og félagar voru sáttir með uppskeru sumarsins í fótboltanum.

Fórum í rafting með Hirti og Hinna í Hvítá. Það var geggjað.

Svo fórum við Kristján Freyr og séra Aðalsteinn að sulla smá. Vorum að leita að fossum til að hoppa í en fundum ekkert árennilegt.

Kristján Freyr og Jón Björgvin gerðust fyrisætur fyrir skólablað Skessuhorns.

Skellti svo í annað myndband fyrir Snæfellsnes Excursions sem að fór víða og var vel tekið.

Rútuferðir promo 4 from Tomas Kristjansson on Vimeo.

Svo var svaðaleg veisla hjá Kótilettuklúbbnum þegar við vorum með grillaðar T-bone steikur.

September:

Byrjuðum mánuðinn á að fagna afmæli pabba. Út að borða á Bjargarsteini í tilefni dagsins.

Ellen Alexandra byrjaði að æfa fótbolta í stubbaboltanum og stóð sig vel. Hérna eru þær vinkonurnar í góðum gír.

Fór smá myndarúnt að Selvallavatni og Berserkjahrauni og tók mynd af falda fossinum sem allir vita um núna enda ófáar rúturnar sem stoppa þarna.

 

Nú er árið 2016 liðið og 2017 vel á veg komið og því kominn tími til að kíkja á liðið ár. Þetta var bara hið ágætasta ár fyrir okkur á Grundargötunni. Við skulum stikla á stóru.

Janúar:

Hérna er mynd frá áramótunum 2015/2016

Ég náði að skröltast á minni ónýtu hásin í smá myndarúnt en fór hvorki hratt né langt yfir.

Hérna er drónamynd yfir Kolgrafafjörð og svo drónaselfie og önnur af Kolgrafafirði fyrir neðan.

Svo skrapp ég í hvalaskoðunartúr með Láka II og gerði myndband í kjölfarið á því.

Whale watching with Láki Tours from Tomas Kristjansson on Vimeo.

Svo var farið á fótboltamót í Njarðvík þar sem að minn maður stóð sig með prýði.

Svo voru nokkrar myndatökur hér og þar eins og þessi fyrir Krums.

Jú og krakkarnir voru bara í fínum gír…

Febrúar:

Febrúar byrjaði með smá bakslagi í þessu hásina ævintýri mínu en ég náði að rífa hásinina aftur þann 5. febrúar og lenti því aftur á byrjunarreit með tilheyrandi þunglyndi.

Svo skruppu þeir félagar Kristján Freyr og Arnar Breki í leikhús og skemmtu sér bara vel.

Svo lá ég bara mestmegnis í sófanum og spilaði FIFA og fékk einstaka sinnum pabbaknús.

Skíðalyftan í Grundarfirði opnaði aðeins og það var mikið fjör í brekkunum.

Svo þurfti ég að fylgja fyrrverandi bekkjarfélaga og æskuvini til grafar þegar hann Einar Hrafn Aronsson var jarðsunginn frá Kolbeinsstaðakirkju. Blessuð sé minning hans.

Það var að sjálfsögðu stillt upp í smá mynd með gömlu skólafélögunum eftir jarðarförina.

Mars:

Í byrjun mars ákvað einn ólukkans háhyrningur að stranda við Urthvalafjörð.

Ellen var dugleg að halda kaffiboð.

Það var farið norður á skíði og í bústað um páskana. Ellen í Hlíðarfjalli.

Snjóhúsagerð í Bárðardal.

Rúna mín stóð sig vel í blakinu en Grundfirsku skvísurnar reyndu sig á móti bestu liðum landsins í efstu deild.

Kristján Freyr fetaði í fótspor sjálfs Jesú Krists á árshátíð Grunnskólans.

Mikill áhugi á páskaeggjunum á þessum bæ.

Og svo draslaðist ég aðeins niður í fjöru með myndavélina.

Apríl:

Sólin farin að hækka vel á lofti og vorhugur í fólki. Ellen hrikalega ánægð með skótau sem henni áskotnaðist enda í hennar uppáhalds lit.

Við Kristján Freyr tókum okkur til og pimpuðum playstation tölvuna aðeins upp. Kom ansi vel út.

Strákarnir í körfunni héldu áfram að gera góða hluti.

Ég myndaði fyrsta brúðkaup ársins þegar ungt par frá Bretlandi var gefið saman í Búðakirkju.

Við hittum nýjasta fallega frænda minn þegar við kíktum á hann Ólíver Ara.

Hérna eru svo töffararnir Ívar Alex og Kristján Freyr í góðum gír.

Svo var komin einhver ægileg kisustemming í mannskapinn og það fjölgaði aðeins í fjölskyldunni.

Ellen varð hugfangin.

Fór á námskeið hjá HVE á Akranesi ásamt góðum hóp.

Skrapp aðeins út að mynda líka eftir seinni hásinaslit.

Byrjaði svo aftur á vöktum Eyþóri Gæa til mikils léttis og í einum túrnum hitti ég þennan öðling eftir langt hlé.

Og vorið var eiginlega bara komið í Grundarfirði.

Svo var kútmagakvöld Lions haldið með stæl.

Svo var sólsetursseasonið byrjað með stæl og ég var nokkuð duglegur á ferðinni.

Maí:

Maí mánuður byrjaði með fótboltamóti hjá Kristjáni þegar að 5 flokkur fór á TM mót Stjörnunnar í Garðabæ. Stóðu sig vel þessir peyjar. Kristján Freyr og félagar tóku líka þátt í Íslandsmótinu í fyrsta skipti og stóðu sig mjög vel.

Strandveiðarnar byrjuðu og Ellen og afi kíktu á strandveiðibátana.

Það var mikill vorhugur í mínum manni sem mætti niður á höfn til að veiða. Litlar sögur fara af aflatölum.

Kisurnar voru fluttar heim til okkar og Ellen var afskaplega hrifin af þeim Simba og Nölu. Hvort að sú hrifning hafi verið gagnkvæm skal ósagt látið.

Svo var líka sauðburður og við kíktum í fjárhúsin á Hömrum.

Kettirnir vöktu mikla lukku og voru vinsælir á meðal yngri hópsins. Hérna er Eyþór Henry í heimsókn að skoða.

Ellert Rúnar kom og kíkti í heimsókn til okkar. Þar vakti eldhúsið hennar Ellenar Alexöndru mikla lukku.

Sveinn Elmar fór með Kristjáni Frey í veiðiferð og voru ófáir kílómetrarnir lagðir að baki.

Þessi elska fagnaði 35 ára afmæli í maí mánuði

Og þessi meistari varð 11 ára daginn eftir eða þann 20. maí.

Svo voru tónleikar hjá Kristjáni Frey og félögum í tónlistarskólanum og voru þeir afskaplega flottir.

Bekkurinn hans Kristjáns fór í vettvangsferð út á Malarrif og var það mjög vel heppnað í alla staði.

Ég notaði tækifærið og smellti af nokkrum í þeirri ferð.

Tók nokkrar fermingarmyndir.

Svo var það frábært brúðkaup hjá Særúnu og Hauk.

Svo fékk Kristján Freyr viðurkenningu á útskriftinni í skólanum fyrir frábæran árangur í 5. bekk en kappinn var með 9,25 í meðaleinkunn.

Júní:

Júní er alltaf æðislegur. Sumarið komið og allt í topp standi. Það var nóg um að vera í þessum mánuði hjá okkur fjölskyldunni. Við skruppum á frábæra bíla og verkfærasýningu á Eiði þar sem að Ellen Alexandra sat fyrir innan í felgu á traktornum hans Bjarna.

Svo kom leikhópurinn Lotta með sína frábæru sýningu í þríhyrningnum sem allir höfðu gaman af… bæði börn og fullorðnir.

Svo skráðum við okkur í hið frábæra litahlaup sem var alveg geggjað. Ellen Alexandra er enn að tala um þetta og vill fara aftur.

This slideshow requires JavaScript.

Svo var Ísland að gera gott mót á EM í Frakklandi og eftir hinn dramatíska sigurleik á móti Austurríki tókum við skyndiákvörðun og keyptum flug til Nice í Frakklandi til að sjá England – Ísland. Við vorum svo heppin að fá miða á leikinn líka og leigðum okkur svo Airbnb á Frönsku rivierunni. Algjörlega mögnuð ferð í alla staði sem á eftir að lifa lengi í minningunni. Það var hlegið, öskrað, grátið og hreinlega misst sig í geðshræringu þegar að dómarinn flautaði leikinn af og litla Ísland hafði slegið súra Englendinga út úr keppninni.

This slideshow requires JavaScript.

Ellen Alexandra varð eftir heima og fór í frábæra útilegu með ömmu sinni og afa. Fékk að prófa mótorhjólið hans Kibba og þótti það augljóslega ekki leiðinlegt.

Svo fór ég í fyrstu fjallgönguna eftir hásinaslit og hafði Rúnu mína með mér til halds og trausts. Náðum fallegum sólsetursmyndum við Nónfoss og í fjörunni fyrir neðan Fellsenda.

Svo myndaði ég brúðkaup hjá Heiðrúnu og Andra og var það alveg frábær dagur. Aðstæður allar til fyrirmyndar og heppnaðist það afskaplega vel.

Strax eftir Frakklandsferðina fórum við feðgarnir á N1 mótið á Akureyri og það var alveg svakalega gaman.

Júlí:

Við vorum ennþá á N1 mótinu í byrjun júlí þar sem var gríðarlega góð stemming.

Eftir N1 mótið var haldið í ferðalag um landið. Við byrjuðum á að fara austur til Egilsstaða og rúntuðum svo hálendið tilbaka og enduðum í Bárðardal. Tengdó varð sextug og var slegið upp veislu í dalnum. Mikið fjör.

Þegar við vorum fyrir austan tókum við Rúnt á Borgarfjörð eystri. Ég persónulega hafði aldrei komið þangað og var ég ekki svikinn af því. Yndislega fallegur staður og gott að vera.

Þegar í Bárðardalinn var komið þá var ýmislegt dundað. Til að mynda þá hjóluðum við Rúna út um hvippinn og hvappinn… Í kringum Hamar og út í Aldey. Það var mjög skemmtilegt og krefjandi.

Einnig rúntuðum við upp í Suðurárbotna en þar hafði ég aldrei komið áður og það svæði maður lifandi… það er ótrúlega fallegt þarna og þangað ætla ég að leggja leið mína aftur.

Svo var margt annað dundað og tók ég nokkrar myndir á þessum tíma.

This slideshow requires JavaScript.

Þegar heim var komið leið ekki langur tími þangað til næsta ævintýri hófst. Þá var brunað á landsmót skáta á Úlfljótsvatni. Fengum tjaldvagninn hans Gústa bróður lánaðan og tókum eina útilegu. Mikið stuð og Kristján ofurskáti var í essinu sínu.

Eftir að við komum heim þá var bæjarhátíðin Á góðri stund og var það mikið fjör eins og alltaf.

Eftir helgina var farið í gönguferð upp á Eldborg með Þórhildi, Sigga og svo var Jón Björgvin snillingur með okkur líka.

Fékk að fylgja Hadda og Kidda að taka á móti risa skemmtiferðaskipi á föstudeginum bæjarhátíðinni.

Svo fagnaði Ellen Alexandra þriggja ára afmælinu þann 16. júlí og af því tilefni vildi hún endilega sitja fyrir í Smáralindinni.

Ágúst:

Ágúst byrjaði með einróma veðurblíðu og fallegum sólsetrum. Það var æði.

Ellen Alexandra hélt áfram að blómstra og fékk til að mynda að afgreiða með Sillu í búðinni.

Kristján Freyr var mikið í því að hoppa í sjóinn og þótti gaman að því. Hann var með einlægan aðdáendahóp með sér.

Myndaði brúðkaupið hjá þessum turtildúfum hinumegin við fjallgarðinn.

Þessi elska gerði sig heimkomna í FSN en Rúna mín náði þó ekki að innheimta skólagjöld af henni.

Henti í myndband frá Grundarfirði sem fór ansi víða…

Grundarfjörður from Tomas Kristjansson on Vimeo.

Fórum í enda ágúst í Bárðardalinn þar sem skírnarafmæli Rúnu var fagnað ásamt brúðkaupsafmæli afa og ömmu á Húsó.

Ellen fékk afmælispartý þegar að leikskólinn byrjaði aftur og henni þótti það ekki leiðinlegt.

Kristján Freyr fékk far með pabba sínum í sjúkrabílnum eftir einn fótboltaleikinn í Reykjavík og notaði tímann til að slaka á afturí.

Svo voru það Danskir dagar í Hólminum þar sem að þessi snillingur sá um kræsingarnar… obbosins veisla.

September:

Það var mikið fjör í september. Haustið mætt (og stendur reyndar ennþá yfir 10. febrúar 2017). Ég færði ástkærri tengdamóður minni mynd í tilefni af 60 ára afmælinu í sumar.

Pabbi bauð til veislu þegar hann átti afmæli þann 2. september. Það var næs.

Svo var skundað í Kórinn til að berja táningapoppgoðið Justin Bieber augum. Minn maður var dolfallinn yfir þessu mæmi. Pabbinn var ekki alveg eins og hefur þegar fjárfest í miðum á Rammstein í sömu höll þar sem drengurinn fær að gera samanburð.

Jón Frímann vinur minn varð 40 ára í júlí og hélt heljarinnar veislu í september. Þar var margt um manninn og mikið fjör.

Svo var réttað í fyrsta skipti í nýju réttinni í Hrafnkelsstaðabotni.

This slideshow requires JavaScript.

Við tókum góða tiltekt í sjúkrabílaskýlinu. Þar kenndi ýmissa grasa og margt forvitnilegt tólið sem við dustuðum rykið af.

Tókum góðan hjólreiðatúr í Berserkjahrauni.

Og börnin voru að detta í rútínuna aftur eftir frábært sumarfrí.

Svo myndaði ég Dagný og Eymar á fallegum rigningardegi.

Svo var norðurljósatímabilið hafið og maður skottaðist aðeins út.

Október:

Það var ýmislegt dundað í þessum mánuði en hæst ber þó að telja ferð til Nýju Jórvíkur í Ameríkuhrepp. Þangað var förinni heitið í tilefni af 40 ára afmæli þann 2. nóvember. En við vorum nú samt heima mest allan mánuðinn og þá komu þeir Ólíver Ari og Hinrik Nói í heimsókn til okkar.

Það voru miklir vatnavextir í október og þarna er Kirkjufellsfoss eins og beljandi stórfljót.

Við skelltum okkur í bústað á Suðurlandinu og höfðum það gott með góðu fólki.

Þar kíkti ég á Brúarárfoss sem hafði verið á döfinni hjá mér lengi. Það var magnað.

Svo voru gríðarlega hörð mótmæli í Grundarfirði. Jafnrétti já takk.

Svo vorum við feðgarnir bleikir á bleika daginn.

Svo fljótlega eftir þessa sumarbústaðadvöl var kominn tími til að kveðja krakkana en við áttum ekki eftir að sjá þá næstu 11 daga.

Og þá var ferðinni heitið til New York. Þvílík borg. Alveg magnað að vera þarna og mæli ég með því fyrir alla. Þar er hægt að finna allt sem hugurinn girnist… Nema kannski frið og ró.

This slideshow requires JavaScript.

Við skruppum á Ground Zero. Það verður enginn ósnortinn þar. Gjörsamlega magnaður staður

Það er svo margt að sjá þarna. Mögnuð borg.

This slideshow requires JavaScript.

Nóvember:

Þessi mánuður hófst í Airbnb herbergi í Bronx. Svo fagnaði ég 40 ára afmælinu þann 2. nóvember með stæl í New York. Geggjað alveg hreint. Byrjaði þennan mánuð á að skella mér í rakstur á alvöru barbershop í Bronx. Undarleg upplifun en miklir fagmenn sem starfa þarna.

Svo var það afmælisdagurinn. Hann var geggjaður. Fórum út að borða í hádeginu á 3 stjörnu Michelin stað sem heitir Le Bernardin. Æðislegur matur svo ekki sé meira sagt. Mögnuð upplifun. Svo var farið í þyrluflug um Manhattan og endað á að ganga yfir Brooklyn Bridge. Geggjaður dagur.

Svo var sólsetrið á Manhattan einstaklega fallegt á afmælisdaginn.

Restin af New York ferðinni var líka æðisleg. Við flugum svo heim 6. nóvember og lentum á Íslandi þann 7. nóvember.

This slideshow requires JavaScript.

Það var samt yndislegt að koma heim.

Rúna mín var ekki lengi að byrja að jólaskreyta þarna snemma í nóvember mér til mikillar armæðu… en ég fékk engu ráðið um þetta.

Við Sumarliði skruppum á Canon hátíð í Hörpunni. Hérna erum við með meistara Ottó í góðum gír.

Svo var það bruninn mikli á Miðhrauni. Líklega eitt stærsta útkall slökkviliðs Grundarfjarðar síðan Stöðin brann 2009. Þarna þurfti að taka á því og gekk allt vel miðað við aðstæður.

This slideshow requires JavaScript.

Desember:

Þá er það síðasti mánuður ársins sem eins og nánast alltaf er undirlagður af jólastússi og öðru veseni. Sem betur fer höfðum við Rúna (aðallega Rúna samt) græjað allar jólagjafir í New York þannig að við vorum bara nokkuð slök í desember. Byrjuðum á að fara á Baggalút með Gústa og Diljá. Þeir standa alltaf fyrir sínu.

Svo var það Mugison í Hörpunni… sjitt hvað hann er mikill meistari.

Svo var mikið jólastúss á Grundargötu 15. Myndarlegur hópur þarna.

Einar Þorvarðar í Hólminum kom og smellti upp veggfóðrinu sem við létum Logoflex græja. Kemur rosalega vel út en þetta er ljósmynd af Aldeyjarfossi eftir mig.

Dagatal Slökkviliðs Grundarfjarðar rauk út eins og heitar lummur og kláraðist upplagið í þetta skipti.

Og slökkviliðið þurfti aðeins að taka á því í heimahúsi hérna í Grundarfirði. Til allrar lukku slasaðist enginn þar.

Við Rúna skruppum í bjöllur á aðfangadag með góðum hóp af fólki.

Svo var það myndatakan á aðfangadag hjá okkur fjölskyldunni.

This slideshow requires JavaScript.

Jólin voru afskaplega notaleg og ljúf. Við vorum heima bara fjögur í fyrsta skipti og var það afskaplega þægilegt. Skruppum svo í heimsókn til mömmu og tengdó um kvöldið.

Tíminn á milli jóla og nýárs var líka ljúfur. Fórum aðeins út að leika með öllum Jobbunum.

Svo fórum við Ellen út að leika líka í góða veðrinu.

Áramótin voru líka með fínasta móti.

Þá er búið að stikla á stóru yfir árið 2016.

Þangað til næst…

 

Nú er sumarið að líða og haustið nálgast óðfluga. Skólarnir að byrja og allt að detta í sinn vanagang eftir sumarfríið. Hér á eftir fylgja nokkrar myndir frá sumrinu…

Hér má sjá Malarrifsvita í maí. Smellti þessari mynd þegar
ég fór með bekknum hans Kristjáns í skólaferðalag um Snæfellsnes.

 

Tekið í sömu ferð.

Svo voru nokkur sólsetrin í sumar…

 

 

 

 

Búið að vera frábært sumar. Gott veður og eitthvað um ferðalög. Fórum norður á fótboltamót og svo til Egilsstaða og svo í slökun á Bárðardal.

Rúna sæta á Borgarfirði eystri.

Við feðginin á Egilsstöðum.

Ferðalaga selfie

Svo varð hún Ellen Alexandra 3 ára í júlí

Svo hentum við okkur á Landsmót skáta á Úlfljótsvatni. Það var mikið stuð.

Svo var það bæjarhátíðin okkar sem var hin ágætasta skemmtun.

Í ágúst var rútinan hægt og rólega að detta inn. Ellen byrjaði aftur á leikskólanum og allt að detta í fasta skorður. Summi og Hrafnhildur buðu okkur í veislu á dönskum dögum og það var geggjað.

Svo henti ég í smá myndband sem fór ansi víða.

Grundarfjörður from Tomas Kristjansson on Vimeo.

Njótið lífsins.

Þangað til næst….
 

 

Smá tilraunastarfsemi í gangi enda aðgerðir og umferð verið með daprasta móti á þessa annars ágætu síðu. Var aðeins að prufa að fikta og gera síðuna aðeins ljósmyndavænni. Sjáum hvernig þetta fer.

Þangað til næst…